Lukas 23:5 - Kaa n Kəzə̀ n fəghə mə

⁵ Ghə n mgbay kənu dza, “Tə dii kaabənə aghəə, ghəə a tii ghə a teyyə naŋa kɔʼ naʼ i Judeya zə idzəm nə ifuu. Tə â kaʼ n Galili, dii sa bə kûm bə fa.”

Lukas 23:5 Mawu Ofanana

Matyo 11:1

Ambə Yeso dza may tsunə ghəə ghə tə̀ ngəd tə wi tey ighəm n ghii tə təbəghə, tə n zəghə tsu naʼ zey, bwey ndòw naʼa tə̀ naʼa n mboʼ i tii zə, dii ndòw aghə̂ naʼlə ndòw soʼo ghəə a Kəzə̀.

Matyo 2:1

Ghə â ji Yeso n naʼ i Betelehem n mboʼo Judeya. Â loʼ n nəŋə zey Helɔd â loʼnə də̀ŋ kə tii. Ghə̂ a tɔbə à loʼ ghə n zə̀ghə tsu naʼ i ghə n bad key nyi i shiə kɔʼɔ bənə tii, nyi bə n Yerosalem. Ghə n bəbə bə nə̀,

Matyo 27:24

Ambə Pilato koʼ tsunə nə̀ ghə i loʼ i bwey way, nə̀ a kɔʼɔ bə uchɔd, tə n ney kɔʼ mmuu sow kɔʼ wɔɔ a wi n sə̂ kə nɔɔ kə aghə̂ key, dza tə̀ ghə nə̀, “Wɔɔ ghuŋ a way dzə n və i wù wən, a khə kə ghaa.”

Matyo 4:23

Yeso n bwey ngəə tsəghə ndòw mboʼo Galili idzəm, dii ndòw aghəə n Ndaw tə udzəŋi tə ghə̂ a Təjuu, naʼlə ndòw soʼo Tûm i dzuŋu zə bòʼ Fɔɔ u Kəzə̀, baŋŋə ndòw lii tə tədzaŋa tə tədzəm n kow ghə̂ ghə.

Malakus 1:14

Ambə ghə bə kwu kɔʼ Jɔn, fìi naŋa ndow wi n ndaw tsaʼ, Yeso n nuu nyi ndow n mboʼo Galili, naʼlə ndòw tûm Kəzə̀ i dzuŋu zə dza nə̀,

Lukas 11:53

Nghee tə̀ Yeso nuu tsunə fu, ghə̂ a tə Falasi nsə ghə̂ a dii ghə ulaŋ ghə n zey ndòw ni ngii sənnə ghɔɔmə i wi, sɔ̀ʼlə kaabə tsə wi nə təghɔɔmə,

Lukas 23:23

Ghə n nam buʼu nay shiə kɔʼɔ kə n mbɔŋ dza nə̀ ghə baa wi n zat kə fəkaʼ. Sey ghə n saʼ zə i kɔʼ n mbɔ̀ŋ n ghə mey.

Lukas 23:6

Nghee tə̀ Pilato zow tsu nə sey, tə n bəb tsu nə̀, “Wù wən loʼ wù Galili ə?”

Tùm i dzuŋu zə kuum Yeso Klisto tə Jɔn â tɔɔnə 1:43

Tsətsə wey, Yeso n ghəŋə kɔʼ fə̀ŋ ə wi ni ndòw n Galili. Tə n ndòw koʼ tsu Filip dza tə̀ wi nə̀, “Dzûmə bə mə.”

Tùm i dzuŋu zə kuum Yeso Klisto tə Jɔn â tɔɔnə 19:15

Ghə n taw shiə kɔʼɔ kə n dzə̂ tə nə̀, “Wey wi, wey wi, baa wi n zat kə fəkaʼ!” Pilato n bəb tə̀ ghə nə̀, “Ghaa ləghə nə̀ n baa də̀ŋ kə ghaa n zat kə fəkaʼ a?” Ghə fɔɔngili a nii ghey n beeli ndow wi nə̀, “Ghey kəm khə way də̀ŋ kə loʼ kə, a may kə Kaysa.”

Tùm i dzuŋu zə kuum Yeso Klisto tə Jɔn â tɔɔnə 2:11

À wən loʼ tsəə ə Yeso i sə̂ isə zə tə â ghəŋənə n naʼ i Kana n mboʼo Galili. Â loʼ soʼo fu ngəd tə Yeso tə â koʼnə daʼa kə wi kə, sey, ghə n bəghəm fuu tə̀ wi.

Tùm i dzuŋu zə kuum Yeso Klisto tə Jɔn â tɔɔnə 7:41

Ghə̂ a loʼ ghə n dza, “Tə loʼ wù wən Zə̀ kə â dza naŋa nə̀ i tûm bənu.” A loʼ ghə n kee dza, “Wù wey Zə̀ kə â dza naŋa nə̀ i tûm bənu, way dzə ni shi n Galili.

Tùm i dzuŋu zə kuum Yeso Klisto tə Jɔn â tɔɔnə 7:52

Ghə n beeli ndòw wi nə̀, “Wə shi soʼo n Galili ə? Tɔʼɔ kəŋ shi kɔʼ n màʼlə K-a-zə̀, wə i koʼ tsu nə̀ Wù tûm Kəzə̀ u loʼ u nə shi koʼ way n Galili.”

Kəfwaʼ 10:37

Ghaa khənu ghəə a səŋi ghey ghə â neynə bənə kə n naʼ i Judeya idzəm, ni ney nuu tsu n Galili nghee Jɔn â naʼa may tsunə tûm nə̀ ghə̂ a kweyyə nuu bə fə̀ŋ tə ghə n ghəə a bəbə ghə, ghə ney mmuu n Kəzə̀.

Kəfwaʼ 23:10

Ambə ndəm kə tii kə taw kɔʼ dzəŋi tsunə, tow kə təsawgoʼ wey n tsəŋə nə̀ ghə loʼ ni ney saalə tsu Pɔl nə usat. Tə n tsəʼlə tsu kəlaŋ tə̀ sawgoʼ tə nə̀ ghə tsu ney nuu kɔʼ wi nə kədaʼa n fəŋŋə kə ghə, ghə kɔʼ bə nə kəbali.

Kəfwaʼ 5:33

Ambə ghə̂ a ndaw tsə ghey zow tsunə sey, fə̀ŋ tə n fə nay ndow ghə tii, ghə n ləghə ni wey ngəd tə Yeso.

Kəfwaʼ 7:54

Ambə ghə̂ a ndaw tsə a zow tsu ghəə ghən Sətifən dzanə, ghə n ngii fəələ n fə̀ŋ tə, tsowwə asɔŋ n kow wi.

Kəfwaʼ 7:57

Ambə tə ghɔɔmənə sey, ghə n bɔ̀m naŋa tsu tuŋŋə u ghə, kaʼ ndow ni buʼlə mbɔŋ, dzəŋi kwɔ̀ɔ ndow n səə wi.