Lukas 4:18 - Kaa n Kəzə̀ n fəghə mə

¹⁸ “Zay kə Zow kə loʼ ghi mə təŋkey Zə̀ kə n mə sày nə̀ n naʼa tûm Kəzə̀ tə̀ ghə̂ a laa ghə, tə tûm mə nə̀ n ndòw naʼa bəghəshi i Kəzə̀ tə kɔt wə, n fù sə̂ a koʼo ghə tə̀ ghə̂ a fəbəghə, n bəghəshi ghə̂ ghey ghə loʼnə nə uchɔd,

Lukas 4:18 Mawu Ofanana

Matyo 11:5

Ghə̂ a fəbə a nya koʼo təluʼu, kə̀ŋŋə u nya bweynu, ghə̂ ghey ghə â dzaŋanə kə̀m wə n taw, kùʼ wə a zownə tuŋŋə wə, ghə̂ à kpuu ghə a zhəm dzəŋŋə bə nə ivə, ghə a naʼlə soʼonə tûm i dzuŋu zə tə ghə̂ a laa ghə.

Matyo 12:18

“À wən loʼ wù kəfwaʼ wuŋ n sày kɔʼnə, N ngii ləghə wi, fə̀ŋ zuŋ ngii duʼlənu ghi wi. Mə î kuu tsuu zay kuŋ n kow wi, Tə i naʼlə ghəə zey i loʼ tsətsəghə tə̀ ghə̂ ghən ghə way ghə̂ a Təjuu ghə.

Matyo 12:20

Tə i khəm maʼa way dzaŋ wey u mbvəd doʼonə, Tə i nəm maʼa soʼo way daa key kə nəmmə ndòwnə. Tə i buu doʼo way ni dəm ni koʼ nə̀ ghəə ghey a loʼnə tsətsəghə, a təm zə̂ ghəə ghey a way tsətsəghə.

Matyo 4:16

Ghə̂ ghey ghə â muunə nə kələm, N koʼ daa kə səŋi kə. Tsuʼ wə n na zow n kow ghə̂ ghey ghə â loʼnə nə kələm, ləmmə kə ivə.”

Matyo 5:3

Buulə i loʼ tə̀ ghə̂ ghey ghə koʼo keelinə nə̀ fə̀ŋ tə ghə tə taw way n sə̂ K-a-zə̀, N təŋkey, fɔɔ wə idəŋ u loʼ tə̀ ghə.

Lukas 4:17

Ghə n fu ndòw maʼlə kə tûm Kəzə̀ Ayzaya tə̀ wi, tə n chi kɔʼ n luʼu key ghə tɔ̀ɔ naŋanə tii nə̀,

Lukas 6:20

Yeso n laalə ndòw dzûmə tə wi, dza tə̀ ghə nə̀, “Buulə i loʼ tə ghaa ghey ghaa laanə, n təŋkey, fɔɔ u Kəzə̀ u loʼ u ghaa wə̀.

Lukas 7:22

Yeso beeli ndòw ghə dza, “Dzəŋŋə ndòw na, ghaa ndòw naʼa ndòw tə̀ Jɔn ghəə ghey ghaa koʼnə nsə a ghey ghaa zownə, nə̀ ghə̂ a fəbə a nyaʼ koʼonu, kə̀ŋə̀ wə â bweynə, ghə̂ ghə ukə̀m ghə u taw, kuʼ wə â zownə tuŋŋə wə, ghə̂ a kpuu ghə a zhəm dzəŋŋə bə nə̀, ghə̂ a laa ghə a zow soʼonə tûm Kəzə̀ i dzuŋu zə.

Tùm i dzuŋu zə kuum Yeso Klisto tə Jɔn â tɔɔnə 1:41

Ambə Andria zəghə tsunə Yeso, ghə i sə̂ isə zey tə â ghəŋənə â loʼ ni ndow kəŋ ndòw waazə ə wi Shimun. Tə n dza tə̀ wi nə̀, “Ghey n koʼo wù wey Zə̀ kə â dza naŋa nə̀ i tûm bənu.” (Wù wən Zə̀ kə â dza nə̀ i tûm bənu n ghɔɔmə i Grik loʼ Klisto).

