Lukas 23:2 - Kaa n Kəzə̀ n fəghə mə

² Ghə n kaʼ ni bàŋ dzuu i wi dza, “A kwu wù wən tə tsə̀ə bəəbənə ghə̂ a naʼ i Təjuu ghə nə kə ghə nə̀ tsownə màʼlə kə tə̀ Kaysa, tə tɔŋŋə soʼo wû u wi nə̀ i loʼ wù wən Zə̀ kə â dza naŋa nə̀ i tûm bənu, dii tsu nə tə loʼ Kədə̀ŋ.”

Lukas 23:2 Mawu Ofanana

Matyo 17:27

N ləghə way nə̀ ghə fəələ n fə̀ŋ ghi saa. Sey, ndòw nə inyi, wə̀ say ndòw saʼ fə kwɔɔ fə tətsəghə fə, tsəghə i sə̂ i sə zey wə î kwɔɔ kɔʼɔnə, wə i chi kɔʼ dzuu wi, wə koʼ tsu ukhəə tii wə i kpiinə ni tsow màʼlə kə nsə kə kuŋ kə. Wə i ney kɔʼ, wə fuu ndow tə̀ ghə tə̀ a loʼ tsow zə nsə i zuŋ zə.”

Matyo 22:21

Ghə n dza, “À loʼ tum usə u Siza nsə zəd i Siza zə.” Sey tə n dza ndòw tə̀ ghə nə̀, “Fuu ndòw na fə̂ key kə loʼnə kə Siza kə tə̀ Siza, ghaa fuu ndòw soʼo fə̂ key kə loʼnə K-a-zə̀ kə tə̀ Zə̀ kə.”

Matyo 27:11

Nya, Yeso n tey n sə̂ kə Pilato tə â loʼnə Gɔvənɔ. Pilato n bəb ndòw tə̀ wi nə̀, “Wə loʼ Də̀ŋ kə ghə̂ a Təjuu ə?” Yeso n beeli kɔʼ nə̀, “I loʼ tə̀ wə dzanə.”

Malakus 12:17

Sey Yeso n dza tə̀ ghə nə̀, “Fuu na tə̀ Kaysa fə wey u loʼnə u wi wə, ghaa fuu ndòw tə̀ Zə̀ kə fə wey u loʼnə u wi wə.” Dzuu zə n ngii zum ghə n jìi zey tə a beelinə ghə tii.

Malakus 15:2

Pilato n bəb tə̀ wi nə̀, “Wə loʼ də̀ŋ kə ghə̂ a Təjuu ə?” Yeso n dza nə̀, “I loʼ tə̀ wə dzanə.”

Lukas 23:14

Tə n dza tə̀ ghə nə̀, “Ghaa ney bə wù wən fa n səə mə̀, dza tə̂ tsə̀ə bəəbə aghə̂ nə inaʼ, nya, mə n ghəə a wi ghə saʼ n sə kə ghaa, mə n koʼ tsunə nə̀ tə̂ kà ghə i loʼ i ghəŋə bəəbə dzə n ghəə ghən ghaa taŋŋə kɔʼ bənə.

Lukas 23:5

Ghə n mgbay kənu dza, “Tə dii kaabənə aghəə, ghəə a tii ghə a teyyə naŋa kɔʼ naʼ i Judeya zə idzəm nə ifuu. Tə â kaʼ n Galili, dii sa bə kûm bə fa.”

Tùm i dzuŋu zə kuum Yeso Klisto tə Jɔn â tɔɔnə 18:29

Sey, Pilato n shi koʼ bə ghə a bii, bəb tə̀ ghə nə̀, “Ghaa wù wən kwu nə̀ tə bəəbə kee?”

Tùm i dzuŋu zə kuum Yeso Klisto tə Jɔn â tɔɔnə 18:30

Ghə n beeli ndow wi nə̀, “Abə wù wən mə ka ghəŋə bəəbə, tə ghey mə ka ney bə dzə wi fa n səə wɔ.”

Tùm i dzuŋu zə kuum Yeso Klisto tə Jɔn â tɔɔnə 19:12

Ambə Pilato zow tsu sey, tə n kaʼ ni kəŋ jìi ni zəghə maʼa Yeso. Ngəd tə Təjuu tə n kee taw shiə kɔʼɔ kə n dzə̂ tə nə̀, “Abə wə zəghə maʼa tsu wù wən, à sey loʼ nə̀ wə ndɔm way dzə fə̂ ə Kaysa tə loʼnə də̀ŋ kə, n təŋkey, wù wey tə dza i loʼ kədə̀ŋ fa inaʼ sey zuulə baalə Kaysa.”

Kəfwaʼ 24:13

Ghə buʼ way soʼo ni dii ghəə zey ghə kwunə mə fa tii.

Kəfwaʼ 24:5

Ghey n koʼ nə̀ wù wən loʼ wù uchɔd. À loʼ wi tə soʼo kaabə tsənə chɔd wə n fəŋŋə kə ghə̂ a Təjuu fa n mbi idzəm. À loʼ soʼo wi tow kə n zəghə u loʼ wə ghə tɔŋŋə nə̀ a loʼ zəghə u Nazarin.

Roma 13:7

Sey, tsə nuu ndow ghə̂ ghey wə khə ghə n ndaŋ kə, nə à loʼ kə màʼlə kə tsow kə, tsow nuu ndow, nə̀ à loʼ kəmàʼlə wə khə ni tsow n bikiwən kən wə ghəŋŋənə, wə n tsow nuu i ndow. Wə khə ni buʼu wɔɔ ghə, fuu ndow ingɔɔmə tə ghə̂ ghey ghə loʼnə tow wə.