Lukas 5:35 - Kaa n Kəzə̀ n fəghə mə

³⁵ Nəŋə i nə̀ bəghənu, ghə nə ney nuulənə nùm weyzən n wɔ ghə, sey, ghə nə bam idzuu n nəŋə i tii zə.”

Lukas 5:35 Mawu Ofanana

Matyo 9:15

Yeso n dza tə̀ ghə nə̀, ghaa moʼlə nə̀ fə̂ a num weyzən a loʼnu ni mow n zə̂ kə ney zə iwû loʼ sey nə̀ num weyzən ə tii loʼ fu ghi ghə ə? Ghaa khənu nə̀ i way ni doʼo koʼ sey! Nəŋə i nə kee bəghənu ghə nə ney nuu kɔʼɔ num weyzən n wɔ ghə, ghə nə bam ndow dzuu zə n nəŋə i tii zə.

Malakus 2:20

Nəŋə i bəghənu, tə î nuulənə, tə naŋa sə tsu ghə, ghə i bam idzuu n nəŋə i tii zə.

Lukas 17:22

Sey tə n dza ndòw tə dzûmə tə wi tə nə̀, “Nəŋə i bəghənu ghaa nə mbuŋənə ni koʼ fətsuʼ n tsuʼu n Waa wù sɔŋtsuʼ ghaa nə way ni ndɔm koʼ wi.”

Lukas 5:34

Yeso n beeli ndòw ghə nə̀, “fə̂ a nùm weyzən a bam tsə idzuu nə̀ tə loʼ fu ghi ghə ə? Ey Ngaŋ!

Lukas 5:36

Yeso n dza ndòw soʼo ghɔɔmə i fənkəfən zən tə ghə, “Wù way dzə ni ney bad kə ndzə kə fəghə kə, tə taŋi ndòw ndzə tə̀ wey tə, n təŋkey, abə tə ghəŋənə sey, tə i bəəbə maʼa ndzə tə fəghə tey, nə a loʼ sey bad kə ndzə kə fəghə key ka buʼ kpiilə soʼo n ndzə tə wey tey.

Tùm i dzuŋu zə kuum Yeso Klisto tə Jɔn â tɔɔnə 12:8

Ghaa nə̂ laʼ koʼ way ghə̂ a laa ghə n fəŋŋə kə ghaa, abə mə, n nə kee way dzə ghi ghaa nəŋə tədzəm.”

Tùm i dzuŋu zə kuum Yeso Klisto tə Jɔn â tɔɔnə 13:33

Waa ghuŋ ghə, n kəm ngii khə way nəŋə zə ni doʼo fa ghi ghaa. Ghaa i kəŋə mə, kəŋə kii. N nam dza bə tə̀ ghaa ghə i mɔʼɔ zey mə â dzanə tə̀ ngəd tə Təjuu tə nə̀, ‘Luʼu key n ndownə tii, ghaa way ni bə fu.’

Tùm i dzuŋu zə kuum Yeso Klisto tə Jɔn â tɔɔnə 16:28

Mə â nuu bə n səə Bày, bə fa n mbi. N nya khə ni kəm zəghə tsu mbi n ndow dzəŋŋə n səə Bày.”

Kəfwaʼ 1:9

Ambə tə ghɔɔmə may tsunə ghəə ghən, Zə̀ kə n ney nuu kɔʼ ndow wi idəŋ, ghə n tey fu laalə nghee tə kɔʼɔ ndownə tii. Tə n kɔʼ kə sa, saŋ nuu nyi ndow nə təmbaʼ.

Kəfwaʼ 14:23

Ghə n sày naŋa tsəghə ndow təngəd n dzəŋi dzûmə tə Klisto tən tədzəm ghə â bweyyə koʼnə. Ghə n gɔŋŋə tə ghə, bam idzuu, fu naŋa ndow ghə n wɔɔ kə Mûkəbii wən ghə â bəghəmnə tə̀ wi.

Kəfwaʼ 3:21

Yeso khə ni doʼo kə idəŋ ni ndow kuum n nəŋə zey i kpiinə tə Zə̀ kə ni bayyə naŋa dzəŋŋə aghəə adzəm. Zə̀ kə mâ khə təb naŋa ghəə ghən tə saa n bam i tûm tə wi tə zow tə.

1 Kɔrint 7:5

Kə̂ ghaa nə̂ tuu ni nyəŋi n wû i ghaa tə a loʼ num ghi wey, a may kə nə̀ ghaa saalə tsunu ni doʼo n tɔŋɔ fə inəŋə nə̀ ghaa nyəŋi way, sey nə̀, ghaa loʼ ni fuu nyi may ndòw wû i ghaa nə igɔŋŋə. Abə ghaa gɔŋŋə may tsunə, ghaa n kəm kaʼ dzəŋŋə i ndow ni ghəŋə nə̀ kə Satan nə keelinə buʼ kə ni mɔm koʼ ghaa nghee i loʼ nə̀ ghaa way ni doʼo nə̀ ghaa nyəŋi dzəŋi way.

2 Kɔrint 11:27

Mə n fwaʼ, ndzəm fəghə soʼo. Mə n doʼo tsuʼu n loʼ mə nə̀ n bweeli way. N khənu fə key dzəŋ nsə fə̀ŋ ə mmuu loʼnə ghii kə. Mə n doʼo tsuʼu n loʼ mə n ndəmə tənəŋə nə̀ n koʼo way fə kə zə̂ə kə. Mə n dzam n ndəmə tənəŋə nə̀ n khə way ndzə̂ tə ni dzəŋə.