Lukas 3:8 - Kaa n Kəzə̀ n fəghə mə

⁸ Mə̂ bə na tam u dzuŋu wə ni dii nə̀ ghaa n kùm kwey fə̀ŋ tə ghaa tə. Kə ghaa nə dzanə n wû i ghaa nə̀, ‘Abraham loʼ bày ghey u wey wə.’ Təŋkey n kûm dza bə tə̀ ghaa nə̀ Zə̀ kə loʼ ni buʼ fəd tay ghən tə̀ a doʼo waa ghə Abraham.

Lukas 3:8 Mawu Ofanana

Matyo 21:43

Sey, n dza bə tə̀ ghaa nə̀, “Ghə î ney nuulənu fɔɔ u Kəzə̀ wə n wɔɔ kə ghaa, ghə fuu ndòw tə̀ naʼa tey tə î ghəŋŋənə ghəə zey Zə̀ kə ləghənə.”

Matyo 3:8

I ghəŋŋə ndòw na ghəə ghey a loʼnə tsətsəghə ni dii nə̀ ghaa n màʼa ghəə a bəbə a ghaa ghə.

Matyo 3:9

I kə̂ ghaa nə moʼlənə nə̀ ghaa loʼ ni zə̂ kətow nghee ghaa dzanə nə̀, ‘Ghey loʼ waa waa ghə Abraham’ n təŋkey, Zə̀ kə loʼ ni ney kɔʼ tay ghən, tə ghəŋə nə̀ a doʼo waa ghə Abraham.

Lukas 13:25

Abə mû ndaw i nu fii kɔʼ dzənə fuʼ u ndwa wə, nə ghaa tey a bii, ghaa i kaʼ ni buʼ fuʼ u ndaw nə̀, ‘Mûkəbii, chi bə fuʼ u ndaw wə tə ghey.’” Tə i beeli shi bə ghaa nə̀, “Ngaŋ! N khə way ghaa, n khə soʼo way luʼu key ghaa nu bənə tii.”

Lukas 13:26

Sey, ghaa i dza nə̀, “Ghey a zəə dzəŋi tsə ghi wɔ, məə dzəŋi ghi wɔ, wə n tsəm dii soʼo ghey n naʼ i ghey.”

Lukas 14:9

Sey, wù wey tə mə naʼanə ghaa i bə n səə wɔ, tə i dza, ‘fu tsu kuu kə tə wù wən.’ Sey, wə̀ i khə ni ndòw doʼo n kuu kə təghə kə, n tow kə dədlə kə.

Lukas 19:40

Yeso n beeli ndow ghə nə̀, “N kùm dza bə tə ghaa nə̀, abə ghə doʼo kə nə mɔŋ, tay ghə i kaʼ ni buʼlə nbɔŋ.”

Lukas 19:9

Yeso n dza tə wi nə̀, “Zə̀ kə n bəghəshi ndaw zən na, n təŋkey, wù wən loʼ soʼonu waa sali ndaw zə Abraham.

Lukas 5:21

Ghə̂ a tə Falasi nsə ghə̂ a dii ghə ulaŋ ghə n kaʼ ni dza n wû i ghə nə̀, “À wən lòʼ fə ndee fə tsayyənə Zə̀ kə? A kəm lòʼ ndee ni neyzəə bəb i wù ə, tsəghəshiə way Zə̀ kə ə?”

Tùm i dzuŋu zə kuum Yeso Klisto tə Jɔn â tɔɔnə 8:33

Ghə n dza ndòw tə̀ wi nə̀, “Ghey loʼ waa a waa ghə Abraham, ghey ka kam doʼo koʼ tsə kɔd kə wù loʼ kə, wə loʼ ngee ni dzaa tə̀ ghey nə̀, ‘Ghaa i keeli ibəghəshi ə?’”

Tùm i dzuŋu zə kuum Yeso Klisto tə Jɔn â tɔɔnə 8:39

Ghə n beeli dza ndòw tə̀ wi nə̀, “Bày bày ghey loʼ Abraham.” Yeso n dza ndòw tə̀ ghə nə̀, “Abə ghaa mə ndzəm loʼnə waa a waa ghə Abraham ghə, tə̂ ghaa mə bɔɔmə ghəŋŋə ndòw kə ghəə ghey tə â ghəŋŋə tsənə.

Kəfwaʼ 26:20

Mə â zey tsu dzə n Damaskus, tsəghə ndow n Yerosalem, ndow ngəə bə mboʼo Judeya idzəm, ndow soʼo n naʼa tə ghə̂ ghey ghə way ghə̂ a Təjuu ghə. Mə â naʼlə nə̀ ghə khə ni teeli kwey nuu bə fə̀ŋ tə ghə n ghəə a bəbə ghə, ghə bəghəm soʼo tə Zə̀ kə. Ghə i ghəŋŋə ndow ghəə ghey a diinə nə̀ ghə n kwey fə̀ŋ tə ghə tə.

Roma 4:16

À wey loʼ ghə i tii zə à may kə bəghəm i fə̀ŋ zən wù khənə n kow Zə̀ kə, i ghəŋŋənə nə̀ tə keeli fə key Zə̀ kə â təb naŋanə. Zə̀ kə i dii fə̀ŋ ə wi i dzuŋu zə tə̀ waa a waa ghə Abraham ghə adzəm ni luulə ghəə zey tə â təb naŋanə tə Abraham. Zə̀ kə i kad dii kə way fə̀ŋ ə wi i dzuŋu zə tə ghə̂ ghən ghə khənə laŋ kə, tə i dii soʼonu tə̀ ghə̂ ghey ghə bəghəmnə tə̀ wi tə̀ Abraham â bəghəmnə. I loʼ sey n təŋkey, Abraham loʼ bày tə ghə̂ ghey adzəm ghə bəghəmnə tə̀ Zə̀ kə.

Roma 9:7

À way dzə waa waa ghə Abraham adzəm ghə ndzəm loʼnə waa Kəzə̀ ghə. Zə̀ kə â təb naŋa tə̀ Abraham nə̀, “À loʼ kə n bam i Ayzik mə i neynə waa a waa ghə ghə̀ n taŋ.”

Filipi 1:11

Ghaa i khə muu i dzuŋu zey wù keelinə n bam i Yeso Klisto. Seynə nkɔʼlə nsə kali wə i loʼ tə̀ Zə̀ kə.