Lukas 4:32 - Kaa n Kəzə̀ n fəghə mə

³² Dzuu zə n ngii zum ghə n ghɔɔmə i wi, kùmnə ghɔɔmə wi zə â khə kədaʼa.

Lukas 4:32 Mawu Ofanana

Malakus 1:22

Dzuu zə n ngii zum aghə̂ n jìi zey tə â diinə tii, n təŋkey tə â dii dzə way n jìi zey ghə̂ a dii a kəlaŋ ghə â diinə tii. Tə â fədlə dii n jìi zey ghɔɔmə i wi zə â ngii khənə daʼa kə.

Lukas 2:47

Dzuu zə n ngii zum ghə̂ ghey adzəm ghə â zownə wi kùmnə tə â zowkeeli aghəə, nsə n ji zey tə â beelinə tii.

Lukas 4:33

Tsuʼ fə loʼ fə, Yeso n loʼ n ndaw Kədzəŋi, wù loʼ n loʼ fu nə vəətsəə ghə n nyi doʼo n kow wi. Ambə tə koʼ tsunə Yeso, tə n kii kəbɔŋ dza,

Lukas 4:36

Dzuu zə n ngii zùm ghə̂ ghey fu, ghə n bəbə n wû i ghə nə̀, “À wən loʼ ndzoʼo ghɔɔmə i ghaa zə n daʼa kə sa a? Wù wən tsəʼlə kəlaŋ tə vəətsəə ghə n shiə nuulə bə.”

Tùm i dzuŋu zə kuum Yeso Klisto tə Jɔn â tɔɔnə 6:63

À loʼ Zay K-a-zə̀ kə fuunə muu zə, daʼa kə wù sɔŋtsuʼ kə maŋ loʼ kənunu. Ghɔɔmə zən n ghɔɔmə bənə tə̀ ghaa, nuu bə n wɔ Zay K-a-zə̀, kə fuunə muu zə.

Tùm i dzuŋu zə kuum Yeso Klisto tə Jɔn â tɔɔnə 7:46

Ghə̂ a keyyə ghey n dza nə̀, “Wù loʼ ka kam ghɔɔmə koʼ tsə ghəə ghə tə̀ a loʼ wù wey.”

2 Kɔrint 4:2

Ghey n tuu maʼa ghəə a dədlə a kətow ghey ghə̂ a ghəŋnənə nə kələm. Ghey ghəŋŋə way ghəə a tsìi ghə, ghey fwɔdlɔ soʼo way ghɔɔmə i Kəzə̀ zə. Ghey kee ghɔɔmə bə isəŋə n mgbaŋ nə̀ ghə̂ adzəm ghə i khə n fə̀ŋ tə ghə nə̀ ghəə ghey ghey ghəŋŋə, a kpiinu n sə K-a-zə̀.

1 Tesalonika 1:5

N ghəə ghən dza n tənkey, ghey ka maŋ naʼa dzə tûm i dzuŋu zən tə̀ ghaa nə idzuu. Ghey naʼa n daʼa K-a-zə̀, daʼa kə Zay kə Zow kə, nsə fə̀ŋ tə ghey tə tədzəm. Ghaa khənu jìi zey ghey â muunə tii n nəŋə zey ghey â loʼnə ghi ghaa. Ghey â muu sey n ndzuŋ ə ghaa.

Taytus 2:15

Sey, a wən loʼ ghəə ghən wə khə ni dii ndow tə dzûmə tə Klisto tə. I kuu ndow fə̀ŋ tə ghə tə, kpaa tənə ndow soʼo ghə abə ghə ghəŋə bəəbə tsunə ghəə zə tə a loʼ wù wey tə khənə daʼa kə tii kə. Ka tsəm bəghəm nə wù loʼ koʼ kìi wɔ.