Lukas 3:14 - Kaa n Kəzə̀ n fəghə mə

¹⁴ Sawgoʼ tə loʼ tə n ndòw bə soʼo, bəb tə̀ wi nə̀, “abə ghey, ghey nya khə ni ji ngee?” Tə n beeli ndòw ghə nə̀, “kə ghaa nə̂ neynə khəə wə n wɔ̂ wù nə kədaʼa. Kə ghaa nə̂ kwɔɔ soʼonə wù nə ighəə nə a way isəŋə. Ghaa i duʼlə n khəə wey ghə tsə̀ənə ghaa tii.”

Lukas 3:14 Mawu Ofanana

Matyo 8:5

Nghee tə̀ Yeso nyi ndòwnə n naʼ i Kapenum, wù nii sàʼ kə təsawgoʼ kə Roma u loʼ wə n bə n səə wi, buʼ wi n wɔɔ kə nə̀,

Lukas 19:8

Zakiə n fəd nu təmi i kɔʼ dza tə Mûkəbii nə̀, “Mûkəbii, mə i fuu ndow kəm kə ufə kuŋ tə ghə̂ a laa ghə, abə mâ tsi kə nə wù loʼ, mə i tsə dzəŋŋə ndow, n tsə kuulə ndow tənəŋŋə təkaykə n taŋ a fə wey mə â tsinə wi tii.”

Lukas 3:10

Ghə̂ ghə n bəb ndòw tə̀ wi nə̀, “a nya khə ni ji ngee?”

Lukas 3:13

Tə n dza ndòw ghə nə̀, “ka ney tsəghə shi dzə tsòw ə Kəmaʼlə tə̀ laŋ kə diinə.”

Kəfwaʼ 10:7

Tə tsəndəghə ə Kəzə̀ zey nuulə ndownə sa, Kɔnilus n daŋŋə tɔŋɔ tsu ghə̂ a kəfwaʼ a wi abəghə nsə sawgoʼ u loʼ wə tə â ngii gaʼnə fə̀ŋ n ghəə Kəzə̀, loʼ wù umɔʼ n sawgoʼ tey tə keyyənə wi.

Filipi 2:15

Sey nə̀ ghaa i zow, khə way bwu i loʼ zə. Ghaa i loʼ waa a Kəzə̀ ghey ghə khə way dzə̂wə n fəŋŋə kə mbi i bəbə zən doʼo i ghə i gaŋa doʼonə, way tsətsəghə. Ghaa khə ni teeli baŋa tə a loʼ nsəghəbələ n fəŋŋə kə ghə̂ a bəbə ghən fa n mbi.

Filipi 4:11

N ghəə ghən dza dzə way nə̀ n laʼa fə kə loʼ kə, n təŋkey, mə n zoʼlə ni duʼlə nəŋə tədzəm, abə a loʼ kə n nəŋə zey n khənə fə̂ kə nkee n nəŋə zey n laʼanə.

Taytus 2:3

N jìi i mɔʼɔ zə, dii ndow nyim tə agheyzən tə nə̀ ghə i muu muu zey i khə way bwu i loʼ zə n sə K-a-zə̀. Kə ghə nə khəənə fəghəm tə, kə ghə nə doʼlə soʼonə kɔd wə nlə wə. Ghə khə ni teeli dii kə ghəə ghey a dzɔbənə.

Chi dii 12:10

Mə n daŋŋə zow ndow dzə̀ i taw zə idəŋ i dzanə nə̀, “Nyisa, Zə̀ kə n bə ni bəghəshi ghə̂ a wi! Nyisa, Zə̀ kə n dii daʼa kə wi kə tə a loʼ kədə̀ŋ! Nyisa wù wey tə â dza naŋa nə̀ i tûm bənu n dii daʼa key tə khənə, N təŋkey, vəətsəə ghey ghə â teynə n sə kə Zə̀ kə saa, sɔʼɔ zeeli kəwɔɔ tə̀ waazə a saa ghə n tsə tə nsə n tsuʼu tə, Ghə n tən maʼa shi wi idəŋ.