Lukas 5:1 - Kaa n Kəzə̀ n fəghə mə

¹ Ambə n tsuʼ fə loʼ fə, Yeso n tey n nguŋə nyi i Jenesalet, nɔɔ kə aghə̂ kə n loʼ fu, tənə ndòw iwùu n səə wi ni zəllə ghɔɔmə i Kəzə̀.

Lukas 5:1 Mawu Ofanana

Matyo 11:12

Ni ney nuu tsu n tsuʼu n Jɔn Wù fuu u mmuu n Kəzə̀ mə, bə kuum bə nya, fɔ̀ɔ wə idəŋ wə n ngii fəghə ni bwey ndòw tsətsəghə n wɔ ngaamə tə aghə̂ tə, ngaamə tə aghə̂ tə a dəmə soʼonə ni bəəbə maʼa fɔ̀ɔ u tii wə.

Matyo 14:34

Ambə Yeso ghi ngəd tə wi tə daŋ shi ndòwnə n nguŋ inyi i loʼ zey, ghə n shi tsu n naʼ i Jenesalet.

Malakus 3:9

Nghee tə nɔɔ kə aghə̂ kən zuʼu bənə n səə wi, Yeso n dza ndòw tə̀ dzûmə tə wi tə nə̀ ghə bayyə naŋa tsu nyaŋi fə kəfən tə̀ wi, sey nə̀ kə̂ ghə̂ a nə tənə zoʼlə maʼanə wi.

Malakus 4:1

Yeso n kaʼ kpiʼi ndòw ni dii aghəə n nguŋ ə nyi i Galili. Nɔɔ kə aghə̂ key kə â dzəŋi bənə n səə wi, kə â ngii downu, sey, tə n baa nyi doʼo kɔʼ nə kəfən n dzuu ə Galili. Nɔɔ kə aghə̂ key n loʼ n nguŋ ə inyi.

Malakus 5:24

Yeso n daŋŋə nuu ndòw ghi wù wey. Ndəmə aghə̂ ghə â ndow dzəŋi ghi Yeso, sey ghə n zoʼlə nyiə bə wi badla tədzəm.

Malakus 6:53

Ambə ghə daŋ shi bənə n nguŋ inyi n bad kə mboʼo Jenesalet, ghə n kow naŋa tsu kəfən fu.

Lukas 12:1

Nghee tə̀ nɔɔ kə aghə̂ kə təŋŋə bənə, bwùlə bə n kow awaazə, Yeso n kaʼ tsu dzə ni ghɔɔmə tə̀ dzûmə tə wi tə dza, “Ney na ghə̂mə zə n ghə̂ a tə Falasi, a loʼ ghə nəb ityim.

Lukas 5:2

Yeso n koʼ ndòw ufən ubəghə n nguŋ i dzùu nə à naŋa ghə̂ a kwɔ̂ a tətsəghə ghə, ghə n kùʼlə loʼ fu sow wûu u tətsəghə

Lukas 8:22

Ambə n tsuʼ fə lòʼ fə Yeso n lòʼ n gûŋ inyi ghi tsətəndəghə tə wi tə. Tə n dza tə̀ ghə nə̀, “Bəghə na a daŋ shi ndòw n ŋgûŋ i zey.” Sey, ghə n nyi kɔʼ nə kəfən nuu ndòw nə u daŋa wə,

Lukas 8:23

nghee tə̀ ghə daŋa ndownə, Yeso n kaʼ nə̀ u bweeli wə, zəŋ i taw zə n gbəllə kaʼ ni tsəghə fu tii nə inyi, sey mmuu mə n kaʼ ni nyi nə kəfən, à n lòʼ tə̀ fən kə i məllənu.

Lukas 8:33

Ambə vəətsəə ghey nuu shi bənə n kow wù wey, ghə n nyi ndòw n kow feelibu wey, ghəŋə feelibu wey wə n kwɔɔ tsu ndòw n gəə kə taw key, nyi kuŋ nay ndòw nə inyi.

Lukas 8:45

Yeso n bəb tsu nə̀, “A mə mɔm ndee?” Ghə̂ ghey ghə â lòʼnə n səə wi n tuu tsu kə adzəm. Pita n dza ndòw tə̀ wi nə̀, “Mûkəbii, ghə̂ à zuʼu kaabə n kow wɔ nə təbadla tədzəm, wə sə lòʼ ngee ni bəb nə̀ a mə mɔm ndee?”

Tùm i dzuŋu zə kuum Yeso Klisto tə Jɔn â tɔɔnə 1:40

Wù umɔʼ n ghə̂ ghey ghə â dzûmənə Yeso nghee tə̀ Jɔn dza tsu ghəə ghən â loʼ Andria, waazə Shimun Pita.

Tùm i dzuŋu zə kuum Yeso Klisto tə Jɔn â tɔɔnə 6:1

Ambə ghəə ghən a tsəghə tsunə, Yeso nsə ngəd tə wi tə n daŋ shi ndow n nguŋ ə nyi i Galili i loʼ zey ghə tɔŋŋə soʼonə nə̀ a loʼ nyi i Tiberia.

Hibru 13:7

Kə ghaa nə neyzəənə ghə̂ ghey ghə â diinə ghaa n jìi, tɔŋŋə ghə̂ ghən ghə a khəənə ghəə a Kəzə̀ ghə tə̀ ghaa. Moʼlə tsuu n na jìi zey ghə â muunə tii, ghaa dzûmə ndow ghow kə ibwey kə ghə n bəghəm i fə̀ŋ zey ghə â khənə n kow Zə̀ kə.