Lukas 5:32 - Kaa n Kəzə̀ n fəghə mə

³² N ka bə dzə ni bə tɔŋɔ ghə̂ a dzuŋu ghə, n bə ni bə tɔŋɔ shi ghə̂ a bəbə ghə nə̀ ghə kwey fə̀ŋ tə ghə.”

Lukas 5:32 Mawu Ofanana

Matyo 18:10

Yeso n dza kpiʼi ndow tə ngəd tə wi tə nə̀, “Kə̂ ghaa nə̂ koʼo kìinə nyaŋi mə awaa mən. N dza bə isəŋə tə̀ ghaa nə̀, tsətəndəghə tə ghə tə loʼ tən n səə Bày idəŋ.

Matyo 9:13

Ndòw kəŋ shi kɔʼ na ghəə zey i diinə tə ghɔɔmə zən dza nə̀, ‘N ləghə ghə̂ ghey ghə khənə sî i kwɔɔlə zə n wû i ghə, n ka ləghə dzə nə̀ ghə i səghə nyam tə ni fəələ umaʼlə tii tə̀ mə.’ N təŋkey, n ka bə dzə ni bə tɔŋɔ ghə̂ ghey ghə loʼnə tsətsəghə, n fəd bə ni bə tɔŋɔ ghə̂ a bəbə ghə.”

Malakus 15:10

Tə â bəb sey n təŋkey tə â khənu nə̀ ghə fɔɔngili a nii ghə â fuu nuu bə Yeso tə̀ wi n təŋkey ghə â ghoʼonu.

Malakus 15:7

Wù loʼ n loʼ fu n ndaw tsaʼ ghə â tɔŋŋənə nə̀ a loʼ Barabas, ghə â fìi naŋanə wi nə̀ tə wey wù n ngəd key ghə â zuulə baalənə ghi ghə̂ ghey ghə saʼanə̀ naʼ i Roma n təŋkey ghə â ləghə way jìi zey ghə â saʼanə tii.

Malakus 2:17

Nghee Yeso zow tsunə ghəə ghən, tə n dza ndòw tə̀ ghə nə̀, “À way dzə ghə̂ ghey ghə loʼnə utaw ghə kəŋənə wù ngàŋ, a loʼ ghə̂ ghey ghə dzaŋanə ghə kəŋənə wù ngàŋ. N ka bə dzə ni bə tɔŋɔ shi bə ghə̂ ghey ghə loʼnə tsətsəghə, n bə ni bə tɔŋɔ shi bə ghə̂ ghey ghə loʼ nə̀ ghə n ghə dzûm nuu shi boʼ bəb i ghə.”

Lukas 15:10

N dza bə tə ghaa nə̀ à loʼ soʼo ighələ tsətəndəghə tə Kəzə̀ tə i duʼlənə, abə wù bəbə umɔʼ kweyyə kɔʼnə fə̀ŋ ə wi, tə bə dzəŋŋə n səə Kəzə̀.”

Lukas 15:7

N dza bə tə ghaa nə a loʼ ighələ n fɔɔ u Kəzə̀, duʼlə i ngii loʼ idəŋ, abə wù bəbə umɔʼ kweyyə fəŋ ə wi, bəghəm tə Zə̀ kə, tsəghəshi abə aghə̂ nghəm ntaandzuu nsə ghə̂ ghə a tandzuu, ghə loʼ nə tsətsəghə n sə K-a-zə̀, ghə kəm khə way zuŋ kə ni kweyyə fə̀ŋ tə ghə.”

Lukas 19:10

Kùum nə Waa wù sɔŋtsuʼ bə ni bə kəŋ koʼ nsə ni bəghəshi ghə̂ ghey ghə nay doʼo nə.”

Lukas 24:47

Nsə nə ghaa naʼa tûm i dzuŋu zə n zəd i Yeso n badla tə mbi tədzəm nə ghə̂ a kweyyə nuu bə fə̀ŋ tə ghə n ghəə a bəbə ghə tə Zə̀ kə neyzəə bəb i ghə, ni zey tsu n Yerosalem, kuum ndow n badla tə mbi tədzəm.

Lukas 5:31

Yeso n beeli ndòw ghə nə̀, “Ghə̂ ghey ghə dzaŋa way, ghə kəŋə tsə way wù ngàŋ, a loʼ ghə̂ ghey ghə dzaŋanə ghə kəŋənə wù ngàŋ.

Lukas 5:33

Ghə n dza ndòw tə̀ Yeso nə̀, “Dzûmə tə Jɔn nsə dzûmə tə ghə Falasi tə bam tsə idzuu, gɔŋŋə, a ghə ghə̀ a kee khə kə ni zəə, məə.”

Kəfwaʼ 17:30

Zə̀ kə ka sə̂ i naŋa n ghəə a bəbə ghey ghə̂ ghə â ghəŋŋə tsənə wɔkey ghə â khə tsə way wi, a sə bə nya, tə tsəʼlə kəlaŋ nə aghə̂ adzəm nə təluʼu tədzəm nə̀ ghə kwey nuu bə fə̀ŋ tə ghə n ghəə a bəbə ghə.

Kəfwaʼ 2:38

Pita n dza tə ghə nə̀, “Kwey nuu bə na fə̀ŋ tə ghaa tə n ghəə a bəbə ghə, ghaa ney mmuu n Kəzə̀ n zəd i Yeso Klisto, tə Zə̀ kə neyzəə ghəə a ghaa a bəbə ghə. Sey, Zə̀ kə i fuu ghaa n naamə kə nə̀ a loʼ Zay kə Zow kə.

Kəfwaʼ 20:21

N mâ kə̂ dza tə Juu tə nsə ghə̂ ghən ghə way ghə̂ a Təjuu ghə adzəm nə ghə ney ighə̂mə, ghə kweyyə nuu bə fə̀ŋ tə ghə n ghəə a bəbə ghə, ghə bəghəm fu ndow tə Zə̀ kə nsə Mûkəbii ə saa, Yeso Klisto.

Kəfwaʼ 3:19

Kwey nuu bə na fə̀ŋ tə ghaa tə n ghəə a bəbə ghə, ghaa bə n səə Zə̀ kə tə̀ tə neyzəə ghəə a ghaa a bəbə ghə.

Kəfwaʼ 3:26

Ambə Zə̀ kə sày kɔʼnə wù kəfwaʼ a wi, tə n bùʼ tûm bə dzə wi n səə ghaa nə̀ tə bə buulə ghaa, tə ghəŋə nə̀ ghaa adzəm, ghaa kweyyə nuu bə n ghəə a ghaa a bəbə ghə.”

Kəfwaʼ 5:31

Zə̀ kə n wi kɔʼlə naŋa kɔʼ n kpi u wi u təmə wə tə a loʼ kətow nsə bəghəshi, nə̀ tə loʼ ni fuu ghə̂ ghə Izree n bùʼ kə tə ghə kweyyə fə̀ŋ tə ghə, nsə nə Zə̀ kə neyzəə ghəə a ghə a bəbə ghə.

2 Pita 3:9

Mûkəbii lasə dzə way ni luulə ghəə zey tə â təb naŋanə tə̀ ghə̂ a loʼ a moʼlənə. I fəd loʼ nə̀ tə kow fə̀ŋ ghi ghaa n təŋkey tə ləghə way nə̀ Zə̀ kə ləŋi maʼa wù ghaa umɔʼ. Tə kee ləghə nə̀ aghə̂ adzəm a kweyyə nuu bə n ghəə a ghə a bəbə ghə.