Lukas 22:29 - Kaa n Kəzə̀ n fəghə mə

²⁹ Ighələ tə̀ Bày wùŋ fuunə mə̀ n daʼa kə ni saʼ tə a loʼ kədəŋ, mə̀ i fuu soʼonu ghaa n daʼa kə nə ghaa i saʼ tə a loʼ udəŋ.

Lukas 22:29 Mawu Ofanana

Matyo 24:47

N kuum dza bə tə̀ ghaa nə̀, mûkəbii wən i naŋŋə wù kəfwaʼ wən nə̀ tə i laalə fə u wi wə udzəm.

Matyo 25:21

Mûkəbii wey n dza ndòw tə̀ wi nə̀, ‘Wə n fwaʼ dzɔb, wə loʼ wù kəfwaʼ u dzuŋu wə, wù loʼnu ni gaʼ fə̀ŋ n kow wɔ. Wə n kwu keeli dzɔb nyaŋi fən n mə fuunə tə̀ wɔ, sey mə î kɔʼlə naŋa kɔʼɔ wɔ, wə i laalə ndəmə ufə̂. Bə̀ doʼo tsu, wə i saŋŋə ghi mûkəbii wə.’

Matyo 25:34

Tə i daŋŋə dza ndòw tə̀ ghə̂ ghey n kpii u wi u təmə wə nə̀, ‘Bə na n səə mə, ghaa ghən ghaa loʼ nə̀ Bày wuŋ n ghaa buulə, bə zə̂ na fɔɔ u Kəzə̀ wən ghə â bayyə naŋa nə nzeyyə tə̀ ghaa nə̀ mbi ka kam kaʼ.

Matyo 28:18

Yeso n bə n səə ghə, dza tə ghə nə̀, “Zə̀ kə n fuu mə n daʼa kə ni saʼ fə wən udzəm u loʼnə idəŋ nsə fa a ghəlitsə.

Matyo 5:10

Buulə i loʼ tə̀ ghə̂ ghey ghə chɔdlɔnə ghə a dza ghə loʼ tsətsəghə, N təŋkey fɔɔ wə idəŋ u loʼ tə̀ ghə.

Matyo 5:3

Buulə i loʼ tə̀ ghə̂ ghey ghə koʼo keelinə nə̀ fə̀ŋ tə ghə tə taw way n sə̂ K-a-zə̀, N təŋkey, fɔɔ wə idəŋ u loʼ tə̀ ghə.

Lukas 12:32

Sey, kə̂ ghaa nə tsəŋənə, abə ghaa təbə kənə, n təŋkey Bày ngii duʼlənu ni fu ghaa n fɔɔ u wi.

Lukas 19:17

Tə n beeli ndow wi dza, ‘Wə loʼ wù kəfwaʼ u dzuŋu wə, n təŋkey, wə n laalə dzɔb nyanyi fə ufə fey mə â fu naŋa tə wɔ, sey, mə i naŋŋə wɔ tə a loʼ tsoʼ, wə i laalə kɔli tə ighəm.’

1 Kɔrint 9:25

I loʼ soʼo nə̀ ghə̂ ghey ghə nyəŋə baalənə ghə maʼlə tsu iwû ni naŋa kɔʼ ndow laŋ wey u laalənə ghəə â nyəŋə ghə. Ghə ghəŋŋə sey ni keeli kənaamə nə kə i doʼo tsuŋŋə way. Abə ghey, ghey kee nyəŋə ni keeli naamə key kə doʼlə tənə nə.

2 Kɔrint 1:7

Fə kə loʼ kə way kə loʼnə ni təʼlə maʼa fə̀ŋ zey ghey gaʼnə n kow ghaa n təŋkey, ghey khənu nə̀ nghee tə̀ ghaa fəʼlə dzəŋinə ghi ghey n chɔd mən ghey koʼonə, abə Zə̀ kə i tsəmmənə ghey, tə tsəmmə soʼonu ghaa.

2 Timoti 2:12

Abə saa tɔʼ kow tsunə fə̀ŋ tə, Saa i dzəŋi saʼa soʼo mbi ghi wi. Abə saa tuu maʼanə wi, Tə i tuu maʼa soʼo saa.

Jems 2:5

Zow na a waazə ghuŋ a dzuŋu ghə! N dza Zə̀ kə n mgbaŋ sày ghə̂ ghən ghə̂ a mbi a koʼnə nə̀ a loʼ ghə̂ a laa ghə nə̀ ghə doʼo tə a loʼ ghə̂ a kûm ghə bòʼ bəghəm i fə̀ŋ, ghə doʼo soʼo ghə̂ ghey ghə i zə̂ənə fə wən u loʼnə n fɔɔ wən tə â təb naŋanə tə̀ ghə̂ ghey ghə ləghənə wi ə?

1 Pita 5:4

Abə ghaa ghəŋŋənə sey, abə wù wey tə loʼnə tow kə n tə̀ ghə̂ a baʼa a tənjì ghə i bənə, tə i dzəŋi bə ghaa n taŋŋə kə fɔɔ key kə loʼ nə̀, jìi zey kə nyiəllənə tii, nyiəllə i tii i nə kwey koʼ way.

Chi dii 21:14

Ghə â bɔm mbàa naʼ i tii zə n tay a tsə kə ndaw ighəm n ghii tə təbəghə. Ghə tɔ̀ɔ naŋa tsəghə ndow zəd a ngəd tə Waa Nji tey ighəm n ghii tə təbəghə n tay a tii ghə.