Lukas 6:8 - Kaa n Kəzə̀ n fəghə mə

⁸ Yeso n loʼ nə tə n zowkeeli moʼlə tə ghə tə, tə n dza ndòw tə̀ wù wey kpi kə â kpu doʼonə nə̀, “Nuu kɔʼ, wə təmi shi bə fa isə.” Tə n daŋŋə nuu kɔʼ, təmi shi i ndòw.

Lukas 6:8 Mawu Ofanana

Matyo 9:4

Yeso n kee loʼ nə tə n keeli zey moʼlə tə ghə tə, tə n dza tə̀ ghə nə̀, “Ghaa ney naŋa ndzoʼo ghəə a bəbə ghey n fə̀ŋ tə ghaa bòʼ kee?

Malakus 3:3

Yeso n dza ndòw tə̀ wù wey wɔɔ kə wi kə â tə̀ghə doʼonə nə̀, “nuu kɔʼ, wə təmi shi bə n sə kə aghə̂.”

Lukas 13:12

Ambə Yeso kòʼ ndòwnə wi, tə n tɔŋŋə tsu wi dza tə̀ wi nə̀, “n dza nə̀ dzaŋ zə i may.”

Lukas 5:22

Nghee tə̀ Yeso zowkeeli tsunə moʼlə tə ghə tə, tə n bəb ndòw tə̀ ghə nə̀, “Ghaa sey moʼlə ndzoʼo ghəə a ghaa ghə n fə̀ŋ tə ghaa a?

Lukas 6:9

Yeso n dza ndòw tə ghə nə̀, “N dza n bəb bə tə̀ ghaa nə̀, Laŋ kə saa kə dza nə̀ ngee bòʼ tsuʼ inaʼ a? Nə a i ghəŋə ghəə a dzuŋu ghə mɔ a bəbə ghə ə? Nə a bəghəshi muu i wù mɔ nə a bəəbə maʼa?”

Tùm i dzuŋu zə kuum Yeso Klisto tə Jɔn â tɔɔnə 2:25

Ghə i loʼ i way dzə wù â loʼnə ni dza tə̀ wi bòʼ ghə, boʼnə wû wi, tə â khə may ghəə ghey a loʼnə n fə̀ŋ tə ghə.

Tùm i dzuŋu zə kuum Yeso Klisto tə Jɔn â tɔɔnə 21:17

Yeso n kəm bəb kpiʼi ndow tə̀ wi ni ghəŋə ndow tənəŋə tətəghə nə̀, “Shimun, waa Jɔn, wə ləghənu mə ə?” Ghə i tii zə n ngii fəmmə Pita n fə̀ŋ nghee tə bəbə kuulə kə ghə zə imɔʼ. Tə n beeli ndow wi nə̀, “Mûkəbii, wə khə aghəə adzəm, wə a khə soʼo nə n ləghənu wɔ.” Yeso n dza ndow tə wi nə̀, “I laalə njì tuŋ tə.

Tùm i dzuŋu zə kuum Yeso Klisto tə Jɔn â tɔɔnə 9:4

Saa khə ni teeli fwaʼ fwaʼ kə wù wey tə tûmnə mə nya nə̀ luʼu tə nam zownu, n təŋkey, abə tsuʼ u dzə̂ bənə, wù kəm way ni fwaʼ.

Kəfwaʼ 20:24

N tsəm ə buʼu ney way muu zuŋ zə tə a loʼ fə loʼ kə, n ləghə kə ni mayyə kɔʼ fwaʼ kən Mûkəbii Yeso fuu naŋanə tə mə. Fwaʼ kə tii kə loʼ ni təmi tiilə tûm i dzuŋu zə bòʼ ndzuŋ zən Zə̀ kə khənə n kow saa.

Kəfwaʼ 26:26

Fɔɔ Agripa khənu ghəə ghən adzəm. N ndzəmə khəə dzəŋinu ghəə ghə ghi wi nə̀ n tsəŋə way n təŋkey, n khənu nə̀ ghəə ghən n khəənə fa adzəm, i loʼ i way tii nə̀ a loʼ i fəghə zə tə wi, boʼnə ghəə ghən â ka ney dzə bənə kə nə kələm.

Filipi 1:28

Kə̂ ghaa nə̂ tsəŋənə ghə̂ a təngəmə a ghaa ghə, keeli tsu na fə̀ŋ. Abə ghaa ghəŋə nə̀ sey, ghə i loʼ ni koʼ n wû i ghə zə nə̀ ghə î ləŋi nu, a i keeli ghaa bəghəshi zə, kùmnə a loʼ Kəzə̀ tə təmə fuunə tsam ə tii tə̀ ghaa.

Hibru 4:13

Fə kə loʼ kə way Zə̀ kə bɔmnə, kə nyi doʼonə sə̂ a wi. Fə udzəm u chi doʼonu, loʼ n mgbaŋ n sə kə wi wən saa khə ni teeli fu taŋ tə̀ wi.

1 Pita 4:1

Nghee i loʼnə nə̀ Klisto â fəghə tə a loʼ wù sɔŋtsuʼ fa n mbi, ghaa khə ni teeli keeli tsu soʼo ndzoʼo fə̀ŋ zey tə â khənə n nəŋə zey tə â bəghəmnə ni fəghə, n təŋkey, wù wey tə fəghənə tə a loʼ wù sɔŋtsuʼ fa n mbi, kəm way ni ghəŋə ghəə a bəbə ghey tə â buʼu ghəŋŋə tsənə.

Chi dii 2:23

Mə i wey maʼa tsu soʼo ghə̂ ghey adzəm ghə neynə ghow kə ibwey kə wi kə. Dzəŋi u dzûmə tə Klisto udzəm i keeli tsu nə̀ à loʼ mə n khənə fə̀ŋ tə aghə̂ nsə moʼlə tə aghə̂ tə tədzəm. Ghə i keeli soʼo nə̀ mə i tsəə dzəŋŋə kə kay wù ghə n fə key kə kpiilənə ghi ghəə a wi a ghəŋŋə ghə.