Lukas 6:13 - Kaa n Kəzə̀ n fəghə mə

¹³ Ambə tsuʼ u zow tsunə, tə n tɔŋɔ bə dzûmə tə wi, sày kɔʼ tow u ghə ighəm nsə ghə̂ ghə abəghə nə ghə doʼo ngəd tə wi.

Lukas 6:13 Mawu Ofanana

Matyo 10:2

À wən lòʼ zəd a ngəd tə Yeso tən ighəm n ghi tə təbəghə. U sə i sə̂ u lòʼ Shimun, tɔŋŋə Pita, nsə Andria, waazə. Jems, waa Zebedii, nsə waazə wi Jɔn.

Matyo 19:28

Yeso n dza ndòw tə̀ ghə nə̀, “N kuum dza bə tə̀ ghaa nə̀, abə Waa Weynum î doʼnə n kuu kə ufɔɔ kə wi kə nyiələ kə n mbi i fəghə zə, ghaa ghən ighəm n ghii ghə abəghə i doʼ soʼo fu n kuu u təfɔɔ, saʼa naʼa tə Izree tən ighəm n ghii tə təbəghə.

Matyo 9:36

Ambə tə koʼnə nɔ̀ɔ kə aghə̂ kə, sî zə n kwu wi n kow ghə, n təŋkey, ghə â muu nə uchɔd, khə soʼo way wù ni gaamə ghə, sey, ghə n làʼ loʼ tə̀ a loʼ njì tey tə khə way wù keyyə wə.

Malakus 6:30

Ngəd tə Yeso tə n dzəŋŋə bə, bə dza bə tə̀ Yeso ghəə ghey ghə fwaʼnə nsə ghəə ghey ghə mə diinə adzəm.

Malakus 6:7

Yeso n tɔŋɔ naŋa bə ngəd tə wi tey ighəm n ghii tə təbəghə, tûm shi ndòw ghə abəghə, abəghə nə̀ ghə ndòw naʼa tûm Kəzə̀. Tə n fuu tsu ghə n daʼa kə ni dzùm shi zay u bwu wə n kow ghə̂ ghə.

Lukas 11:49

À wən loʼ ghə i tii zə, Zə̀ kə n tɔb u wi wə â dza nə̀, ‘Mə i tûm bə ghə n tûm tə Kəzə̀ nsə ngəd tə, ghə i wey maʼa a loʼ ghə, ghə tsɔɔmə a loʼ ghə.’

Lukas 22:30

Sey nə̀ ghaa i loʼ ghi mə̀ n baŋŋə kuŋ, n fɔɔ wùŋ, ghaa i zəə, ghaa i məə, ghaa doʼo ndow n kuu u təfɔɔ ni saʼ naʼa tə Izree tən ighəm n ghii tə təbəghə.”

Lukas 6:14

Ghə â loʼ; Shimun tə wən tə â tsə̀ tsu zəd i wi zə nə̀ a loʼ Pita, ghi waazə wi Andria; Jem ghi Jɔn, Filip ghi Batolomio;

Tùm i dzuŋu zə kuum Yeso Klisto tə Jɔn â tɔɔnə 4:33

Ngəd tə wi tə n kaʼ ni ghɔɔmə n wû i ghə dza nə̀, “Wù loʼ mə kpaʼi bə fuunu wi n fəzəə wə ə?”

Kəfwaʼ 1:13

Ambə ghə bə nyi bənə n Yerosalem, ghə n kɔʼ daŋŋə ndow n dzuu i ndaw zey ghə â muunə tii, i doʼo kuulə kɔʼ idəŋ. Ghə̂ ghey ghə â loʼnə fu â loʼ Pita, Jɔn, Jems, Andria, Filip, Tɔmas, Batolomio, Matyo, Jems waa Afus, Shimun, wù wey tə â ngii ləghənə naʼ i wi zə, nsə Judas waa Jems.

Efesus 2:20

Ghaa loʼ soʼo dzəŋi kə dzûmə tə Klisto kə səd doʼonə n tsə̂ kə ngəd tə Yeso nsə tûm tə Kəzə̀ tə. Yeso Klisto n wû u wi wə, loʼ tə a loʼ tay i bow i ndaw n ndaw tii.

Efesus 4:11

À loʼ wi tə â fuunə naamə wən n dzəŋi kə dzûmə tə Klisto. Naamə u tii u loʼ nə̀, tə ghəŋə nə̀ ghə̂ a loʼ a doʼo ngəd tə wi, naŋa a loʼ ghə tə̀ a loʼ tûm tə Kəzə̀, naŋa a loʼ ghə tə̀ a loʼ ghə̂ ghən ghə bwey naʼlənə tûm i dzuŋu zə, naŋa a loʼ tə̀ a loʼ ghə fɔɔngili, naŋa soʼo a loʼ ghə nə̀ a loʼ ghə̂ dii ghə.

Hibru 3:1

Waazə ghuŋ a zow ghə, ghaa ghən Zə̀ kə tɔŋɔnə nə̀ ghaa dzəŋi doʼo ghə̂ a wi idəŋ, gaʼ ndow na fə̀ŋ tə ghaa n kow Yeso wən Zə̀ kə tûm bənə nə̀ tə bə doʼo fɔɔngili u nii nii wə tə̀ saa.

2 Pita 3:2

N ləghə nə̀ ghaa i moʼlə tsu ghɔɔmə zey tûm tə Kəzə̀ tə zow tə â dza naŋanə tə̀ ghaa n num tə ibam tə, ghaa i moʼlə tsu soʼo laŋ wey ngəd tə Yeso tə â fuunə tə̀ ghaa nə̀ u nuu bə n wɔ Mûkəbii saa nsə bəghəshi ə saa.

Chi dii 12:1

Jim wə n bə kpiʼi mə. N jim u tii wə, mə n koʼ ndow tsəə i nii i loʼ zə i shi bənə idəŋ. Weyzən u loʼ wə n loʼ fu nə̀ tə dzəŋə keeli təndzə̂ nə uwû tə nyəllə tə a loʼ inyi, ndzɔŋ n loʼ n tənə fuu i wi, tə n dzəŋə keeli taŋŋə kə fɔɔ, kə khənə səghəbələ mə ighəm n ghii mə nbəghə n tow kə wi.

Chi dii 18:20

Duʼlə n na a bikighow kə, duʼlə n na bòʼ və i weyzən wən! Ghaa ghən ghaa loʼnə ghə̂ a Kəzə̀, duʼlə n na! Ghaa ngəd tə Yeso nsə tûm tə Kəzə̀ tə, duʼlə n na! Ghaa duʼlə n təŋkey Zə̀ kə n wi saʼ Ghəŋə nə̀ tə fəghə ighələ tə̀ tə â ghəŋənə nə̀ ghaa fəghə.’”

Chi dii 21:14

Ghə â bɔm mbàa naʼ i tii zə n tay a tsə kə ndaw ighəm n ghii tə təbəghə. Ghə tɔ̀ɔ naŋa tsəghə ndow zəd a ngəd tə Waa Nji tey ighəm n ghii tə təbəghə n tay a tii ghə.