Lukas 5:30 - Kaa n Kəzə̀ n fəghə mə

³⁰ Ghə Falasi nsə ghə̂ a dii ghə ulaŋ ghey ghə â loʼ dzəŋinə ghi ghə n nyuŋə ghɔɔmə dza tə̀ dzûmə tə Klisto tə nə̀, “À loʼ kee ghaa zə̂ənə, məə dzəŋi ghi ghə̂ a kwɔɔ a kəmàʼlə ghə nsə ghə̂ a bəbə ghə ə?”

Lukas 5:30 Mawu Ofanana

Matyo 5:46

Abə ghaa ləghə kə ghə̂ ghey ghə ləghənə ghaa, ghaa i keeli dzə way naamə kə loʼ kə, n təŋkey, ghə̂ a kwɔɔ a màʼlə kə tsow kə ngəŋŋə ghəŋŋə soʼo sey.

Matyo 9:11

Ambə ghə̂ a tə Falasi à koʼnə ghəə ghən, ghə n bəb tə̀ ngəd tə Yeso tə nə̀, “Mûkəbii ə ghaa zə̂ə dzəŋi ghî ghə̂ a kwɔɔ a màʼlə kə tsow kə, nsə ghə̂ ghey ghə dzum nuunə ghə nə̀ à loʼ kee?”

Malakus 2:16

Ambə ghə̂ a dii a kəlaŋ ghey ghə â loʼ soʼonə ghə̂ a tə Falasi ghə, koʼ tsunə nghee Yeso zəə dzəŋinə ghi ghə̂ a bəbə ghə nsə ghə̂ a kwɔɔ a kəmàʼlə ghə. Ghə n bəb ndòw tə̀ dzûmə tə wi tə nə̀, “A loʼ kee tə zəə dzəŋinə ghi ghə̂ a kwɔɔ a kəmàʼlə ghə nsə ghə̂ a bəbə ghə?”

Malakus 7:3

Ghə̂ a tə̀ Falasi, nsə ghə̂ a Təjuu adzəm, ghə â zəə dzə way nə̀ ghə ka wɔɔ a ghə a sow tə̀ ghə â koʼ neynə n wɔ ngəd tə inaʼ tə ghə bày bày a ghə ghə̀.

Malakus 9:16

Yeso n bəb ndòw tə̀ ngəd tə wi tə nə̀, “Ghaa baŋŋə ghɔɔmə kee fa ghi ghə ə?”

Lukas 18:11

Wù Falasi wey n sey təmi ndòw n nəŋə wi, zey ndòw ni gɔŋŋə dza, ‘N fuu bə kəzɔŋŋə tə̀ wɔ a Zə̀ kə, nghee tə n mə̂ə way wù n fə kə, n tsi way wù, n badla way ghəə ghə, n taa zaʼa way wey wuŋ tə ghə̂ a loʼ a ghəŋŋənə. N fuu kəzɔŋŋə tə wɔ nə n way dzə tə̀ a loʼ wù kwɔɔ u kəmàʼlə wey tə teynə fey.

Lukas 19:7

Nghee tə ghə̂ a koʼ tsu nə sey, ghə n kaʼ ni nyuŋŋə ghɔɔmə dza nə̀, “Yeso bweyyə ndow n ndaw ndzoʼo wù wey nə̀ tə loʼ wù bəbə.”

Lukas 5:17

Ambə n tsuʼ fə loʼ fə Yeso n dii aghəə, ghə̂ a tə Falasi nsə ghə̂ a dii ghə ulaŋ a loʼ ghə n lòʼ fu, ghə â nuu bənə n naʼa tə Galili, Judeya, nsə n Yerosalem. À n loʼ nə Zə̀ kə n wi n daʼa kə fu ni baŋə ghə̂ a dzaŋa ghə̀

Lukas 5:21

Ghə̂ a tə Falasi nsə ghə̂ a dii ghə ulaŋ ghə n kaʼ ni dza n wû i ghə nə̀, “À wən lòʼ fə ndee fə tsayyənə Zə̀ kə? A kəm lòʼ ndee ni neyzəə bəb i wù ə, tsəghəshiə way Zə̀ kə ə?”

Lukas 7:34

Waa wù sɔŋtsuʼ u bənə, zəə, məə nlə, ghaa u dza, ‘Koʼo na tə wən ə, a lòʼ gub, wû khəə wə nlə wə, à loʼ wù fə̂ ə ghə̂ a kwɔɔ a kəmàʼlə ghə nsə ghə̂ a bəbə ghə.’

Lukas 7:39

Ambə wù Falasi wey tə mə naʼanə Yeso koʼ tsunə sey, tə n moʼlə n fə̀ŋ ə wi nə̀, “Abə wù wən mə ndzəm lòʼnə wù tûm Kəzə̀, tə̂ tə mə khə wù wey tə mɔmmə nə wi, ndzoʼo weyzən wən tə lòʼ ghii wi, nə a loʼ weyzən u bəbə wə.”

Kəfwaʼ 23:9

Ndəm kə loʼ kə n daŋŋə nuu shi kɔʼ fu, ghə̂ a dii a kəlaŋ a tə Falasi a loʼ ghə n nuu təmi kɔʼ, dza n dzə̂ i taw zə nə̀, “Ghey ka koʼ dzə ghə i loʼ zə wù wən ghəŋə bəəbənə. À loʼ ni doʼo isəŋə nə zày kə bəbə kə loʼ kə nkee tsəndəghə ə Kəzə̀ u loʼ u mâ ndzəm ghɔɔmə tə wi.”