Lukas 4:34 - Kaa n Kəzə̀ n fəghə mə

³⁴ “Wey yey, zəghə maʼa ghey ley! A Yeso ə Nazaled, wə bə ni bə wey maʼa ghey ə? N khənu wù wey wə loʼnə ghii wə, wə loʼ wù zow wən Zə̀ kə tûm bənə.”

Lukas 4:34 Mawu Ofanana

Matyo 8:29

Nghee tə̀ ghə koʼ tsunə Yeso, ghə n buʼ shi kɔʼ mmbɔŋ dza nə̀, “Wə ləghə kee n wɔ ghey ə Waa Kəzə̀? Wə n bə ni bə chɔd ghey nə̀ nəŋə i ka kam kpii ə?”

Malakus 1:24

“Wə fa bə ni bə ji ngee ghi ghey a Yeso ə Nazaled? Wə n bə ni bə ləŋi maʼa ghey ə? N khənu wù wey wə̀ loʼnə ghii wə, wə loʼ Wù Kəzə̀ u Zow wə.”

Malakus 1:34

Yeso n baŋŋə ndəmə aghə̂ n dzaŋa tə ghə, dzùm nuu shi soʼo ndəmə zay u bwu wə n kôw ghə̂ ghə. Tə n ka fu zay u bəbə wey n bùʼ kə nə̀ ghə ghɔɔmə shi kɔʼ təŋkey ghə â khənu wù wey tə loʼnə ghii wə.

Malakus 5:7

Tə n buʼ shi kɔʼ kəbɔŋ idəŋ dza nə̀, “Yeso, Waa Zaamə mbi, wə dza i ji ngee ghi mə ə? N buʼu kəwɔɔ tə̀ wɔ n zəd i Kəzə̀, kə wə nə chɔdlɔnə mə.”

Lukas 1:35

Tsəndəghə ə Kəzə̀ zey n beeli ndòw wi nə̀, “Zay kə Zow kə î tsuu bə n kow wɔ, daʼa K-a-zə̀ kə i tsət bə wɔ. À wey loʼ ghə i tii zə ghə î tɔŋɔnə waa u zow wey wə̀ i jiənə nə̀ a loʼ Waa Kəzə̀.

Lukas 4:33

Tsuʼ fə loʼ fə, Yeso n loʼ n ndaw Kədzəŋi, wù loʼ n loʼ fu nə vəətsəə ghə n nyi doʼo n kow wi. Ambə tə koʼ tsunə Yeso, tə n kii kəbɔŋ dza,

Lukas 4:41

Vəətsəə ghə n maŋa shiə nuulə n kow ndəmə aghə̂, buʼlə nbɔŋ dza, “Wə loʼ waa Kəzə̀.” Yeso n kii naŋa ndòw ghə, tsəmə bəghəm way nə̀ ghə ghɔɔmə shi kɔʼ, n təŋkey ghə â khənu nə̀ tə loʼ Klisto.

Lukas 8:28

Ambə tə koʼ tsu nə Yeso, tə n buʼ shi kɔʼ kəbɔŋ, bwù ndòw n tənə fuu i Yeso dza shi kɔʼ n dzə i taw zə nə̀, “Yeso waa Zə̀ kə idəŋ kə, n khə kee ghi wɔ? N buʼ kəwɔɔ tə wɔ, ka mə chɔd dzə.”

Lukas 8:37

Sey, ghə̂ ghey fu n mboʼo Jerasenes adzəm n dza tə̀ Yeso nə̀ tə ndòw nuu n naʼ i ghə təŋkey tsəŋ i mâ ghə ngi nyi, sey Yeso n nyi dzəŋŋə kɔʼ nə kəfən nuu i ndòw.

Kəfwaʼ 16:39

Sey, ghə n ndow dza tə ghə nə̀ ghə neyzəə ghə, ney nuu shi bə ghə fu n ndaw tsaʼ. Ghə n daŋŋə buʼ kəwɔɔ tə̀ ghə nə̀ ghə nuu shi ndow n naʼ i ghə.

Kəfwaʼ 2:27

N təŋkey wə i tûmmə naŋa way vən fə uwû fuŋ fə n naʼ zə ivə, Wə i bəghəm soʼo way nə vən i waa wə u dzuŋu wə i fway nə isay.

Kəfwaʼ 3:14

Ghəə a wi ghə â zownu n sə K-a-zə̀, tə n loʼ wù dzuŋu, ghaa n fəd tuu maʼa wi, kee dza nə̀ Pilato chi zəghə shi bə ghaa n wù wey tə weynə ghə̂ ghə.

Kəfwaʼ 4:27

À wən bɔɔmə loʼ ghəə zey zə â shinə fa inaʼ, Helɔd nsə Pontus Pilato n ndzəm təmdzəŋi bə ghi ghə̂ ghən ghə way ghə̂ a Təjuu ghə nsə ghə̂ ghə Izree ghə ni kad tsəm n tow kə wù kəfwaʼ wə u zow wən wə â tsuʼ naŋanə, tɔŋɔ Yeso.

Hibru 2:14

Nghee waa a Kəzə̀ a loʼnə ghə̂ ghə, ghə khə gow uwû, khə soʼo təkaŋ. À wey loʼ ghə i tii zə Yeso n wû u wi wə â doʼo bə soʼonə wù sɔŋtsuʼ sey nə̀, abə tə i bə kpu tsunə, tə i wey maʼa daʼa key kə ghəŋŋənə nə̀ ghə̂ ghə i kpuulə tɔŋŋə daʼa kə avəətsəə.

Jems 2:19

À loʼnu ghə i dzuŋu zə nə̀ ghaa bəghəmnu nə̀ Zə̀ kə loʼ kə kəmɔʼ. Ghaa n ghəŋə dzɔb. Vəətsəə a bəghəm soʼonu nə̀ Zə̀ kə loʼ kə kəmɔʼ buʼu tsəŋə daŋŋə soʼo wi.

1 Jɔn 3:8

Wù wey tə ghəŋŋə nduŋŋə ndow kənə ghəə a bəbə ghə, loʼ waa avəətsəə, n təŋkey, vəətsəə a ghəŋŋə tənnə tsə kə ghəə a bəbə ghə ni ney nuu bə n nəŋə zey Zə̀ kə â bɔmnə mbi. Zuŋ key Waa Kəzə̀ â bənə tii, â loʼ ni bə ləŋi maʼa tən fwaʼ kə avəətsəə.

Chi dii 20:2

Tə n kwu kɔʼ ngəm zey, zuu i wey wey zey i loʼnə Vəətsəə ghə nkee Satan, kuum naŋa ndow wi n tsaʼ nə tənum kam.

Chi dii 3:7

Yeso n dza bə tə̀ mə nə̀, “Tɔ̀ɔ ndow tə tsəndəghə zey i keyyənə dzəŋi kə dzûmə tə Klisto key n Filadefya nə̀, wù wey tə zow dza soʼo isəŋə, tə kwu keelinə chi kə fɔɔ Devid kə, wù wey abə tə chi naŋa kɔʼ fuʼ u ndaw wə, wù loʼ i way ni fìi, abə tə fìi naŋa tsunə, wù loʼ way ni chi, dza nə̀,