Lukas 7:39 - Kaa n Kəzə̀ n fəghə mə

³⁹ Ambə wù Falasi wey tə mə naʼanə Yeso koʼ tsunə sey, tə n moʼlə n fə̀ŋ ə wi nə̀, “Abə wù wən mə ndzəm lòʼnə wù tûm Kəzə̀, tə̂ tə mə khə wù wey tə mɔmmə nə wi, ndzoʼo weyzən wən tə lòʼ ghii wi, nə a loʼ weyzən u bəbə wə.”

Lukas 7:39 Mawu Ofanana

Matyo 20:16

Sey, Yeso n guŋ kɔʼ nə̀, “Wù wey tə bə guŋŋənə î doʼlə wù kəsə̂, wù wey tə bənə sə kə i bə doʼlə wù ibam.”

Matyo 21:11

Nɔɔ kə aghə̂ key n beeli ndòw ghə dza nə̀, “À wən loʼ Yeso, wù tûm Kəzə̀ tə shinə n naʼ i Nazaled n mboʼo Galili.”

Malakus 7:21

N təŋkey, ghəə a bəbə ghən wù ghəŋŋənə adzəm shiə bə n fə̀ŋ ə wi tə̀ à loʼ moʼlə tə bəbə tə, ghəə a laŋŋə ghə, utsɔŋ, ni wey wù.

Lukas 12:17

Tə n kaʼ ni moʼlə n fəŋ ə wi dza, ‘Mə i jiə ngee nsə n fə wən n sə khə way luʼu kə ni zaa may fəzəə wùŋ wən ə?’

Lukas 15:2

sey ghə̂ a tə Falasi nsə ghə̂ ghə ulaŋ ghə n nyuŋŋə ghɔɔmə n wû i ghə dza, “Wù wən təmə dzəŋi ghi ghə̂ a bəbə ghə, zəə dzəŋi soʼo ghi ghə.”

Lukas 16:3

Wù kəfwaʼ wey n ghɔɔmə kə nəghə unəghə, dza, ‘Mə i jiə tsu n ngee nya a? Mûkəbii wùŋ dza i shiələ nuu mə nə kəfwaʼ, n khə way daʼa kə ni bow ufaa, mə n dədlə soʼonə n tow kə ni doʼo wù nɔɔ wə.

Lukas 18:4

Wù saʼa u təsaʼ wey n taw tuutsə. Ambə n tsuʼ fə loʼ fə, tə n dza tsu n wû u wi wə nə̀, ‘Bə n tsəŋə kə way Zə̀ kə, khə soʼo way nəŋə i wù zə.

Lukas 3:8

Mə̂ bə na tam u dzuŋu wə ni dii nə̀ ghaa n kùm kwey fə̀ŋ tə ghaa tə. Kə ghaa nə dzanə n wû i ghaa nə̀, ‘Abraham loʼ bày ghey u wey wə.’ Təŋkey n kûm dza bə tə̀ ghaa nə̀ Zə̀ kə loʼ ni buʼ fəd tay ghən tə̀ a doʼo waa ghə Abraham.

Lukas 7:16

Ghə̂ ghey n zey ndòw ni tsəŋ, kaʼ ni fuu ukali tə̀ Zə̀ kə dza, “Wù tûm Kəzə̀ u nii u loʼ wə n bən shi kɔʼ n fəŋŋə kə saa. Zə̀ kə n sey bə ni bə koʼ ghə̂ a wi.”

Lukas 7:37

Weyzən u lòʼ wə n lòʼ fu n naʼ i tii zə tə â muunə muu i bəbə zə. Ambə tə zow tsunə nə̀ Yeso zəə n ndaw wù Falasi wey, tə n bə n mmbvə n ləmmə mə n sɔ̀ʼ fə alabasta.

Lukas 7:38

Tə n bə nyaʼa doʼo bə n baa Yeso, dey tsuulə tsu nsə̂ n fuu i Yeso, zə̀llə̀tsu fuu i wi n nyûŋ tə kətow tə wi, tsoʼlə tsu n mmbvə n ləmmə mə.

Lukas 7:40

Yeso n dza tə̀ wi nə̀, “Shimun, n khə ghə i lòʼ zə ni dza tə̀ wɔ.” Tə n dza, “Dza bə a wù Dii wə.” Yeso n dza tə wi nə̀,

Tùm i dzuŋu zə kuum Yeso Klisto tə Jɔn â tɔɔnə 4:19

Weyzən wey n dza, “Mûkəbii, n koʼo tə̀ wə loʼ Wù Tûm Kəzə̀.

Tùm i dzuŋu zə kuum Yeso Klisto tə Jɔn â tɔɔnə 7:12

Ndəmə aghə̂ ghə n tsɔŋɔ ghɔɔmə n wû i ghə bòʼ wi. Ghə̂ a loʼ ghə n dza nə̀, “Tə loʼ wù dzuŋu wə.” À loʼ ghə n kee dza nə̀, “Ngaŋ! Tə sìi ndzəŋŋə aghə̂.”

Tùm i dzuŋu zə kuum Yeso Klisto tə Jɔn â tɔɔnə 9:24

Ghə n kəm tɔŋɔ kpiʼi tsu wù wey ghə â jinə wi nə̀ tə fəb doʼonu, dza tə̀ wi nə̀, “Dza bə isəŋə zə, n zəd i Kəzə̀, ghey khə nə̀ wù wən tə ghəŋənə nə̀ wə i koʼo luʼu tə, loʼ wù bəbə wə.”