Lukas 6:20 - Kaa n Kəzə̀ n fəghə mə

²⁰ Yeso n laalə ndòw dzûmə tə wi, dza tə̀ ghə nə̀, “Buulə i loʼ tə ghaa ghey ghaa laanə, n təŋkey, fɔɔ u Kəzə̀ u loʼ u ghaa wə̀.

Lukas 6:20 Mawu Ofanana

Matyo 11:5

Ghə̂ a fəbə a nya koʼo təluʼu, kə̀ŋŋə u nya bweynu, ghə̂ ghey ghə â dzaŋanə kə̀m wə n taw, kùʼ wə a zownə tuŋŋə wə, ghə̂ à kpuu ghə a zhəm dzəŋŋə bə nə ivə, ghə a naʼlə soʼonə tûm i dzuŋu zə tə ghə̂ a laa ghə.

Matyo 25:34

Tə i daŋŋə dza ndòw tə̀ ghə̂ ghey n kpii u wi u təmə wə nə̀, ‘Bə na n səə mə, ghaa ghən ghaa loʼ nə̀ Bày wuŋ n ghaa buulə, bə zə̂ na fɔɔ u Kəzə̀ wən ghə â bayyə naŋa nə nzeyyə tə̀ ghaa nə̀ mbi ka kam kaʼ.

Matyo 5:1

Nghee tə̀ Yeso koʼ tsunə nɔɔ kə aghə̂ kə bəghənə n səə wi, tə n nuu kɔʼ ndòw nə ukàʼ, ndòw doʼo tsu. Dzûmə tə wi tə n zuŋŋə bə n səə wi.

Lukas 12:32

Sey, kə̂ ghaa nə tsəŋənə, abə ghaa təbə kənə, n təŋkey Bày ngii duʼlənu ni fu ghaa n fɔɔ u wi.

Lukas 13:28

Sey ghaa nə dey, fəə asɔŋ, bə ghaa i koʼnə Abraham, Ayzik, Yakɔb, nsə tûm tə Kəzə̀ tə, ghə loʼnə n fɔɔ u Kəzə̀, nə ghə n ghaa tuu maʼa.

Lukas 14:15

Ambə ghə zow tsu nə sey, wù loʼ n fəŋŋə kə ghə̂ ghey ghaa zəənə fu n dza tə Yeso nə̀, “I sey dii nə̀ buulə zə î ngii loʼ tə wù wey tə loʼnə n zə̂ key n fɔɔ u Kəzə̀.”

Lukas 16:25

Abraham n fəd dza ndòw tə wi nə̀, ‘N waa moʼlə tsu nə nghee wə a muu nə mbi, wə â zəələ tsə uwû, Lazarɔs n kee muu tən tsə n ngoʼ. Nya tə kee zəələ uwû fa, wə a kee muunə n ngoʼ.

Lukas 4:18

“Zay kə Zow kə loʼ ghi mə təŋkey Zə̀ kə n mə sày nə̀ n naʼa tûm Kəzə̀ tə̀ ghə̂ a laa ghə, tə tûm mə nə̀ n ndòw naʼa bəghəshi i Kəzə̀ tə kɔt wə, n fù sə̂ a koʼo ghə tə̀ ghə̂ a fəbəghə, n bəghəshi ghə̂ ghey ghə loʼnə nə uchɔd,

Kəfwaʼ 14:22

Ghə n təm tawwə dzûmə tə Klisto tey fu, kuu fə̀ŋ tə ghə nə̀ ghə təmi taw tsu n bəghəm i fə̀ŋ i ghə, dza tə ghə nə̀, “Saa khə ni teeli zow ngoʼ tə̀ saa ni nyi n fɔɔ u Kəzə̀.”

2 Kɔrint 6:10

Ghə̂ a loʼ a koʼo ghey tə̀ a loʼ ghə̂ ghey ghə mownə, loʼ sey nə̀ ghey duʼlə nəŋə tədzəm. Ghə̂ a loʼ a koʼo ghey tə̀ a loʼ ghə̂ a laa ghə loʼ sey nə̀ ghey ghəŋŋə nə̀ ndəmə aghə̂ ghə i kùm. Ghə̂ a loʼ a koʼo ghey tə̀ a loʼ ghə̂ ghey ghə khə way fə kə, loʼ sey nə̀ ghey khə ufə udzəm.

2 Kɔrint 8:2

Nghee ghə â tsəm khə kənə chɔdmə n ndəm, ngii laa soʼo, ghə n nam duʼlə kənu, duʼlə i tii zə n ghəŋə ghə nə̀ ghə i fuu n fə̀ŋ tə ghə tə tədzəm.

2 Kɔrint 8:9

Ghaa khənu ndzoʼo ndzuŋ zey Mûkəbii ə saa Yeso Klisto â khənə. Tə â kûmnu, tə n fəd doʼo bə wù laa wə bòʼ ghaa, sey nə̀ n bam i laa i wi, ghaa i loʼ ni kûm.

1 Tesalonika 1:6

Nghee ghaa â buʼu fəʼlə kənu, Zay kə Zow kə n ghəŋə nə̀ ghaa bəghəm tûm i dzuŋu zə nə iduʼlə. Sey, ghaa n bɔɔmə ney ndow ghow kə ibwey kə ghey dii tsu nə̀ ghaa mâ ney soʼo ghow kə ibwey kə Mûkəbii kə.

2 Tesalonika 1:5

Ghəə ghən adzəm dii bənu nə̀ saʼ i Kəzə̀ i loʼ tsətsəghə. Ghaa fəʼlə nya n jii i zən tə̀ Zə̀ kə n təŋkey Zə̀ kə ləghə nə̀ ghaa i loʼ n jìi zey ghaa kpiinə ni nyi n fɔɔ u wi.

Jems 1:12

Zə̀ kə i buulə wù wey tə təmi tawnə n bəghəm i fə̀ŋ i wi n nəŋə zey vəətsəə a mɔm koʼonə wi, n təŋkey, abə tə təm zə kɔʼnə, Zə̀ kə i fuu wi n muu zə itsali zən tə â təb naŋanə. À loʼ naamə kən Zə̀ kə təb naŋanə tə ghə̂ ghey ghə ləghənə wi.

Jems 2:5

Zow na a waazə ghuŋ a dzuŋu ghə! N dza Zə̀ kə n mgbaŋ sày ghə̂ ghən ghə̂ a mbi a koʼnə nə̀ a loʼ ghə̂ a laa ghə nə̀ ghə doʼo tə a loʼ ghə̂ a kûm ghə bòʼ bəghəm i fə̀ŋ, ghə doʼo soʼo ghə̂ ghey ghə i zə̂ənə fə wən u loʼnə n fɔɔ wən tə â təb naŋanə tə̀ ghə̂ ghey ghə ləghənə wi ə?

Chi dii 2:9

n khənu chɔd wə wə̀ nsə nghee wə laanə tii loʼ sey nə̀ wə kee kuumnu n ghəə a Kəzə̀. N khənu ghəə a bəbə ghey ghə̂ ghən ghə tɔŋŋə wû i ghə zə nə̀ à loʼ ghə̂ a Təjuu loʼ sey nə̀ ghə way dzə dza kaabə tsənə n tow kə. À ndaw kədzəŋi ghə khə Satan.