Lukas 7:13 - Kaa n Kəzə̀ n fəghə mə

¹³ Nghee Mûkəbii koʼ tsunə wi, tə n kwɔɔlə isî n kow nyiə tii, dza tə̀ wi nə̀, “Ka kəm dey soʼo.”

Lukas 7:13 Mawu Ofanana

Malakus 8:2

“Sî i kwɔɔ mə n kow nɔɔ kə aghə̂ kən, n təŋkey, ghə n doʼo ghi mə̀ fa nə ntsuʼu ntəghə nə̀ ghə ka fə kə zə̂.

Lukas 10:1

Abə ghəə ghən tsəghə tsu nə̀, Mûkəbii n say shi bə tədzûmə nghəm nsəghəmbəghə ghi ghə abəghə, tûm shi ndow ghə abəghə, abəghə isə n naʼa tən tədzəm n luʼu tey tə â khə ni nam ndow fu.

Lukas 11:1

Ambə n tsuʼ fə loʼ fə, Yeso n gɔŋŋə n luʼu kə loʼ kə, ambə tə mayyə tsunə, dzûmə ə wi u loʼ wə n dza tə wi nə̀, “Bày dii bə tə̀ ghey nghee ghey khənə ni gɔŋŋə tii tə̀ Jɔn â dii soʼonə tə̀ dzûmə tə wi tə.”

Lukas 11:39

Mûkəbii n dza ndòw tə̀ wi nə̀, “Ghaa ghə̂ a tə Falasi abə ghaa ney kɔʼnə kaŋ wə nsə wɔɔ tə, ghaa sòw kə kəbii, loʼ sey nə̀ n fə̀ŋ tə ghaa a luu doʼo umə̂ nsə bəb zə.

Lukas 12:42

Mûkəbii n beeli ndòw wi nə̀, “Wù kəfwaʼ u sə̀ŋi u loʼ wù wey tə khənə tow kə, tə̀ mûkəbii wi loʼ ni gaʼ fə̀ŋ n kow wi, tə ney naŋa wi tə a loʼ wù kətow nə tə i nyaŋə fə u ghə̂ a kəfwaʼ a loʼ ghə, nsə ni fu soʼo ghə n fəzəə wə n nəŋə i ghə i zə̂ə zə.

Lukas 13:15

Mûkəbii n beeli ndòw wi dza, “Ghə nəb ityim! N dza ghaa bəghə ghaa n ney kɔʼ nyam tə ghaa, ndow fu ghə n fəzəə wə, ndòw fu soʼo ghə n mmuu mə n tsuʼ inaʼ a?

Lukas 17:5

Ngəd tə wi tə n dza nə̀, “Mûkəbii dii bə tə̀ ghey nghee ghey loʼ ni ghəŋə ni keeli bəghəm i fə̀ŋ i nii zə.”

Lukas 17:6

Tə n beeli ndòw ghə dza, “Abə ghaa khənə bəghəm i fə̀ŋ zə tə̀ a loʼ sə̂ ikuu, ghaa loʼ ni dza tə̀ kaʼ fə nîi fən nə̀, ‘zəbə nuu kɔʼ wû wə wə̀, wə̀ ndòw zəghə doʼo tsu n fəŋ ə dzùu’, fə i zow bə tə̀ ghaa.

Lukas 18:6

Mûkəbii n dza tə ghə nə̀, “Ghaa zow kənu ghəə ghey wù saʼa u təsaʼ wən tə ghəŋŋə ghəə ghən a way tsətsəghə n sə K-a-zə̀ loʼ ni dza a?

Lukas 19:8

Zakiə n fəd nu təmi i kɔʼ dza tə Mûkəbii nə̀, “Mûkəbii, mə i fuu ndow kəm kə ufə kuŋ tə ghə̂ a laa ghə, abə mâ tsi kə nə wù loʼ, mə i tsə dzəŋŋə ndow, n tsə kuulə ndow tənəŋŋə təkaykə n taŋ a fə wey mə â tsinə wi tii.”

Lukas 22:61

Mûkəbii n khəəmə laalə ndòw Pita, Pita n daŋŋə taa moʼlə bə ghə zey Mûkəbii â dzanə tə wi nə̀, “tə mwaʼ kə ni tɔŋ na, a i loʼ nə wə n mə tuu maʼa tənəŋə tətəghə.”

Lukas 24:3

Ghə nyi daŋŋə ndòw fu, ka koʼ vən i Mûkəbii Yeso.

Lukas 24:34

Dzûmə tey n dza bə tə̀ ghə nə̀, “Ndzəm, ndzəm, Mûkəbii n zhəm nə ivə. Tə ma dii wû u wi wə̀ tə̀ Shimun.”

Lukas 7:12

Nghee tə̀ ghə kuʼlə may ndòwnə ni nyi inaʼ, ghə n kpii tsu ghi və̀n i wù zə ghə boʼlə shiə bənə, à n lòʼ sey nə̀ â loʼ sɔ̀ʼi fə waa u num ə zən ə kpusə u lòʼ wə. Ndəmə aghə̂ n lòʼ ghi wi.

