Lukas 6:49 - Kaa n Kəzə̀ n fəghə mə

⁴⁹ Abə wù wey tə zownə ghɔɔmə zûŋ zə, ghəŋə way ghə zey n dzanə. Tə loʼ tə a loʼ wù wey tə bɔmnə ndaw n ghəlikətsə nə tə ka tsə kə sət dzə. Ambə dzuu naali tsən bənə n ndaw tii, zə n beeli, luʼlə may tsu.”

Lukas 6:49 Mawu Ofanana

Matyo 23:3

Sey ghaa khə ni teeli zow ghəə ghey ghə dzanə tə̀ ghaa, dzûmə kɔʼɔ ndòw. I kə̂ ghaa nə kee fòʼlənə ghəə ghey ghə ghəŋŋənə, n təŋkey, ghə ghəŋŋə dzə way ghəə ghey ghə diinə.

Matyo 24:10

Ndəmə aghə̂ ghə i buu doʼo n bəghəm i fə̀ŋ i ghə. Ghə i bàa wû i ghə zə, fìilə fuu wû i ghə.

Malakus 4:17

Ghɔɔmə i tii zə n ka kee təmi taw dzə n fə̀ŋ tə ghə, n təŋkey i khə way ghaŋ tə. Ambə chɔd u bənə tii bòʼ ghɔɔmə i Kəzə̀, ghə n daŋŋə bwùlə doʼo i ndòw.

Lukas 12:47

Wù kəfwaʼ wey tə khənə ghəə ghey mûkəbii ə wi ləghənə, ka kee fwaʼ tə̀ tə mə̀ khənə ni fwaʼ î ndəŋə məə n fən.

Lukas 19:14

A n loʼ sey, nə ghə̂ ghə inaʼ a wi a ləghə way wi. Sey ghə n tûm ndow aghə̂ nə ghə ndow dza nə̀ ghə ləghə way nə tə doʼo də̀ŋ kə ghə.

Lukas 19:27

Abə ghə̂ a təngəmmə ghuŋ ghey ghə â ləghə way nə n doʼo kədəŋ, ney bə na ghə n səə mə, ghaa wey tsu mə i koʼo.’”

Lukas 6:46

A loʼ kee ghaa tɔŋɔnə mə nə ‘Mûkəbii’, ‘Mûkəbii’, nə a loʼ sey ghaa ghəŋə way ghəə ghey n dzanə.

Lukas 6:48

Tə loʼ tə̀ a loʼ wù wey tə a dza i bəghə ndaw, tə n bow dzɔb nyi tsu ndòw tsə kə ndaw, bɔm kɔʼ bə tsə̂ u tii wə nə atay. Ambə dzuu naali tsən bənə ndaw tii, zə n way ni beeli təŋkey ghə â bɔm dzɔbnu.

Lukas 7:1

Ambə Yeso dza may tsunə ghəə ghən tə ghə̂ ghey, tə n nuu dzəŋŋə ndòw n Kapenum.

Tùm i dzuŋu zə kuum Yeso Klisto tə Jɔn â tɔɔnə 15:2

Abə kpìi kə loʼ kə məə way tam wə, tə n khəə maʼa i tsu, u wey u məənə tam wə, tə n faalə kad naŋa kɔʼ nə̀ wə i ngii məə tsu.

Kəfwaʼ 20:29

N khənu nə̀ abə mə i zəghə tsunə ghaa, ghə̂ a loʼ ghə i bəghənu tə a loʼ ubəghə, ghə bə saʼa maʼa tsu ghaa.

Kəfwaʼ 26:11

Mə n chɔd ghə n ndəmə tənəŋə n ndaw tə udzəŋi tə ghə ni ghəŋə nə̀ ghə tuu maʼa Yeso. Mə n ngii baa ghə n jìi zey mə n bəghəm kaabə ndow ghə n naʼa tə tətùm ni chɔd ghə.”

1 Tesalonika 3:5

À wey loʼ ghə i tii zə mə â koʼ tsunə nə̀ i dzɔbənu tə mə ni tûm bə Timoti n təŋkey, mə â kəm way ni kow fə̀ŋ. Sey, mə n tûm bə Timoti nə̀ tə bə koʼ tsu nə̀ ghaa loʼ ngee n bəghəm i fə̀ŋ i ghaa. Mə â tsəŋənu nə̀ n nəŋə i loʼ i, vəətsəə ghə n ghaa nəb fuu nə̀ ghaa bwu n ghəə a bəbə ghə ni ghəŋə nə̀ fwaʼ kə ghey kədzəm kə maŋ doʼo kɔʼ kənunu.

2 Pita 2:20

Abə ghə̂ a nɔb shi bə n wɔ bəb i mbi zən bòʼ nə̀ ghə n keeli Mûkəbii saa nsə bəghəshi ə saa Yeso Klisto, kəm bə bwu dzəŋŋə nyi ndow ni ghəŋŋə ghəə a bəbə ghə, ndzoʼo ghə̂ a tii ghə loʼ ghə̂ a bəbə ghə nya tsəghəshi nghee ghə â loʼ nə̀ ghə ka kam keeli Klisto.

1 Jɔn 2:19

Ghə̂ a təngəmə ghən â way dzəŋi dzə nə kəfə kəmɔʼ ghi saa. À wey loʼ ghə i tii zə ghə â nuu shinə n fəŋŋə kə saa. Abə zə â loʼnə nə̀ ghə â loʼ dzəŋi nə kəfə kəmɔʼ ghi saa, ghə â doʼo dzəŋi bə ghi saa, ghə a ka nuu dzə. Nghee ghə â fəd nuu shinə, i dii bə n mgbaŋ nə̀ wù ghə umɔʼ â way koʼ tsə ghi saa.