Lukas 24:44 - Kaa n Kəzə̀ n fəghə mə

⁴⁴ Sey tə n dza ndòw tə̀ ghə nə̀, “À wən loʼ ghəə ghey mə â dza naŋanə tə̀ ghaa n nəŋə zey mə â nam loʼnə ghi ghaa nə̀, aghəə adzəm khə ni bə doʼo tə̀ ghə â tɔ̀ɔ naŋanə kûm mə n laŋ u Mushi, ghəə ghey tûm tə Kəzə̀ tə̀ â naʼanə, nsə n maʼlə kə Sams.”

Lukas 24:44 Mawu Ofanana

Matyo 1:22

Ghəə ghən â shi ni ghəŋə nə̀ ghəə ghey Yawe â naʼa naŋanə tə̀ tûm tə wi tə, a bə shi isəŋə nə̀,

Matyo 16:21

Sey ni zey tsu n nəŋə i tii zə, Yeso n kaʼ ni dza tə̀ ngəd tə wi tə nə̀, “N khə ni teeli ndòw n Yerosalem, mə i fəghə n wɔɔ kə ngəd tə inaʼ tə, ghə fɔɔngili a nii ghə, nsə ghə̂ a dii a kəlaŋ ghə. Ghə i wey mə, a i bə n bam zə ntsuʼu ntəghə Zə̀ kə i zhəm dzəŋŋə bə mə nə ivə.”

Matyo 26:54

A kee loʼ nə̀, abə n ghəŋə tsunə sey, ghə i way ni luulə ghəə ghey a tɔ̀ɔ doʼonə n màʼlə K-a-zə̀ nə̀ a khə ni teeli shi.”

Matyo 26:56

À kee loʼ nə̀, ghəə ghən a shi ni luulə ghəə ghey tûm tə Kəzə̀ tə â tɔ̀ɔ naŋanə n màʼlə K-a-zə̀.” Sey, ngəd tə wi tədzəm n tyi naŋa taʼa tsu wi.

Malakus 9:31

boʼnə tə â bwey dii ndow ngəd tə wi n ghəə ghə n jìi dza nə̀, “Ghə i ney fuu tsəghə ndòw Waa Wù sɔŋtsuʼ tə̀ ghə̂ ghey ghə i weynə wi. A i bə nə ntsuʼu ntəghə, tə i zhəm dzəŋŋə bə nə ivə.”

Lukas 21:22

Təŋkey a wən loʼ nəŋə i zow i ngoʼ zə, ni luulə ghəə ghey ghə tɔ̀ɔ naŋanə n màʼlə K-a-zə̀.

Lukas 22:37

Kùm nə nəŋə zə n kpi tə ghə zey i tɔ̀ɔ doʼo n màʼlə K-a-zə̀ bòʼ mə nə̀, ‘Ghə â təm naŋa dzəŋi wi ghi ghə̂ a bəbə ghə’ ni ney kəbənə. Boʼnə, ghə zey i tɔ̀ɔ doʼonə n màʼlə K-a-zə̀ bòʼ mə̀ khə ni kuʼlə bə shi.”

Lukas 24:46

Tə n dza tə̀ ghə nə̀, “Ghə tɔ̀ɔ naŋa n màʼlə K-a-zə̀ nə̀ wù wən Zə̀ kə â dza naŋa nə̀ i tûm bənu, teeli khə ni koʼ uchɔd, ghə i wey wi, tə i zhəm dzəŋŋə bə nə ivə n bam zə ntsuʼu ntəghə.

Lukas 9:22

Tə n kəm dza tə̀ ghə nə̀, “Waa Weynum i teeli fəʼlənu, n ndəmə tə aghə̂, tə̀ ngəd, ghə fɔɔngili a nii ghə, n ghə̂ a dii ghə ulaŋ ghə i tuu maʼa tsu wi, ghə i wey wi, tə i kəm zhəm dzəŋŋə bə nə ntsuʼ ntəghə.”

Lukas 9:44

“Kə ghaa nə neyzəənə ghəə zən n ndza n dza bə tə̀ ghaa nya, ghə nə ney tsəʼlə ndòw Waa wù sɔŋtsuʼ n wɔɔ kə ghə̂ a bwû ghə.”

Tùm i dzuŋu zə kuum Yeso Klisto tə Jɔn â tɔɔnə 3:14

Nghee tə̀ Mushi â ney khəə naŋa kɔʼnə zuu n mbaŋ n mbvən ə ntsaŋ, a loʼ ighələ ghə î ney naŋa kɔʼɔnə Waa Weynum

Tùm i dzuŋu zə kuum Yeso Klisto tə Jɔn â tɔɔnə 5:39

Ghaa ndəmi iwû ni tɔŋɔ màʼlə K-a-zə̀ n təŋkey, ghaa moʼlə nə̀ abə ghaa ndəŋ tɔŋɔ kɔʼnə sey ghaa i keeli ghəə zey ghaa khə ni teeli ghəŋə ni keeli muu zə itsali zə, loʼ sey nə̀ màʼlə K-a-zə̀ kən ghaa tɔŋŋənə baa tiilə dza bə aghəə bòʼ mə.

