Lukas 22:15 - Kaa n Kəzə̀ n fəghə mə

¹⁵ Tə n dza ndòw tə̀ ghə nə̀, “Mə â ngii mbuŋŋənu ni zə̂ Zə̂ kə taa zaʼa kə kən ghi ghaa tə̀ n sə̂ kaʼ ni fəghə.

Lukas 22:15 Mawu Ofanana

Lukas 12:50

A loʼ kə nə̀, N nam khə ndəm uchɔd ni koʼ isə tə̀ wù nə ney mmuu n Kəzə̀ mə n dzuu. Mə i sa loʼ kə nə imôw ni ndòw kùm n nəŋə zey zə maynə tii.

Lukas 22:14

Ambə nəŋə i tii i kpii tsunə, Yeso n doʼo ndòw n bənə kə wi nə kəbaŋŋə ghi ngəd tə wi tə.

Lukas 22:16

Tə̀ n dza bə nə tə̀ ghaa nya, n nə̂ kə̀m way ni zə̂ kuulə zə̂ kən, a may kə nə zə̂ kə tii kə n doʼo may bə n fɔɔ u Kəzə̀.”

Tùm i dzuŋu zə kuum Yeso Klisto tə Jɔn â tɔɔnə 13:1

N tsuʼ fey Zə̂ kə taa zaʼa kə bwu bweelinə tii, Yeso n khə zey nə̀ nəŋə zə n kpii tə̀ wi ni zəghə maʼa mbi zən, tə ndow dzəŋŋə n səə Bày. Yeso â ngii ləghə ghə̂ ghən tə â loʼnə ghi ghə fa n mbi, tə n dii may tsu ləghə i wi tə̀ ghə ni ndow kùm n tsuʼ fey tə khə ni zəghə ghə.

Tùm i dzuŋu zə kuum Yeso Klisto tə Jɔn â tɔɔnə 17:1

Ambə Yeso ghɔɔmə may tsu ghəə ghən, tə n bwùm laalə kɔʼ ndow kədəŋ, kaʼ ndow ni gɔŋŋə nə̀, “Bày, nəŋə zə n kpi nya tə̀ wɔ ni ghəŋə nə̀ ghə̂ a koʼ kɔʼlə mey waa wə khənə, tə̀ tə ney bə wɔ n kɔʼlə mə a Bày.

Tùm i dzuŋu zə kuum Yeso Klisto tə Jɔn â tɔɔnə 4:34

Yeso n dza ndòw tə̀ ghə nə̀, “Fəzəə wuŋ u loʼ ni fwaʼ fwaʼ key wù wey tə tûm bənə mə, ləghənə nə̀ n fwaʼ, nsə ni mayyə fwaʼ key tə fuunə tə̀ mə nə̀ n fwaʼ.