Lukas 6:35 - Kaa n Kəzə̀ n fəghə mə

³⁵ Sey, i ləghə na ghə̂ a təngəmə a ghaa ghə, ghəŋə ndzuŋ tə̀ ghə̂ ghə, fuulə fuu shiə fə u ghaa, moʼlə way nə ghə i teeli fu dzəŋŋə. Abə ghaa ghəŋənə sey, ghaa i keeli naamə kə nii kə, ghaa i loʼ luʼu wey waa a Kəzə̀ a səŋi a loʼnə tii, n təŋkey, tə ghəŋə ndzûŋ tə̀ ghə̂ à məə ghə nsə ghə̂ a bəbə ghə.

Lukas 6:35 Mawu Ofanana

Matyo 5:9

Buulə i loʼ tə̀ ghə̂ ghey ghə buulənə luʼu tə, N təŋkey, Zə̀ kə i tɔŋŋə ghə nə̀ ghə loʼ waa a wi.

Malakus 5:7

Tə n buʼ shi kɔʼ kəbɔŋ idəŋ dza nə̀, “Yeso, Waa Zaamə mbi, wə dza i ji ngee ghi mə ə? N buʼu kəwɔɔ tə̀ wɔ n zəd i Kəzə̀, kə wə nə chɔdlɔnə mə.”

Lukas 1:32

Tə i bə doʼlə wù nii wə, ghə i tɔŋŋə wi nə̀ a loʼ Waa Zə̀ kə Idəŋ kə. Bày Zə̀ kə Mbi î fu wi n kuu kadə̀ŋ kə bày wi kə, tɔŋɔ Devid.

Lukas 6:36

I kwɔɔlə na sî zə tə̀ ghə̂ ghə ighələ tə̀ Bày ghaa kwɔɔlənə sî zə tə̀ ghə̂ ghə.

Tùm i dzuŋu zə kuum Yeso Klisto tə Jɔn â tɔɔnə 13:35

Abə ghaa khə ləghə zə n wû i ghaa, aghə̂ adzəm ghə i daŋŋə koʼ keeli bə nə̀ ghaa loʼ ngəd tuŋ.”

Tùm i dzuŋu zə kuum Yeso Klisto tə Jɔn â tɔɔnə 15:8

Bày wuŋ keeli nkɔʼlə abə ghaa ngii məənə tam wə. Tam wən ghaa məənə, dii tsuu nə̀ ghaa ndzəm loʼ ngəd tuŋ.

Kəfwaʼ 14:17

A kee loʼ nə̀ Zə̀ kə ka maŋ naŋa dzə ghə sey nə̀ tə ka ghəŋŋə nə̀ ghə keeli nə̀ tə loʼnu. Tə â ghəŋŋə nə̀ ghə keeli nə̀ tə loʼ utaw n ghəə a dzuŋu ghən tə â ghəŋŋənə ni tûm tsuu bə ghow zə i idəŋ, ghəŋŋə soʼo nə̀ fə wə i nyîmmə dzɔbə n nəŋə zey i kpiilənə. À loʼ wi tə â fuunə ghaa n fəzəə wə, ghəŋŋə soʼo nə̀ ghaa i saŋŋə n fə̀ŋ tə ghaa naʼ idzəm.”

2 Kɔrint 8:9

Ghaa khənu ndzoʼo ndzuŋ zey Mûkəbii ə saa Yeso Klisto â khənə. Tə â kûmnu, tə n fəd doʼo bə wù laa wə bòʼ ghaa, sey nə̀ n bam i laa i wi, ghaa i loʼ ni kûm.

2 Timoti 3:2

Ghə̂ ghə i bɔɔmə ləghə kə wû i ghə zə, shiə n sə̂ ghə n ghəə ghə ukhəə, ghaŋŋə iwû, kpaalə aghə̂, zow way tə ghə bày a ghə ghə, ney way wù n taŋ, fuu way zɔŋŋə kə tə ghə̂ ghey ghə gaamənə ghə, ghə nə ney way ghəə a Kəzə̀ ghə n taŋ,