Lukas 24:6 - Kaa n Kəzə̀ n fəghə mə

⁶ Tə way fa, tə n zhim nə̀ ivə. Ghaa moʼlə kənu ghəə ghey tə â dza nə̀ n nəŋə zey tə â nam loʼnə ghi ghaa n Galili ə?

Lukas 24:6 Mawu Ofanana

Matyo 12:40

N təŋkey, tə̀ Jona â doʼonə n nəghə wə itsəghə nə ntsuʼu ntəghə, Waa Weynum î doʼlə soʼo ntsuʼu ntəghə n fə̀ŋ ə ghəlikətsə.

Matyo 16:21

Sey ni zey tsu n nəŋə i tii zə, Yeso n kaʼ ni dza tə̀ ngəd tə wi tə nə̀, “N khə ni teeli ndòw n Yerosalem, mə i fəghə n wɔɔ kə ngəd tə inaʼ tə, ghə fɔɔngili a nii ghə, nsə ghə̂ a dii a kəlaŋ ghə. Ghə i wey mə, a i bə n bam zə ntsuʼu ntəghə Zə̀ kə i zhəm dzəŋŋə bə mə nə ivə.”

Matyo 27:63

Ghə n dza tə̀ wi nə̀, “Mûkəbii, a nam moʼlənu nə̀ wù badla wə aghəə wey â dza naŋa zey n nəŋə zey tə â nam loʼnə utaw nə̀, ‘A i bə nə ntsuʼ ntəghə, Zə̀ kə i zhəm dzəŋŋə bə mə nə̀ ivə.’

Matyo 28:6

Tə way fa, tə n zhəm dzəŋŋə nə ivə tə̀ tə â dzanə. Bə koʼo na luʼu key ghə â nyəŋi naŋanə vən i wi zə tii.

Malakus 16:6

Tə n dza ndòw tə̀ ghə nə̀, “Kə̂ ghaa nə tsəŋənə, ghaa kəŋə Yeso wù Nazaled wən ghə â baanə wi n zat kə fəkaʼ ə? Tə mâ zhəm nə ivə, tə kəm way dzə fa. Koʼo na luʼu wey ghə â nyəŋi naŋanə wi tii.

Malakus 8:31

Yeso n kaʼ ndòw ni dii aghəə tə̀ ngəd tə wi tə nghee tə̀ tə khənə ni fəghə, dza tə̀ ghə nə̀, “Waa wù sɔŋtsuʼ khə ni koʼ ndəmə uchɔd, ngəd tə inaʼ, ghə fɔɔngili a nii ghə, nsə ghə̂ a dii a kəlaŋ ghə i tuu maʼa wi. Ghə i wey wi, a i bə tsuʼu n tsəghə tsunə ntəghə, tə i zhəm dzəŋŋə bə nə ivə.”

Lukas 24:34

Dzûmə tey n dza bə tə̀ ghə nə̀, “Ndzəm, ndzəm, Mûkəbii n zhəm nə ivə. Tə ma dii wû u wi wə̀ tə̀ Shimun.”

Lukas 24:5

Ghə n taa tsəŋ, kùm naŋa tsu tow u ghə aghəd. Ghə̂ a tii ghə n bəb tə̀ ghə nə̀, “A loʼ kee ghaa kəŋə bənə wù nə tə loʼ utaw n fəŋŋə kə ghə̂ a kpuu ghə ə?

Lukas 9:22

Tə n kəm dza tə̀ ghə nə̀, “Waa Weynum i teeli fəʼlənu, n ndəmə tə aghə̂, tə̀ ngəd, ghə fɔɔngili a nii ghə, n ghə̂ a dii ghə ulaŋ ghə i tuu maʼa tsu wi, ghə i wey wi, tə i kəm zhəm dzəŋŋə bə nə ntsuʼ ntəghə.”

Lukas 9:44

“Kə ghaa nə neyzəənə ghəə zən n ndza n dza bə tə̀ ghaa nya, ghə nə ney tsəʼlə ndòw Waa wù sɔŋtsuʼ n wɔɔ kə ghə̂ a bwû ghə.”

Kəfwaʼ 2:24

Zə̀ kə n kee zhəm dzəŋŋə bə wi nə ivə, bəghəshi bə wi n wɔɔ kə ivə, n təŋkey, və zə â ndɔm way ni kwu naŋa wi.

2 Tesalonika 2:5

Moʼlə tsu na nə̀ n ma ghəə ghən tə̀ ghaa dza n nəŋə zey mə â loʼnə ghi ghaa.