Lukas 21:8 - Kaa n Kəzə̀ n fəghə mə

⁸ Yeso n beeli ndow ghə dza, “Ney na ghə̂mə zə kə̂ ghə nə nəbənə ghaa. Təŋkey ndəmə aghə̂ nə bəghənu n zəd zuŋ, ghə nə dza nə̀ ghə fwaʼa n daʼa kuŋ, ghə nə dza tə ghaa nə̀, ‘A loʼ mə wù wey ghə̂ a ləmmə nə̀, nəŋə zə n shɔd.’ Kə̂ ghaa nə dzûmə nə ghə.

Lukas 21:8 Mawu Ofanana

Matyo 24:11

Ndəmə tûm tə Kəzə̀ tə tsɔŋɔ tə nə̂ kɔʼɔ bə, ghə nə̂ sìi laʼ ndəmə aghə̂.

Matyo 3:2

Tə n naʼlə bə nə̀, “Kwey nuu bə na fə̀ŋ tə ghaa tə n ghəə a bəbə ghə, n təŋkey, fɔ̀ɔ wə idəŋ wə n shɔd.”

Matyo 4:17

Ni zey tsu n nəŋə i tii zə, Yeso n kaʼ ndòw ni naʼa tûm Kəzə̀ dza nə̀, “Kwey nuu bə na fə̀ŋ tə ghaa tə n ghəə a bəbə ghə, n təŋkey, fɔ̀ɔ wə idəŋ wə n shɔd.”

Lukas 17:23

Ghə̂ a nə dza tə ghaa nə̀, “Tə wey fey, nkee tə wənə fa.” Kə ghaa nə dzûmənə ghɔɔmə i ghə zə.

Lukas 21:7

Ghə n bəb ndow tə wi nə̀, “Wù dii wə, ghəə a tii ghə a nə ney zeeli bənə kə ə? Tsəə nə lòʼ kee ni dii tsu nə nəŋə i tii zə n kpii ə?”

Lukas 21:9

Kə̂ ghaa nə tsəŋənə bə ghaa zownə nə̀ tsam tə shiənu, ghə̂ ghə i zuulə baalənə wû i ghə zə nə inaʼ. Ghəə ghən a khə ni teeli shi dzə isə. Seykə, i sey dii dzə way nə nəŋə zə n shɔd tə mbi ni may.”

Tùm i dzuŋu zə kuum Yeso Klisto tə Jɔn â tɔɔnə 5:43

Mə n bə n zəd i Bày wuŋ, ghaa ka mə kpii ney. Abə wù nuu bənə n ngəŋ ə wi, ghaa i kpii ney wi.

Tùm i dzuŋu zə kuum Yeso Klisto tə Jɔn â tɔɔnə 8:24

À wey loʼ ghə i tii zə n mə dza bənə tə̀ ghaa nə̀ ghaa î kpuu kə n ghəə a ghaa a bəbə ghə. Abə ghaa ka bəghəm nə̀ n loʼ wù wey n loʼ nə ghii wə, ghaa i ndzəmə kpuu kənu n ghəə a ghaa a bəbə ghə.”

Tùm i dzuŋu zə kuum Yeso Klisto tə Jɔn â tɔɔnə 8:28

Sey, Yeso n dza ndòw tə̀ ghə nə̀, “Abə ghə î kɔʼlə naŋa kɔʼnə Waa wù sɔŋtsuʼ n zat kə fəkaʼ, ghaa i daŋŋə keeli tsu nə̀ n loʼ wù wey N loʼnə ghii wə. Ghaa i keeli tsu soʼo nə̀ n ghəŋŋə dzə̀ way ghə i loʼ zə n daʼa kuŋ, n kee ghɔɔmə kə ghəə zey Bày wuŋ dza bənə tə̀ mə nə̀ n dza.

1 Kɔrint 6:9

Ghaa khə way nə̀ ghə̂ ghey ghə ghəŋŋənə ghəə a bəbə ghə, ghə î zə̂ way Fɔɔ u Kəzə̀ wə ə? Kə̂ wù loʼ nə nəbənə ghaa! N dza bə tə̀ ghaa nə̀, ghə̂ a laŋŋə ghə, ghə̂ ghey ghə ngɔɔmənə muʼu mə, ghə̂ ghən ghə taa zaʼa wû zə, gheynum ghən ghə nyəŋinə n wû i ghə,

Efesus 5:6

Kə wù i nəb ghaa n ghɔɔmə i zum zə nə̀ Zə̀ kə i chɔd way ghə̂ ghey ghə ghəŋŋənə ndzoʼo ghəə ghən, n təŋkey, Zə̀ kə î chɔdlɔnu ghə̂ ghey ghə naŋŋə way laŋ u wi wə.

2 Tesalonika 2:3

Kə̂ wù loʼ nə̂ nəbənə ghaa, n təŋkey tsuʼ fə tii fə i bə way nə̀ ghə̂ a ka kam tuu maʼa laŋ u Kəzə̀ wə. Tsu fə tii fə i bə soʼo way nə̀ wu wey tə sìi ndzəŋŋənə ghə̂ ghə ka kam dii dzə wû wə. Tə loʼ wù wən tə loʼnə n jii ni ndow n luʼu kə uvələ kən kə may way.

2 Timoti 3:13

Ghə̂ a bəbə ghə nsə ghə nəb ityim nə faalə bəb njaʼ may ndow. Ghə nə nəbə ghə̂ ghə, ghə̂ a nə nəbə soʼo ghə.

1 Jɔn 4:1

Fə̂ ghuŋ a dzuŋu ghə, i kə ghaa nə tsəmə bəghəm fuunə tə̀ ghə̂ ghən ghə dza bənə tə ghaa nə̀ ghə ghɔɔmə n daʼa kə Zay kə Zow kə. Ghaa i mɔm koʼo tsu dzə isə nə̀ zay kə tii kə nuu bə n wɔ Zə̀ kə, boʼnə tûm tə Kəzə̀ tə tsɔŋɔ tə kəmənu fa n mbi.

2 Jɔn 1:7

Ndəm aghə̂ n shi ndow n mbi ni nəb kaabə tsə aghə̂ nə̀, Yeso â ka bə dzə n wû u wù sɔŋtsuʼ. Ndzoʼo wù wən loʼ wù nəbə wə aghə̂ wə, loʼ soʼo wù təngəmə ə Klisto.

Chi dii 1:3

Wù wən tə i tɔŋɔnə ghɔɔmə zən nə̀ ghə̂ a zow, tə i keeli ibuulə. Ghə̂ ghəy ghə zow ghəə ghən a tɔ̀ɔ doʼonə fa, ghəŋə ndow ghəə a tii ghə, ghə i keeli soʼo ibuulə, n təŋkey nəŋə zə n shɔd tə ghəə a tii ghə ni ney kəbənə.

Chi dii 12:9

Ghə n tən maʼa shi tsu ndow faŋkwu kə ngəm key. À wən loʼ zuu i wey wey zən zə â loʼnə nə nzeyyə, ghə tɔŋŋə nə̀ à loʼ Avəətsəə nkee Satan. À loʼ wi tə â sii ndzəŋnə mbi idzəm. Ghə n tən maʼa shi tsu bə wi fa a ghəlitsə, tən maʼa tsu bə soʼo tsətəndəghə tə wi ghi wi.