Lukas 4:22 - Kaa n Kəzə̀ n fəghə mə

²² Ghə̂ ghey ghə â loʼnə fu, n ghɔɔmə ghəə a dzuŋu ghə bòʼ wi, ngii duʼlə ndzoʼo kɔb kə ighɔɔmə key kə a shiə bənə n dzuu i wi. Ghə n bəbə tiilə n wû i ghə nə̀, “À wən way waa Yosef ə?”

Lukas 4:22 Mawu Ofanana

Lukas 2:47

Dzuu zə n ngii zum ghə̂ ghey adzəm ghə â zownə wi kùmnə tə â zowkeeli aghəə, nsə n ji zey tə â beelinə tii.

Lukas 2:48

Ambə bày wi ghi nay wi koʼ tsunə wi, ghə i tii zə n tsəghəshi ghə. Nay wi n bəb ndòw tə̀ wi nə̀, “n waa, a loʼ kee wə ghəŋənə sa tə ghey ə? Mə ghi bày wə, n wɔ kuum kəŋ, fə̀ŋ tə mə baŋa ghey bòʼ wɔ.”

Lukas 21:15

Boʼnə n nə fuu ghaa n ghɔɔmə i tii zə nsə tɔb wə n jìi zey ghə̂ a təngəmə a ghaa a nə way ni buʼ khə̂mə ghaa.

Lukas 4:21

Tə n dza tə̀ ghə nə̀, “Ghɔɔmə i Kəzə̀ zən ghaa zownə na, ghəə a tii ghə n ney bənə kə.”

Tùm i dzuŋu zə kuum Yeso Klisto tə Jɔn â tɔɔnə 1:45

Filip n bə koʼ bə Natanyə, dza tə̀ wi nə̀, “Ghey n koʼ wù wey Mushi â tɔɔnə bòʼ wi n màʼlə K-a-laŋ, wù wey Tûm tə Kəzə̀ tə â tɔ̀ɔ soʼonə bòʼ wi. A loʼ Yeso wù Nazaled wən ghə tɔŋŋənə bày nə̀ a loʼ Yosef.”

Tùm i dzuŋu zə kuum Yeso Klisto tə Jɔn â tɔɔnə 6:42

Ghə n dza, “À wən way Yeso waa Yosef ə? A khənu bày wi ghi nay wi, tə sə̀ loʼ ngee ni dza nə̀ tə nuu tsu bə idəŋ ə?”

Tùm i dzuŋu zə kuum Yeso Klisto tə Jɔn â tɔɔnə 7:46

Ghə̂ a keyyə ghey n dza nə̀, “Wù loʼ ka kam ghɔɔmə koʼ tsə ghəə ghə tə̀ a loʼ wù wey.”

Kəfwaʼ 6:10

Ghə n dəm kii ni ghɔɔmə baalə ghi wi bòʼ tɔb wey Zay kə Zow kə â fuunə tə wi.

Taytus 2:8

I dii kə ghəə ghey a kpiinə nə̀ wù loʼ way ni khə̂mə wɔ, sey nə̀ tow kə i dəd ghə̂ a təngəmə ghə abə ghə i laalə kii tsunə ghə i bəbə zey ghə loʼ ni dza tow u saa.