Lukas 6:21 - Kaa n Kəzə̀ n fəghə mə

²¹ Buulə i loʼ tə̀ ghaa ghey dzəŋ zabənə ghaa nya, n təŋkey, ghaa i zəə kownu. Buulə i loʼ tə̀ ghaa ghey ghaa deynə nya, n təŋkey ghaa i tsoʼonu.

Lukas 6:21 Mawu Ofanana

Matyo 5:4

Buulə i loʼ tə̀ ghə̂ ghey ghə mownə, N təŋkey, Zə̀ kə î tsəmmənu ghə.

Matyo 5:6

Buulə i loʼ tə̀ ghə̂ ghey ghə dəmənə ni doʼo tsətsəghə n sə̂ K-a-zə̀, N tənkey, Zə̀ kə î ghəŋŋənu nə̀ ghə keeli fə key ghə ləghənə.

Lukas 1:53

Tə n chi ghə̂ ghey ghə â loʼnə n dzəŋ n fə u dzuŋu wə, kee dzùm dzəŋŋə ghə̂ a kùm ghə̀ n wɔ a zum ghə̀.

Lukas 6:20

Yeso n laalə ndòw dzûmə tə wi, dza tə̀ ghə nə̀, “Buulə i loʼ tə ghaa ghey ghaa laanə, n təŋkey, fɔɔ u Kəzə̀ u loʼ u ghaa wə̀.

Lukas 6:22

Buulə i loʼ tə̀ ghaa ghey ghə bàanə ghaa, dzùm ghaa, kpaalə ghaa, khəə ghəə a bwù ghə n zəd a ghaa bòʼ Waa wù sɔŋtsuʼ.

Lukas 6:25

Chɔt u loʼ tə ghaa ghey ghaa zəə kownə nya təŋkey nəŋə zə i bəghənu ghaa i loʼ n dzəŋ. Chɔt u loʼ tə ghaa ghey ghaa tsoʼonə nya təŋkey ghaa nə mownu, ghaa i deyyə.

Tùm i dzuŋu zə kuum Yeso Klisto tə Jɔn â tɔɔnə 11:35

Yeso n dey.

Tùm i dzuŋu zə kuum Yeso Klisto tə Jɔn â tɔɔnə 4:10

Yeso n beeli ndow wi dza nə̀, “Abə wə mə khənə ndzoʼo naamə key Zə̀ kə fuunə nsə ndzoʼo wù wey tə nɔɔnə wɔ n mmuu mə, wə mə fəd buʼ wi n wɔɔ kə nə̀ tə fu wɔ n mmuu mey n fuunə muu zə.”

Tùm i dzuŋu zə kuum Yeso Klisto tə Jɔn â tɔɔnə 6:35

Yeso n dza ndòw tə̀ ghə nə̀, “N loʼ baa key kə fuunə muu zə, wù wey tə bə doʼo bənə ghi mə̀ nə̂ dey koʼ way dzəŋ. Ghə̂ ghey ghə bəghəmnə tə̀ mə̀ fə̀ŋ ə mmuu nə zuʼlə koʼ way ghə.

1 Kɔrint 4:11

Ni bə kuum nya, ghey sa loʼ kə n dzəŋ, fə̀ŋ ə mmuu i zuʼlənə ghey. Ghey tsəghə kaabə n saʼ u fə̂ wə nə uwû, ghə a bwɔdlɔnə ghey nəŋə tədzəm. Kasə luʼu kə muulə kə, ghey khə way.

2 Kɔrint 11:27

Mə n fwaʼ, ndzəm fəghə soʼo. Mə n doʼo tsuʼu n loʼ mə nə̀ n bweeli way. N khənu fə key dzəŋ nsə fə̀ŋ ə mmuu loʼnə ghii kə. Mə n doʼo tsuʼu n loʼ mə n ndəmə tənəŋə nə̀ n koʼo way fə kə zə̂ə kə. Mə n dzam n ndəmə tənəŋə nə̀ n khə way ndzə̂ tə ni dzəŋə.

2 Kɔrint 12:10

À wey loʼ ghə i tii zə n khə way fəmmə kə n fə̀ŋ abə n laynə, ghə̂ a kpaalənə mə, koʼo uchɔd, ghə̂ a tsayyənə mə, chɔdlɔ soʼo mə, n təŋkey nəŋə zey n laynə, à wey loʼ nəŋə zey Klisto fwaʼa dzɔbənə n kow mə.

2 Kɔrint 6:10

Ghə̂ a loʼ a koʼo ghey tə̀ a loʼ ghə̂ ghey ghə mownə, loʼ sey nə̀ ghey duʼlə nəŋə tədzəm. Ghə̂ a loʼ a koʼo ghey tə̀ a loʼ ghə̂ a laa ghə loʼ sey nə̀ ghey ghəŋŋə nə̀ ndəmə aghə̂ ghə i kùm. Ghə̂ a loʼ a koʼo ghey tə̀ a loʼ ghə̂ ghey ghə khə way fə kə, loʼ sey nə̀ ghey khə ufə udzəm.

Jems 1:12

Zə̀ kə i buulə wù wey tə təmi tawnə n bəghəm i fə̀ŋ i wi n nəŋə zey vəətsəə a mɔm koʼonə wi, n təŋkey, abə tə təm zə kɔʼnə, Zə̀ kə i fuu wi n muu zə itsali zən tə â təb naŋanə. À loʼ naamə kən Zə̀ kə təb naŋanə tə ghə̂ ghey ghə ləghənə wi.

Chi dii 21:3

Mə n zow ndow dzə̀ i taw zə i ghɔɔmə bənə n kuu kə fɔɔ, dza nə̀, “Koʼo, luʼu key Zə̀ kə muunə tii, nya loʼ n fəŋŋə kə aghə̂! Tə i muulə dzəŋi ghi ghə, ghə i loʼ ghə̂ a wi. Zə̀ kə n wû u wi wə i loʼ ghi ghə, tə i doʼo soʼo Zə̀ kə ghə.

Chi dii 7:16

Dzəŋ nə kəm zab koʼ way ghə, fə̀ŋ ə mmuu nə kəm zuʼlə koʼ soʼo way ghə. Tsə̂ nə kəm zuʼ koʼ way ghə, zuʼ kə num kə nə kəm fɔɔ koʼ soʼo way ghə,