Lukas 6:45 - Kaa n Kəzə̀ n fəghə mə

⁴⁵ Wù dzuŋu ghəŋə kə ghəə a dzuŋu ghey a shi kɔʼ bənə n fə̀ŋ ə wi. Wù bəbə ghəŋə kə ghəə a bəbə ghey a shi kɔʼ bənə n fəŋ ə wi, kuumnə wù ghɔɔmə kə ghəə ghey a kuʼ doʼonə n fəŋ ə wi.

Lukas 6:45 Mawu Ofanana

Tùm i dzuŋu zə kuum Yeso Klisto tə Jɔn â tɔɔnə 7:38

Wù wey tə bəghəmnə tə̀ mə, tə bə mə̂, n təŋkey màʼlə K-a-zə̀ kə dza nə̀, ‘Mmuu mey n fuunə muu zə itsali zə, i bənə shiə bə n fə̀ŋ ə wi tə a loʼ fədzuu.’”

Kəfwaʼ 5:3

Pita n bəb tə wi nə̀, “Ananyas, a loʼ kee wə bəghəmnə nə Satan nyi bəghə doʼo n fə̀ŋ zə, tə ghəŋə wɔ nə wə bad aghəə tə Zay kə Zow kə ə? À loʼ kee wə khəə naŋa ndownə kəm kə ukhəə key wə fiinə luʼu kə tii tə̀ wû wə wə̀ ə?

Efesus 3:8

Abə a tɔʼ laalə tsunə n ghə̂ a kəfwaʼ a Kəzə̀ adzəm, n ka kɔʼ kpii dzə ni doʼo wù kəfwaʼ a wi n fwaʼ kən. N ndzuŋ ə wi, tə u nam fuu mə n kɔb k-a-fwaʼ kən ni naʼa tûm i dzuŋu zə, dii ndow ndzuŋ zən i loʼnə n bam i Klisto tə̀ ghə̂ ghən ghə way ghə̂ a Təjuu ghə.

Efesus 4:29

I kə ghɔɔmə i dzəə i nə̂ shiənə n dzuu i ghaa, a may kə ghɔɔmə zey i bəghənə ghə̂ ghə n muu i ghə, sey nə̀, ghəə ghey ghaa ghɔɔmənə, ghə i fuu gaamə zə tə̀ ghə̂ ghən ghə zəllənə ghəə ghey ghaa dzanə.

Efesus 5:19

Ghaa khə ni ghɔɔmə tiilə n wû i ghaa nə təndzaŋa, zhim ndzaŋa tən tə fuunə kɔʼləmə tə̀ Zə̀ kə, nsə ndzaŋa tey Zay kə Zow kə fuunə tə̀ ghaa. Ghaa khə ni zhim dzaŋa tən tə fuunə kɔʼlə mə tə̀ Mûkəbii n fə̀ŋ tə ghaa tə tədzəm,

Kolose 3:16

Ghaa ghəŋə nə̀ ghɔɔmə i Klisto i bəghə doʼo n fə̀ŋ tə ghaa naʼ idzəm. Ghaa i dii nduŋŋə ndow ghəə a tii ghə n wû i ghaa, dəŋŋə kɔʼɔ bə wû i ghaa nə utɔb. Zhim dzaŋa tən tə fuu kɔʼləmə tə Zə̀ kə, zhim dzaŋa tə Zay kə Zow kə nsə dzaŋa tən ghaa bəghə kɔʼɔ bənə n fə̀ŋ tə ghaa, zhim ndow ndzaŋa tə Kəzə̀ n fə̀ŋ idzəm.

Kolose 4:6

Ghaa khə ni khə dzə̂ tə dzuŋu tə n jìi zey ghaa ghɔɔmənə tii ghi ghə̂ ghə, sey nə̀, ghaa i loʼ ni beeli aghə̂ adzəm n jìi zey i kpiilənə.

Hibru 8:10

Sey, Mə Mûkəbii, n dza nə̀, à wey loʼ kaa n fəghə mən mə i zə̂ənə ghi ghə̂ ghə Izree ghə N tsuʼu mən n bəghənə. Mə i kuu naŋa ndow laŋ wuŋ n tow u ghə N tɔ̀ɔ naŋa ndow soʼo n fə̀ŋ tə ghə. Mə i doʼlə Zə̀ kə ghə, Ghə i doʼo soʼo ghə̂ ghuŋ.

Màʼlə kə Jud tə̀ ghə̂ a Kəzə̀ ghə 1:15

Tə i bəghə ghi ghə ni bə saʼ aghə̂ adzəm, tə chɔd soʼo ghə̂ ghey ghə ngɔɔmə way Zə̀ kə adzəm n ghəə a bəbə ghey ghə ghəŋŋənə. Tə i chɔdlɔ soʼo ghə̂ ghən ghə ngɔɔmə way Zə̀ kə n ghəə a bəbə ghən ghə â dzanə n tow K-a-zə̀.”