Tùm i dzuŋu zə kuum Yeso Klisto tə Jɔn â tɔɔnə 5:46

Abə ghaa mə ndzəmə bəghəmnə tə̀ Mushi, ghaa mə bəghəm soʼo tə̀ mə̀, kuumnə ghəə ghey Mushi â tɔ̀ɔ naŋanə, tə â tɔ̀ɔ naŋa ghəə ghuŋ.

Kəfwaʼ 13:33

Tə n luulə təb kə tii kə tə saa ghən saa loʼnə waa a waa a ghə ghə nghee tə zhəm dzəŋŋə bənə Yeso nə ivə. I tɔ̀ɔ doʼo n maʼlə kə təndzaŋa nə ukə̀m ubəghə nə̀, ‘Wə loʼ waa wuŋ, ni ney nuu tsu na, n nya loʼ bày wə.’

Kəfwaʼ 13:40

Ney na ghə̂mə zə nə̀ kə ghəə ghən ghə̂ a tûm tə Kəzə̀ tə â naʼanə nə doʼlənə isəŋə n kôw ghaa. Ghə â naʼa naŋa nə̀,

Kəfwaʼ 2:27

N təŋkey wə i tûmmə naŋa way vən fə uwû fuŋ fə n naʼ zə ivə, Wə i bəghəm soʼo way nə vən i waa wə u dzuŋu wə i fway nə isay.

Kəfwaʼ 3:18

À loʼ nə̀, à wən loʼ jìi zey Zə̀ kə neynə ni luulə ghəə ghən tə â naʼa naŋanə n wɔ tûm tə wi tə tədzəm nə̀, wù wi wey tə â dza naŋa nə̀ i tûm bənu khə ni teeli fəghə.

Kəfwaʼ 7:37

À wən loʼ Mushi wən tə â dza tə ghə̂ ghə Izree ghə nə̀, ‘Zə̀ kə i tûm bə ghaa n wù tûm Kəzə̀ ighələ tə̀ tə â tûm bənə mə. Wù tûm Kəzə̀ ə tii i shiə kɔʼɔ kə n fəŋŋə kə ghaa.’

Hibru 10:1

Laŋ kə maŋa dii bə nyaŋi fə ghəə a dzuŋu ghey ghə i bəghənə, kə dii may bə dzə way nghee tə̀ ghəə a dzuŋu a tii a baa loʼnə tii. À wən loʼ ghə i tii zə maʼlə u mɔʼɔ wən ghə fəələnə num tənum, way ni ghəŋə nə̀ ghə̂ ghən ghə bəghənə n səə Kəzə̀, nə̀ ghə doʼo nə̀ ghə khə way bwù i loʼ zə.

Hibru 3:5

Mushi â fwaʼ dzɔbnu fwaʼ kə wi kə tə̀ a loʼ wù kəfwaʼ n dzəŋi kə dzûmə tə Klisto, tə n dza naŋa zey bə ghəə ghən Zə̀ kə â khə ni nam bə dza.

Hibru 7:1

Mekisedek â loʼ kədə̀ŋ n naʼ i Salem, tə n loʼ soʼo fɔɔngili tə Zə̀ kən kə tsəghəshinə fə wə udzəm. Nghee Abraham dzəŋŋə bənə nə̀ tə n təm zə̂ də̀ŋ wə ukaykə n tsam, Mekisedek n kpiilə bə ghi wi n jìi, buulə tsu wi.

Hibru 9:8

Jìi zey fə wən a bayyə doʼonə tii udzəm, Zay kə Zow kə dii may bənu nə̀, jìi ni nyi tɔɔlə ndow n luʼu kən kə zow tsəghənə luʼu tə tədzəm fìi doʼonu abə ghə nam ngɔɔmənə Zə̀ kə n dzuu i sə isə zey nə kəfəə.

1 Pita 1:11

Ghə n dəm tsu ni kəŋ keeli shi kɔʼ nəŋə i tii zə nsə jìi zey ghəə a tii ghə i neynə bənə kə. Â wən loʼ nəŋə zey Zay kə Klisto key kə loʼnə n kow ghə â dii naŋa ndownə ghə nghee wù wən Zə̀ kə â dza naŋa nə̀ i tûm bənu, i bə fəʼlənə tii nsə kɔʼlə mey tə i bə keelinə.

Chi dii 19:10

Mə n bwu ndow n tənə fuu i wi ni ngɔɔmə wi. Tə n fəd dza tə mə nə̀, “Ngaŋ ka ghəŋə sey! N loʼ soʼo wù kəfwaʼ tə a loʼ wɔ ghi ghə̂ ghən ghə bəghəmnə tə̀ Yeso. I ngɔɔmə Zə̀ kə! Boʼnə à loʼ Zay kə Zow kə, kə chi dii ghəə ghə tə̀ tûm tə Kəzə̀ tə kuum Yeso.”