Lukas 5:22 - Kaa n Kəzə̀ n fəghə mə

²² Nghee tə̀ Yeso zowkeeli tsunə moʼlə tə ghə tə, tə n bəb ndòw tə̀ ghə nə̀, “Ghaa sey moʼlə ndzoʼo ghəə a ghaa ghə n fə̀ŋ tə ghaa a?

Lukas 5:22 Mawu Ofanana

Matyo 12:15

Ambə Yeso keeli tsunə nə̀ falasi tə bii wi, tə n nuu tsu fu. Nɔɔ kə aghə̂ kə n nuu ndòw soʼo n bàa wi. Tə n baŋŋə ghə̂ ghey ghə a dzaŋanə adzəm.

Matyo 12:25

Yeso n khə ghə zey ghə moʼlənə n fə̀ŋ tə ghə, sey, tə n dza tə̀ ghə nə̀, “Naʼ zey i dzawwə doʼonə, təmə baalə tsam n wû u wi, i nə sàʼànu. Naʼ i loʼ i way nkee ndaw i loʼ zə, i bəghəm dzəŋi way n wû i ghə, ghə tsuu bwuu way.

Matyo 9:4

Yeso n kee loʼ nə tə n keeli zey moʼlə tə ghə tə, tə n dza tə̀ ghə nə̀, “Ghaa ney naŋa ndzoʼo ghəə a bəbə ghey n fə̀ŋ tə ghaa bòʼ kee?

Malakus 8:17

Yeso n khə ghə zey ghə ghɔɔmənə, sey tə n bəb tə̀ ghə nə̀, “À loʼ kee ghaa dza nə̀ ghaa khə way baa kə ə? Ghaa nam kam zowkeeli way ghəə ghə ə. Fə̀ŋ tə ghaa tə nam taw kənu ə?

Lukas 24:38

Tə n bəb ndòw tə̀ ghə nə̀, “À loʼ kee ghaa tsəŋə nə ə? À loʼ kee ghaa khə way bəghəm zə n fə̀ŋ tə ghaa a?

Lukas 5:21

Ghə̂ a tə Falasi nsə ghə̂ a dii ghə ulaŋ ghə n kaʼ ni dza n wû i ghə nə̀, “À wən lòʼ fə ndee fə tsayyənə Zə̀ kə? A kəm lòʼ ndee ni neyzəə bəb i wù ə, tsəghəshiə way Zə̀ kə ə?”

Lukas 5:23

A tsəghəshi ghə i ghaa zə̀ ni dza? ‘Ni dzanə ghə n bəb zə̀ i neyzəə’ nkee ‘ni dza nə̀ nuu kɔʼ idəŋ wə bwey ndow ə?’”

Kəfwaʼ 5:3

Pita n bəb tə wi nə̀, “Ananyas, a loʼ kee wə bəghəmnə nə Satan nyi bəghə doʼo n fə̀ŋ zə, tə ghəŋə wɔ nə wə bad aghəə tə Zay kə Zow kə ə? À loʼ kee wə khəə naŋa ndownə kəm kə ukhəə key wə fiinə luʼu kə tii tə̀ wû wə wə̀ ə?

Hibru 4:12

Ghɔɔmə i Kəzə̀ i loʼ utaw, khə soʼo kədaʼa. I tɔb tsəghə təkɔb tədzəm. I khə kədaʼa ni nyi ndow n fə̀ŋ ə wù, n zay kə wù, zuŋ u wû u wù nsə n ghəb u wù. I loʼ ni saʼ moʼlə tə aghə̂ nsə ghə i ghaa zə wù dza i ghəŋŋə.

Chi dii 2:23

Mə i wey maʼa tsu soʼo ghə̂ ghey adzəm ghə neynə ghow kə ibwey kə wi kə. Dzəŋi u dzûmə tə Klisto udzəm i keeli tsu nə̀ à loʼ mə n khənə fə̀ŋ tə aghə̂ nsə moʼlə tə aghə̂ tə tədzəm. Ghə i keeli soʼo nə̀ mə i tsəə dzəŋŋə kə kay wù ghə n fə key kə kpiilənə ghi ghəə a wi a ghəŋŋə ghə.