Lukas 6:42 - Kaa n Kəzə̀ n fəghə mə

⁴² Wə loʼ ngee ni dza tə̀ waazu nə̀, ‘N waazə, na n shiələ bə fəghə fey n sə̂ zə,’ nə̀ a loʼ sey wə buʼu koʼo way kaʼ fey n sə̂ zə ə? Nəb ityim tə a loʼ wɔ, buʼ shiələ nuu tsu dzə kaʼ fey n sə̂ zə, sey wə i loʼ ni tɔʼ koʼ təluʼu ni shiələ nuu fəghə fey n sə̂ i waazu.

Lukas 6:42 Mawu Ofanana

Matyo 26:75

Pita n daŋŋə taa moʼlə tsu ghəə zey Yeso â dzanə tə̀ wi nə̀, “Tə mwaʼ kə ni tɔŋ, a i loʼ nə̀ wə̀ n mə tuu maʼa tənəŋə tətəghə.” Tə n nuu tsu fu, shi ndow a bii, ndòw dey dzɔb i tsu.

Matyo 7:3

À loʼ kee wə laalənə sala fə fəkaʼ fey n sə̂ i waazu, loʼ sey nə̀ wə kee khə bàŋ kə fəkaʼ n sə̂ zə ə?

Matyo 7:4

Wə zəghənu ni dza tə̀ waazu nə̀, ‘N waazə, bə tə̀ n shiələ nuu sala fə fəkaʼ fey fə loʼnə n sə̂ zə, loʼ sey nə̀ bàŋ kə fəkaʼ kə loʼ n sə̂ zə ə?’

Lukas 13:15

Mûkəbii n beeli ndòw wi dza, “Ghə nəb ityim! N dza ghaa bəghə ghaa n ney kɔʼ nyam tə ghaa, ndow fu ghə n fəzəə wə, ndòw fu soʼo ghə n mmuu mə n tsuʼ inaʼ a?

Lukas 22:32

“À kee lòʼnə mə̀ n gɔŋŋə tə wɔ a Shimun, nə khə bəghəm i fə̀ŋ zə i nə buu doʼonə, abə wə̀ i təmi dzəŋŋə bənə, wə̀ i gàamə̀ soʼo waazə ghə.”

Lukas 6:41

A loʼ kee wə laalənə fəghə fey n sə̂ i waazu kee koʼo way kəm kə fəkaʼ key n sə̂ zə ə?

Lukas 6:43

Keeli tsu na nə̀, kaʼ fə dzuŋu fə way ni mə̀ dzə tam u bəbə wə, ighələ tə̀ kaʼ fə bəbə fə way ni mə dzə tam u dzuŋu wə.

Kəfwaʼ 13:10

“Waa avəətsəə wən! Wə loʼ wù təngəmmə tə ghəə ghən a loʼnə tsətsəghə adzəm. Wə khə jii tə tsɔŋɔ tə tədzəm ni ghəŋŋə ghəə a bəbə ghə. Wə dəmə tənə tsə kə ni bwɔd fəd bə isəŋə zən i loʼnə bòʼ Mûkəbii n ghəə a badla ghə.

Kəfwaʼ 2:38

Pita n dza tə ghə nə̀, “Kwey nuu bə na fə̀ŋ tə ghaa tə n ghəə a bəbə ghə, ghaa ney mmuu n Kəzə̀ n zəd i Yeso Klisto, tə Zə̀ kə neyzəə ghəə a ghaa a bəbə ghə. Sey, Zə̀ kə i fuu ghaa n naamə kə nə̀ a loʼ Zay kə Zow kə.

Kəfwaʼ 8:21

Wə ka kɔʼ kpi dzə ni fwaʼ fwaʼ kən, n təŋkey, fə̀ŋ zə zow way n sə̂ K-a-zə̀.

Roma 2:1

Wɔ wey wə tɔʼɔ sɔʼɔnə wɔ kə tə̀ ghə̂ aloʼ ghə nə ghə ghəŋə ghəə a bəbəghə, keelitsu nə̀ jii i loʼ i tsəm way dzə wə loʼ ni dza nə̀ wɔɔ ghə a zownu, abə wə tsəm loʼ kə ndee, n təŋkey, abə wə saʼanə ghə̂ ghə a dza ghə ghəŋŋə ghəə a bəbə ghə, nə̀ wə ghəŋŋə soʼo ghəə a tii, wə sey saʼa soʼo wû wə.

2 Kɔrint 5:18

Ghəə ghən adzəm, à ghəŋŋə Kəzə̀, tə təmdzəŋi bə ghey ghi wi n bam i Klisto. À fuu wi fwaʼ kən tə̀ ghey nə̀ ghey i təmə dzəŋi bə ghə̂ ghə ghi wi.

2 Timoti 2:21

Wù wey tə sòw nuu tsu wû u wi wə n ghəə a bəbə ghə, tə i doʼo bə tə a loʼ fə kə kuum ighəə, n təŋkey tə zownu n sə kə mûkəbii wi, tə n bayyə naŋa wû u wi wə, ləmmə tənə soʼo ni fwa fwaʼ kə dzuŋu kə.

2 Pita 1:9

A kee bə wù wey tə ghəŋŋə way ghəə ghən n taŋŋə tsu bənə fa, tə sey tɔʼɔ koʼo way luʼu tə tə̀ a loʼ wù fəbə. Ghə n neyzəə soʼo nə̀ ghə mâ sow maʼa ghəə a bəbə ghey ghə â buʼu ghəŋŋə tsənə.