Lukas 3:16 - Kaa n Kəzə̀ n fəghə mə

¹⁶ Jɔn n beeli ndòw ghə adzəm dza, “mə, n fuu ghaa n Mmuu n Kəzə̀ mə nə n mmuu, wù loʼ bəghənu, tə tsə̀ghə̀shinə mə. N ka buʼ kɔʼ kpii dzə ni zii baʼ u təgow u wi. Tə i bəghə fuu ghaa n Mmuu n Kəzə̀ mə n daʼa kə Zay kə Zow kə nsə nə uvəllə.

Lukas 3:16 Mawu Ofanana

Matyo 3:11

N fa fuu ghaa n mmuu n Kəzə̀ mə nə mmuu, ni dii tsu nə̀ ghaa n fə̀ŋ tə ghaa tə kwey, wù wey tə bəghənə n baa mə̀, n tsəghəshi mə. N ka bùʼ kɔʼ kpii dzə ni boʼo gow tə wi. Tə i sow ghaa n daʼa kə Zay kə Zow kə nsə nə uvəllə.

Matyo 3:12

Tə khə tən neeli kə wi n wɔɔ ni fəəbə təndzoʼ tii. Tə i fəəbə naŋa ndòw ndzoʼ tə dzuŋu tə nə utaa, tə kàŋ kpəghə maʼa ndòw ghow u tii wə n vəllə wey u nəmmə koʼo tsə way.”

Tùm i dzuŋu zə kuum Yeso Klisto tə Jɔn â tɔɔnə 1:26

Jɔn n beeli ndòw ghə dza nə̀, “N fuu mmuu n Kəzə̀ nə mmuu, wù loʼ kee loʼ n fəŋŋə kə ghaa nə̀ ghaa khə way wi.

Tùm i dzuŋu zə kuum Yeso Klisto tə Jɔn â tɔɔnə 1:27

Wù tii bəghə n baa mə̀, n ka kɔʼ kpii dzə̀ ni zii baʼ u təgow u wi.”

Tùm i dzuŋu zə kuum Yeso Klisto tə Jɔn â tɔɔnə 1:33

Wû wuŋ, mə â khə way nə̀ à loʼ wi Zə̀ kə â dza naŋa nə̀ i tûm bənu, â loʼ Zə̀ kən kə â tûmnə mə nə̀ n bə fuu mmuu n Kəzə̀ nə n mmuu, kə â dzanə tə̀ mə nə̀, ‘Wù wey wə i koʼnə Zay kə Zow kə, kə tsuu mwaa tsunə n kow wi, a loʼ wi tə i fuunə Zay kə Zow kə.’”

Tùm i dzuŋu zə kuum Yeso Klisto tə Jɔn â tɔɔnə 7:38

Wù wey tə bəghəmnə tə̀ mə, tə bə mə̂, n təŋkey màʼlə K-a-zə̀ kə dza nə̀, ‘Mmuu mey n fuunə muu zə itsali zə, i bənə shiə bə n fə̀ŋ ə wi tə a loʼ fədzuu.’”

Kəfwaʼ 1:5

Jɔn a fuu mmuu n Kəzə̀ nə mmuu, a kee loʼ nə, a loʼ kə ghə zə ntsuʼu, Zə̀ kə i fuu ghaa n Zay kə Zow kə.”

Kəfwaʼ 10:44

Nghee Pita nam ghɔɔmənə, Zay kə Zow kə n tsu bə n kow ghə̂ ghey adzəm ghə zəllənə tûm wi.

Kəfwaʼ 2:33

Zə̀ kən kə loʼnə Bày wi n kɔʼlə naŋa wi n kpii u wi u təmə wə, fuu wi n Zay kə Zow kə tə̀ tə â təb naŋanə. Ghəə ghən ghaa koʼonə fa nsə ghəə ghən ghaa zownə à loʼ Zay kə Zow kən Yeso fuu bənə tə ghey naʼ idzəm.

1 Kɔrint 12:13

N jìi i mɔʼɔ zə, saa adzəm, abə wə loʼ kə wù Juu nkee wù wən tə way wù Juu, wə loʼ kəkɔd nkee wù ngəŋ, a loʼ kə Zay kə Zow kə mɔʼɔ kə, kə fuunə ghaa n mmuu n Kəzə̀ mə ni ghəŋə nə̀ saa doʼo nə kəfə kəmɔʼ. Ghəə zey i loʼnə, loʼ nə̀ saa dzəŋi khə kə Zay kə Zow kə kəmɔʼ.