Tùm i dzuŋu zə kuum Yeso Klisto tə Jɔn â tɔɔnə 12:46

N bə fa n mbi tə̀ a loʼ kədaa, sey nə̀, wù wey tə bəghəm fuu dzə tə̀ mə, tə ka doʼo tən dzə nə kələm.

Tùm i dzuŋu zə kuum Yeso Klisto tə Jɔn â tɔɔnə 3:34

Wù wən Zə̀ kə tûm bənə, ghɔɔmə bə ghɔɔmə i Kəzə̀, n təŋkey Zə̀ kə n fuu wi n Zay kə wi kə naʼ idzəm.

Kəfwaʼ 10:38

Ghaa khənu nghee Zə̀ kə â tsuʼ naŋanə Yeso, wù Nazaled, fuu tsu wi n Zay kə Zow kə nsə daʼa kə. Ghaa khə soʼonu nghee tə â bwey kaabənə, ghəŋŋə ndzuŋ, baŋŋə ghə̂ ghən adzəm ghə a loʼ nə n tənnə daʼa kə avəətsəə, n təŋkey, Zə̀ kə â loʼ ghi wi.

Kəfwaʼ 26:18

À loʼ wɔ wə khə ni chi sə̂ a ghə, wə ney nuu shi bə ghə nə kələm, wə naŋa shi bə ghə n sə̂ a zow ghə. À loʼ soʼo wɔ wə khə ni ney nuu bə ghə n wɔ daʼa kə Satan kə, wə ney bə ghə tə Zə̀ kə. Sey nə̀, n bəghəm i fə̀ŋ zən ghə khənə n kow mə, Zə̀ kə i neyzəə bəb i ghə, ghə ney kɔʼ bənə kə ghə n fəŋŋə kə ghə̂ ghey Zə̀ kə sày naŋanə.’”

Kəfwaʼ 4:26

Də̀ŋ u mbi u bayyə wû i tsam, Tow wə inaʼ wə a təmdzəŋi bənə, Ni zùu bàalə Kəzə̀ nsə wù wey tə tsuʼ naŋanə.’

Kəfwaʼ 4:27

À wən bɔɔmə loʼ ghəə zey zə â shinə fa inaʼ, Helɔd nsə Pontus Pilato n ndzəm təmdzəŋi bə ghi ghə̂ ghən ghə way ghə̂ a Təjuu ghə nsə ghə̂ ghə Izree ghə ni kad tsəm n tow kə wù kəfwaʼ wə u zow wən wə â tsuʼ naŋanə, tɔŋɔ Yeso.

Kolose 1:13

Tə u bəghəshinə saa n daʼa k-a-ləm, ney nyi bə saa n fɔɔ u Waa wi wən tə ngii ləghənə.

Jems 2:5

Zow na a waazə ghuŋ a dzuŋu ghə! N dza Zə̀ kə n mgbaŋ sày ghə̂ ghən ghə̂ a mbi a koʼnə nə̀ a loʼ ghə̂ a laa ghə nə̀ ghə doʼo tə a loʼ ghə̂ a kûm ghə bòʼ bəghəm i fə̀ŋ, ghə doʼo soʼo ghə̂ ghey ghə i zə̂ənə fə wən u loʼnə n fɔɔ wən tə â təb naŋanə tə̀ ghə̂ ghey ghə ləghənə wi ə?

1 Pita 2:9

A kee bə ghaa, ghaa loʼ ghə̂ ghən ghə sày kɔʼnə, ghaa loʼ ghə fɔɔngili tə̀ də̀ŋ kə, kə loʼnə Zə̀ kə, ghaa loʼ naʼ i zow zə, ghaa loʼ ghə̂ a Kəzə̀, ghaa loʼ ghə̂ ghən tə sày kɔʼ nə̀ ghə naʼa ghəə a wi a dzuŋu ghən tə ghəŋŋənə. Tə tɔŋɔ nuu shi bə ghaa nə kələm, naŋa bə ghaa n dzɔbə dzɔbə kə tsə kə wi.