Lukas 5:29 - Kaa n Kəzə̀ n fəghə mə

²⁹ Levi n ney ndòw Yeso n ndàw wi, ndòw zɔʼ tsu wi. Ghə̂ a kwɔɔ a màʼlə kə tsow kə n loʼ fu nsə ghə̂ a loʼ ghə soʼo, dzəŋi zəə.

Lukas 5:29 Mawu Ofanana

Matyo 11:19

Waa weynum n ndòw bə, zə̂ə, məə soʼo nlə, ghə̂ adzəm n dza nə̀, ‘Koʼo kə wù wən, tə mèy zə̂ənu, tə məə khəə soʼo nlə, fə̂ a wi a loʼ ghə̂ a kwɔɔ a kəmàʼlə ghə nsə ghə̂ a bəbə ghə!’ A kee loʼ kə nə̀ tɔb u Kəzə̀ u dii bə kə isəŋə n ghəə a wi a ghəŋŋə ghə.”

Matyo 5:46

Abə ghaa ləghə kə ghə̂ ghey ghə ləghənə ghaa, ghaa i keeli dzə way naamə kə loʼ kə, n təŋkey, ghə̂ a kwɔɔ a màʼlə kə tsow kə ngəŋŋə ghəŋŋə soʼo sey.

Matyo 9:10

Yeso n ndòw n ndaw Matyo, ambə ghə sə̂ zə̂ənə, ghə n dza i koʼ ndəmə ghə̂ a kwɔɔ a màʼlə kə tsow kə nsə ghə̂ ghey ghə â dzum nuunə ghə a dza ghə dzûmə way laŋ u Mushi wə, ghə n bə doʼo dzəŋi bə ni zə̂ ghî Yeso nsə ngəd tə wi tə.

Matyo 9:9

Yeso n zəghə tsu luʼu key, nghee tə̀ tə ndownə, tə n kòʼ ndow wù kwɔɔ u kəmàʼlə ù loʼ wə ghə â tɔŋŋə nə̀ à loʼ Matyo, nə̀ tə loʼ n luʼu key ghə kwɔɔnə maʼlə kə tsow kə tii. Tə n dza tə̀ wi nə̀, “Dzûmə bə mə.” Matyo n nuu kɔʼ, nuu ndòw n bàa wi.

Malakus 2:15

Nghee tə̀ i zən tsəghə tsunə, Yeso n kaʼ ndow ni zə̂ n ndaw Levi. Ndəmə ghə̂ kwɔɔ a kəmàʼlə ghə nsə ghə̂ ghey ghə loʼ nə̀ ghə mâ dzum nuu shi ghə inaʼ n dzûmə bə Yeso. Ndəmə ghə̂ a tii ghə n təmdzəŋi ndow Yeso nsə dzûmə tə wi tə ni zə̂ ghi ghə.

Lukas 15:1

Ghə̂ a kwɔɔ a kəmàʼlə ghə nsə ghə̂ a bəbə ghə â bəghə ghə n zuŋŋə bə ni zəllə ghɔɔmə i Yeso nghee tə diinə,

Tùm i dzuŋu zə kuum Yeso Klisto tə Jɔn â tɔɔnə 12:2

Nghee ghə tsu doʼo tsu n nəŋə i fənə tə, fə a Yeso ghə n khəələ bə wi n fəzəə wə, Mata n dzawwə bə ufəzəə, Lazarɔs n kee doʼ dzəŋi ni zə̂ ghi Yeso.

1 Kɔrint 10:27

Abə wù wey tə ka bəghəm tə̀ Zə̀ kə tɔŋɔ tsunə wɔ nə̀ wə bə zə̂ ghi wi, nə̀ wə tsə̀m kɔʼnu ni ndow, zə̂ fə kə ghaa kə tə fuunə tə̀ wɔ nə̀ wə ka ghə i bəb, sey nə̀, kə fə̀ŋ zə nə saʼanə wɔ.