Lukas 24:27 - Kaa n Kəzə̀ n fəghə mə

²⁷ Sey, ni zey tsu n laŋ wey Mushi â tɔ̀ɔ naŋa nə̀, ney may bə tûm tə Kəzə̀ tədzəm, tə n tiilə kɔʼ bə ghəə ghey ghə â tɔ̀ɔ naŋŋənə n màʼlə K-a-zə̀ kûm wi.

Lukas 24:27 Mawu Ofanana

Malakus 4:34

Nəŋə i loʼ i way Yeso â diinə ghə̂ ghə, nə̀ tə ka dza n ghɔɔmə i fənkəfən. Ambə tə loʼ kənə ghi ngəd tə wi tə, tə n tiilə dza ndòw tə̀ ghə ghəə zey i diinə.

Lukas 24:25

Yeso sey dzanu tə̀ ghə nə̀, “Ghə̂ a laʼlə! I sa tsəghəshiə ghaa ni keeli fə̀ŋ ni bəghəm ghəə ghey tûm tə Kəzə̀ tə â tɔ̀ɔ naŋanə ə?

Lukas 24:44

Sey tə n dza ndòw tə̀ ghə nə̀, “À wən loʼ ghəə ghey mə â dza naŋanə tə̀ ghaa n nəŋə zey mə â nam loʼnə ghi ghaa nə̀, aghəə adzəm khə ni bə doʼo tə̀ ghə â tɔ̀ɔ naŋanə kûm mə n laŋ u Mushi, ghəə ghey tûm tə Kəzə̀ tə̀ â naʼanə, nsə n maʼlə kə Sams.”

Tùm i dzuŋu zə kuum Yeso Klisto tə Jɔn â tɔɔnə 1:45

Filip n bə koʼ bə Natanyə, dza tə̀ wi nə̀, “Ghey n koʼ wù wey Mushi â tɔɔnə bòʼ wi n màʼlə K-a-laŋ, wù wey Tûm tə Kəzə̀ tə â tɔ̀ɔ soʼonə bòʼ wi. A loʼ Yeso wù Nazaled wən ghə tɔŋŋənə bày nə̀ a loʼ Yosef.”

Tùm i dzuŋu zə kuum Yeso Klisto tə Jɔn â tɔɔnə 12:41

Ayzaya â dza sey kùm nə̀ tə mâ koʼ zey ghaʼ i Yeso zə, tə n dza naŋa bə aghəə bòʼ wi.

Tùm i dzuŋu zə kuum Yeso Klisto tə Jɔn â tɔɔnə 5:37

Bày wən tə tûmnə mə̀ təmi tiilə soʼo bòʼ mə. Ghaa ka kam koʼ koʼ tsə wi, ghaa ka kam zow koʼ soʼo dzə̂ ə wi.

Tùm i dzuŋu zə kuum Yeso Klisto tə Jɔn â tɔɔnə 5:39

Ghaa ndəmi iwû ni tɔŋɔ màʼlə K-a-zə̀ n təŋkey, ghaa moʼlə nə̀ abə ghaa ndəŋ tɔŋɔ kɔʼnə sey ghaa i keeli ghəə zey ghaa khə ni teeli ghəŋə ni keeli muu zə itsali zə, loʼ sey nə̀ màʼlə K-a-zə̀ kən ghaa tɔŋŋənə baa tiilə dza bə aghəə bòʼ mə.

Kəfwaʼ 10:43

Tûm tə Kəzə̀ tədzəm tə mâ ghɔɔmə bòʼ wi dza nə̀ ghə̂ ghey ghə bəghəm nə tə wi, Zə̀ kə i neyzəənu ghəə a ghə a bəbə ghə n bam i zəd i wi.”

Kəfwaʼ 3:18

À loʼ nə̀, à wən loʼ jìi zey Zə̀ kə neynə ni luulə ghəə ghən tə â naʼa naŋanə n wɔ tûm tə wi tə tədzəm nə̀, wù wi wey tə â dza naŋa nə̀ i tûm bənu khə ni teeli fəghə.

Kəfwaʼ 3:22

Mushi mâ dza nə̀, ‘Mûkəbii, Zə̀ kə ghaa, i say kɔʼɔ wù tûm ə wi n fəŋŋə kə ghaa tə̀ tə â sàynə mə. Ghaa khə ni teeli zow ghəə ghey adzəm tə dzanə tə ghaa.

Kəfwaʼ 3:24

Ndzəm ndzəm, tûm tə Kəzə̀ tədzəm, ni ney nuu bə n kow Samwel, ghə mâ naʼa zey ghəə ghən a shiənə n tsuʼu n mən.

Kəfwaʼ 7:37

À wən loʼ Mushi wən tə â dza tə ghə̂ ghə Izree ghə nə̀, ‘Zə̀ kə i tûm bə ghaa n wù tûm Kəzə̀ ighələ tə̀ tə â tûm bənə mə. Wù tûm Kəzə̀ ə tii i shiə kɔʼɔ kə n fəŋŋə kə ghaa.’

Kəfwaʼ 8:35

Filip n kaʼ tsu ghɔɔmə i wi n luʼu key tə mə tɔŋɔnə n màʼlə K-a-zə̀ kə tii, naʼa ndow tûm i dzuŋu zə bòʼ Yeso tə wi.

Chi dii 19:10

Mə n bwu ndow n tənə fuu i wi ni ngɔɔmə wi. Tə n fəd dza tə mə nə̀, “Ngaŋ ka ghəŋə sey! N loʼ soʼo wù kəfwaʼ tə a loʼ wɔ ghi ghə̂ ghən ghə bəghəmnə tə̀ Yeso. I ngɔɔmə Zə̀ kə! Boʼnə à loʼ Zay kə Zow kə, kə chi dii ghəə ghə tə̀ tûm tə Kəzə̀ tə kuum Yeso.”