Lukas 7:14

Tə n ndòw mɔm tsu mbuŋ key ghə â boʼo keelinə tii, ghə̂ ghey ghə â boʼo keeli n təmi tsu. Ambə ghə təmi tsunə, tə n dza tsu nə̀, “Mbwɔ, n dza nə̀ wə nuu kɔʼ.”

Lukas 7:19

tûm ndòw ngəd tə tii tə nə̀ ghə ndòw bəb tə̀ Yeso nə̀, “À loʼ wɔ ghey â ləmmənə ə nkee ghey khə ni nam ləmə wù tii?”

Lukas 8:52

Ghə̂ ghey ghə â lòʼ fu tii n deyyə, mow bòʼ waa tii. Yeso n kə̀m ndòw ghə dza, “Kə̂ ghaa nə deynə, tə ka kpuu dzə, tə bweelinu.”

Tùm i dzuŋu zə kuum Yeso Klisto tə Jɔn â tɔɔnə 11:2

Maria wən loʼ weyzən wey tə â tsoʼlənə fuu i Mûkəbii Yeso zə n mbvə n ləmmə mə, zəd maʼa tsu fuu i wi n nyuŋ tə kətow tə wi. Â loʼ waazə ə wi Lazarɔs tə â dzaŋanə.

Tùm i dzuŋu zə kuum Yeso Klisto tə Jɔn â tɔɔnə 11:3

Sey waazə a Lazarɔs a zən ghey n tûm tsu tûm tə̀ Yeso nə̀, “Mûkəbii, wù fə wə wey wə ngii ləghənə, tə dzaŋanu.”

Tùm i dzuŋu zə kuum Yeso Klisto tə Jɔn â tɔɔnə 20:13

Tsətəndəghə tə Kəzə̀ tey n bəb tə̀ wi nə̀, “Iwaa, wə tsuulə sə̂ n kee mə ə?” Tə n dza tə̀ ghə nə̀, “A loʼ n təŋkey ghə n ney nuu vən i Mûkəbii wuŋ zə, mə n khə way luʼu key ghə ney naŋanə wi tii.”

Tùm i dzuŋu zə kuum Yeso Klisto tə Jɔn â tɔɔnə 20:15

Yeso n bəb tə̀ wi nə̀, “Iwaa, wə tsuulə sə̂ n kee mə? Wə kəŋə ndee fa a?” Maria n moʼo kə nə̀ à loʼ wù usum u loʼ wə, tə n dza tə̀ wi nə̀, “Mûkəbii, abə à loʼ nə̀ wə n vən i wi i boʼo nuu, wə tiilə bə luʼu key wə ndow nyəŋi naŋanə wi tii tə̀ n ndow boʼo nuu.”

Tùm i dzuŋu zə kuum Yeso Klisto tə Jɔn â tɔɔnə 4:1

Nghee tə̀ Yeso keeli tsunə nə̀ ghə̂ a tə Falasi ghə n zow nə̀ tə keeli kɔʼɔ ndòw tədzûmə n ndəm, fuu ghə n mmuu n Kəzə̀ mə tsəghəshi Jɔn.

Tùm i dzuŋu zə kuum Yeso Klisto tə Jɔn â tɔɔnə 6:23

Fən u loʼ wə, wə â nuu bə n Tiberia n ndow bə fu n nguŋ inyi n səə luʼu key Mûkəbii â buulənə fəzəə wə tii, fuu tə nɔɔ kə aghə̂ kə, ghə n zə̂.

1 Kɔrint 7:30

a ghey ghə mownə, ghə i muu tə̀ ghə mow way, a ghey ghə duʼlənə, ghə i loʼ tə̀ ghə duʼlə way, a ghey ghə zûnə fə̂ wə, ghə i muu tə̀ à way ghə, ghə khənə fə u tii wə.

1 Tesalonika 4:13

Waazə ghə, ghey ləghə nə̀ ghaa keeli tsu isəŋə bòʼ dzûmə tə̀ Klisto tən tə kpu dzənə, sey nə̀ kə ghaa i mow, tə a loʼ ghə̂ ghey ghə ləmmə way fə kə n wɔ Zə̀ kə.

Hibru 2:17

À wən loʼ ghə i tii zə Zə̀ kə a khə ni ghəŋə tsu nə̀ tə doʼo bə tə̀ a loʼ saa waazə a wi nə təjìi tədzəm sey nə̀, tə loʼ ni doʼo bə fɔɔngili u nii nii wə. Tə wən ghə loʼ ni gaʼ fə̀ŋ n kow wi, tə khə soʼonə sî i kwɔɔlə zə. Sey nə̀ tə loʼ ni ney fuu ndow wû u wi tə̀ a loʼ umaʼlə ni sow maʼa ghəə a bəbə ghən ghə̂ a ghəŋŋənə.

Hibru 4:15

N dza sey n təŋkey, fɔɔngili u nii nii wən way dzə ni doʼo nə̀ tə ka kwɔɔlə sî zə n kow saa abə saa bwu khə̂mə tsunə. Saa fəd khə fɔɔngili u nii nii wə, ghə â mɔm koʼnə wi nə təjìi tədzəm tə̀ ghə mɔm koʼonə saa, tə n ka kee ghəŋə dzə ghə i bəbə i loʼ zə.