Lukas 3:7 - Kaa n Kəzə̀ n fəghə mə

⁷ Nɔɔ kə aghə̂ kə bə n səə Jɔn ni bə ney mmuu n Kəzə̀. Tə n dza ndòw tə̀ ghə nə̀, “Zuu tən! À ghaa tsiəllə ndee nə ghaa tsi ngoʼo Kəzə̀ zən i bəghənə?

Lukas 3:7 Mawu Ofanana

Matyo 12:34

Zuu tə bəbə tə tə̀ a loʼ ghaa! Ghaa loʼ ngee ni khəə ghəə a dzuŋu ghə nə̀ ghaa loʼ ghə̂ a bəbə ghə ə? N təŋkey wù bɔɔmə khəə shiə bə kə ghəə ghey a luu doʼonə n fə̀ŋ ə wi.

Matyo 23:33

Ghaa bəbə tə a loʼ təzuu! Ghaa loʼ waa ghə ufwey! Ghaa moʼlə nə̀ ghaa i loʼnu ni tyi nə̀ kə Zə̀ kə nə tûmnə ghaa n luʼu key ghə̂ a fəʼlənə tii ə?

Matyo 3:6

Ghə n dza ndòw bəb i ghə tə̀ Jɔn, Jɔn n fuu ghə n mmuu n Kəzə̀ mə n dzuu Jodan.

Tùm i dzuŋu zə kuum Yeso Klisto tə Jɔn â tɔɔnə 8:44

Ghaa loʼ kə tə̀ a loʼ bày ghaa, tɔŋŋə Satan, moʼlə tə ghaa tə loʼ kə ni ghəŋŋə ghəə ghey bày ghaa ləghənə. Ni ney nuu bə tə̀ mbi a nə kaʼnə, tə weyyə aghə̂, tə ka kam təmi koʼ tsə nə isəŋə, n təŋkey, tə khə dzə way isəŋə i loʼ zə n kow wi. Abə tə badlanə ghəə ghə, tə sey ghɔɔmə shiə bə kə ghəə ghey a loʼnə n fə̀ŋ ə wi, n təŋkey, tə loʼ wù badla wə aghəə wə, a loʼ də̀ŋ kə ghəə a badla ghə.

Kəfwaʼ 13:10

“Waa avəətsəə wən! Wə loʼ wù təngəmmə tə ghəə ghən a loʼnə tsətsəghə adzəm. Wə khə jii tə tsɔŋɔ tə tədzəm ni ghəŋŋə ghəə a bəbə ghə. Wə dəmə tənə tsə kə ni bwɔd fəd bə isəŋə zən i loʼnə bòʼ Mûkəbii n ghəə a badla ghə.

1 Tesalonika 1:10

Ghə dza kaabə soʼonu nghee ghaa ləmmənə Waa Kəzə̀ wən tə i tsu bə idəŋ, tɔŋŋə Yeso wən Zə̀ kə â zhəm dzəŋŋə bənə nə ivə. À loʼ wi tə bəghəshiənə saa n nə̀ kə Zə̀ kə nə chɔdlɔnə saa.

Hibru 6:18

Sey, Zə̀ kə n dzəŋi fuu bə aghəə abəghə, ghəə zən tə a dza nə̀ tə i ghəŋŋənu nsə kaa n wi mə. Sey, ghəə ghən abəghə a way ni kwey boʼnə Zə̀ kə badla way ghəə ghə. Nsə sey, saa ghən saa nyəŋə ndownə n səə wi nə̀ tə tsəd naŋa saa, khə way tsəŋ zə, abə saa təmi taw tsu dzənə ni ləmə fə kən kə i bəghənə tə̀ saa.

1 Jɔn 3:8

Wù wey tə ghəŋŋə nduŋŋə ndow kənə ghəə a bəbə ghə, loʼ waa avəətsəə, n təŋkey, vəətsəə a ghəŋŋə tənnə tsə kə ghəə a bəbə ghə ni ney nuu bə n nəŋə zey Zə̀ kə â bɔmnə mbi. Zuŋ key Waa Kəzə̀ â bənə tii, â loʼ ni bə ləŋi maʼa tən fwaʼ kə avəətsəə.