Lukas 23:4 - Kaa n Kəzə̀ n fəghə mə

⁴ Sey, Pilato n dza ndòw tə̀ ghə fɔɔngili a nii ghey nsə nɔ̀ɔ kə aghə̂ key nə̀, “N ka kòʼ dzə ghə i bəbə i loʼ zə wù wən ghəŋŋə tə n loʼ ni saʼ wi.”

Lukas 23:4 Mawu Ofanana

Matyo 27:19

Nghee tə̀ Pilato nam doʼnə n kuu key tə doʼlənə tii ni saʼ aghə̂, wey wi n tûm bə tûm tə̀ wi nə̀, “Kə wə̀ nə ghəŋŋənə ghə i bəbə zə n kow wù wey, n təŋkey, wɔɔ a wi a zownu. Jim u mə bə mə na, n jim u tii wə, mə n ngii fəghənə bòʼ wi.”

Malakus 15:14

Pilato n bəb tə̀ ghə nə̀, “N kee? Tə ghəŋə ghə i bəbə i ghaa zə.” Ghə n fədlə buʼu shiə kɔʼɔ kə nbɔŋ nə̀, “Baa na wi n zat kə fəkaʼ.”

Lukas 23:22

Pilato n kəm ghɔɔmə ndòw tə̀ ghə ni ghəŋə tənəŋə tətəghə dza nə̀, “Ghaa dza nə̀ n wey wi nə à loʼ kee? À loʼ ghə i bəbə i ghaa zə tə ghəŋənə ə? N kà koʼ dzə ghə i bəbə i loʼ zə tə ghəŋənə tə̀ a loʼ ni wey wi. Sey, n chɔdlɔ tsu wi, n zəghə maʼa wi.”

Tùm i dzuŋu zə kuum Yeso Klisto tə Jɔn â tɔɔnə 18:38

Pilato n bəb tə wi nə̀, “Isəŋə loʼ kəkee?” Nghee Pilato bəb tsu sey, tə n daŋŋə nuu shi kpiʼi ndow a bii n səə ghə̂ a Təjuu ghə, dza tə̀ ghə nə̀, “N ka koʼ ghə i loʼ zə wù wən ghəŋə bəəbənə.

Kəfwaʼ 25:25

Mə n laalə tsunə saʼ a tii, koʼ nə̀ tə ka ghəŋə dzə ghə i bəbə i loʼ zə tə ghə loʼ ni wey wi tii. Nghee tə ndzɔʼ dza bə dzə n wû u wi wə nə a tûm ndow saʼ a wi tə də̀ŋ kə Rom kə, mə n dza nə̀ n tûm ndownu wi fu.

Kəfwaʼ 3:13

Zə̀ kə Abraham, Zə̀ kə Ayzik nsə Zə̀ kə Yakɔb kə, tɔŋɔ Zə̀ kən ghə bày a saa ghə â kɔʼlənə, n kɔʼlə naŋa wù kəfwaʼ a wi Yeso. À loʼ Yeso wən ghaa â fuu tsəʼlə ndownə nə̀ ghə wey wi. Ghaa mâ wi tuu maʼa n sə kə Pilato loʼ sey nə̀ Pilato mâ tsə̀m ni zəghə maʼa wi.

Hibru 7:26

Yeso sey loʼ fɔɔngili u nii nii wən tə kɔʼ kpiinə ni laalə ghəə a saa ghə. Tə u zow, khə way bwu zə nkee bəb i loʼ zə n kow wi. Zə̀ kə a ney nuu shi kɔʼ wi n fəŋŋə kə ghə̂ a bəbə ghə, kɔʼlə naŋa kɔʼ wi idəŋ.

1 Pita 1:19

Ghə â fəd kuum nuu shi bə tow u ghaa n kɔb kə kaŋ tə Klisto tən ghə fəələnə n zat kə fəkaʼ, tə a loʼ kaŋ tə waa njì zən ghə fəələnə nə̀ i khə way fəmmə kə loʼ kə khə soʼo way dzə u loʼ wə n kow wi.

1 Pita 2:22

Tə â ka ghəŋə koʼ tsə ghə i bəbə i loʼ zə, tə n ka bad koʼ tsə soʼo aghəə.

1 Pita 3:18

N dza sey n təŋkey, Klisto â kpu kə nəŋə imɔʼ ni ney nuu tən ghəə a ghə̂ a bəbə ghə adzəm. Tə â ka ghəŋə koʼ tsə ghə i bəbə i loʼ zə, tə n kee bə kpu n tow u ghə̂ a bəbə ghə, sey nə̀ tə loʼ ni ney bə saa tə̀ Zə̀ kə. Ghə â wey wi nə̀ tə loʼ wù sɔŋtsuʼ, Zay kə Zow kə n kee ghəŋə nə̀ tə doʼo dzəŋŋə bə utaw,