Lukas 6:30 - Kaa n Kəzə̀ n fəghə mə

³⁰ Abə a loʼ kə ndee tə nɔɔnə fə kə kə̀, fu ndòw. Nə̀ wù loʼ bə bəkeeli ndòw fə kə, ka bəb dzəŋŋə dzə.

Lukas 6:30 Mawu Ofanana

Matyo 18:35

Yeso n daŋŋə dza nə̀, “À wən loʼ nghee Bày wuŋ idəŋ î ghəŋŋənə tii tə̀ ghaa abə ghaa neyzəə way ghəə a bəbə ghey waazə a ghaa a ghəŋŋənə tə̀ ghaa n fə̀ŋ tə ghaa.”

Matyo 5:39

N fa kee dza bə tə̀ ghaa nə̀, ka kûmmə dzəŋə dzə bəb zə n kow wù wey tə ghəŋənə bəb tə̀ wɔ. Abə wù saa nyi bənə wɔ n sali kə n dzoʼ kə kə̀ zəə kə, dii may ndòw dzoʼ kə̀ loʼ key nə̀ tə saa nyi bə.

Matyo 6:12

Neyzəə ghəə a ghey a bəbə ghə, Tə̀ ghey neyzəə soʼonə ghəə a bəbə ghey ghə̂ a loʼ a ghəŋənə tə̀ ghey.

Lukas 11:41

I dzaw fuu ndòw fə u ghaa wə tə ghə̂ ghey ghə khə way tə̀ ghəə a ghaa ghə i zow.

Lukas 12:33

Fii na fə u ghaa wə, ghaa i fuu ndòw khəə u tii wə tə̀ ghə̂ a laa ghə. Kəŋ tsu na mbəghə wə ukhəə wən u dənə way, ghaa nyi naŋa ndòw fə u ghaa idəŋ, n təŋkey tsɔŋ u way fu tə̀ ghə loʼ ni tsɔŋ nkee sə̂soʼo tə̀ loʼ ni bəəbə maʼa.

Lukas 18:22

Nghee tə Yeso zow tsu nə sey, tə n beeli ndòw wi nə̀, “Ghə i loʼ i nam doʼo səənu wə khənə ni ghəŋə, fii may tsu fə wey wə khənə, wə fu ndòw khəə u tii wə tə ghə̂ a laa ghə. Abə wə ghəŋə tsu nə sey, wə i keeli ikum idəŋ. Sey, wə i loʼ ni daŋŋə dzûmə bə mə.”

Lukas 6:29

Abə wù bwɔd nyi ndòwnə wɔ̀ nə kədzòʼ, dii may ndòw kə loʼ key tə bwɔd soʼo. Nə̀ wù ney nuu sàŋ zə, fu may ndòw wi n danchiki fə tə keeli.

Lukas 6:31

I ghəŋə ndòw ghəə ghə tə ghə̂ ghə ighələ tə̀ wə ləghənə nə̀ ghə i ghəŋə tə̀ wɔ̀.

Lukas 6:38

I fuu ndòw na fə̂ wə tə̀ ghə̂ ghə, Zə̀ kə i fu dzəŋə tə̀ ghaa n fəŋ i dzuŋu zə, ghə i mən nyi tsu, ghə soʼlə tsu, ghə kuu luulə kɔʼ sa, wə i shiə a bii, n təŋkey fòʼ zey wə̀ fuu shiənə tii, a loʼ soʼo n foʼo tii Zə̀ kə i fuunə tə̀ wɔ.”

Kəfwaʼ 20:35

N ghəə ghən adzəm, mə â dii bə tə ghaa nə abə wə fwaʼa tsu nə isəŋ, wə khə ni gaamə ndow ghə̂ ghey ghə taw way, moʼlə tsu ghɔɔmə zey Mûkəbii Yeso n wû u wi wə â dzanə nə̀, ‘Wù keeli ibuulə abə tə fuunə tsəghəshi abə tə neynə.’”

2 Kɔrint 8:9

Ghaa khənu ndzoʼo ndzuŋ zey Mûkəbii ə saa Yeso Klisto â khənə. Tə â kûmnu, tə n fəd doʼo bə wù laa wə bòʼ ghaa, sey nə̀ n bam i laa i wi, ghaa i loʼ ni kûm.

Efesus 4:28

Wù wey tə â tsɔŋɔ tsənə, khə ni maʼa mwam u tsɔŋɔ wə. Tə khə ni fwaʼa fwaʼ kə səŋi kə n wɔɔ a wi ghə, sey nə̀, tə i mbɔŋ loʼ ni gaamə ghə̂ ghey ghə laʼanə.