Lukas 21:34 - Kaa n Kəzə̀ n fəghə mə

³⁴ Ney na ghə̂mə zə kə ghəə a zəə ghə, nsə ghəə a məə ghə nsə chɔd u mbi u nə ney nuulənə fə̀ŋ tə ghaa tə. Nə a way sey, tsuʼ fə tii fə nə bə nə̀ ghaa ka keeli.

Lukas 21:34 Mawu Ofanana

Matyo 13:22

Abə tə tey tə â tsɔʼlənə n fəŋŋə kə udzɔŋɔmgbay, a loʼ ghə̂ ghey ghə zow tsuu ghɔɔmə i tii zə, nghee ghə kee gaʼ fə̀ŋ tə n fə̂ u mbi, nsə nə ikum, wə n kwu zɔʼlə naŋa tsu ghɔɔmə i tii zə, zə n ka mə̂ utam.

Malakus 13:9

Ghaa khə ni tɔʼ ghə̂mə n wû i ghaa, n təŋkey, ghə i kwɔ ghaa, ghə ney ndòw ghaa n tay i saʼ. Ghə bwɔd ghaa n ndaw tə udzəŋi tə ghə, ghaa i ndòw n sə kə udəŋ nsə ghə̂ a nii ghə bòʼ mə. A nə wən loʼ kəbuʼ tə̀ ghaa ni naʼa tûm i dzuŋu zə tə̀ ghə.

Malakus 4:19

chɔd u mbi, ləghə zə ikum, nsə ləghə i fə u mbi wə n kee bə tsami maʼa kɔʼ ghɔɔmə i Kəzə̀ zey, ghɔɔmə i tii zə n way ni nyimmə n kow ghə.

Lukas 10:41

Yeso fəd dza ndòw tə̀ wi nə̀, “Matta! Matta! Wə̀ ngii fəmmə wû wə n ndəmə tə aghəə.

Lukas 12:40

Sey ghaa khə ni ndzuŋŋə tən tsu wû i ghaa, boʼnə ghaa khə way nəŋə zey Waa wù sɔŋtsuʼ loʼ ni bə tii.”

Lukas 17:3

Sey î ney na ghə̂mə zə n wû i ghaa. Abə waazu ghəŋə tsunə ghə i bəbə zə, kpaa ndòw wi, nə tə kwey kɔʼnu fəŋ ə wi, wə n neyzəə ndòw wi.

Lukas 21:35

Təŋkey wə i bəghə tə ghə̂ ghə adzəm fa n mbi.

Lukas 21:8

Yeso n beeli ndow ghə dza, “Ney na ghə̂mə zə kə̂ ghə nə nəbənə ghaa. Təŋkey ndəmə aghə̂ nə bəghənu n zəd zuŋ, ghə nə dza nə̀ ghə fwaʼa n daʼa kuŋ, ghə nə dza tə ghaa nə̀, ‘A loʼ mə wù wey ghə̂ a ləmmə nə̀, nəŋə zə n shɔd.’ Kə̂ ghaa nə dzûmə nə ghə.

Lukas 8:14

Ndzoʼ tey tə â tsɔʼlə bənə nə ukaakaa, à lòʼ ghə̂ ghey ghə zownə ghɔɔmə i Kəzə̀ zə, ambə ghə nuu ndownə, chɔd u mbi, ikum, nsə laabə i mbi zə n zɔʼi naŋa tsu ghəə a Kəzə̀, ghə n way ni nyim taw n bəghəm fə̀ŋ i ghə.

1 Kɔrint 5:11

Mə â dza tə̀ ghaa nə̀ kə̂ ghaa nə̂ təmə dzəŋinə ghi wù wən tə tɔŋŋənə wû u wi wə nə̀ i loʼ dzûmə Klisto, loʼ sey nə̀ tə laŋŋənu, shiə n sə̂ ghə n fə u mbi, ngɔɔmə mmuʼu, khəə təfəghəm, mə̂ə khə̀ə nlə, nkee tsɔŋɔ. Kə̂ ghaa nə̂ buʼu zə̂ə dzəŋinə ghi ndzoʼo wù tii.

1 Kɔrint 6:10

ghə̂ a tsɔŋɔ ghə, ghə̂ ghey ghə shiənə n sə ghə n fə u mbi, ghə̂ a khəə ghə nlə ghə, ghə̂ ghey ghə khəə kaabənə fəghəm tə, nsə ghə̂ a tsɔŋɔ ghə. Ghə̂ ghən adzəm nə̂ way ni zə̂ koʼ Fɔɔ u Kəzə̀.

Galeshia 5:20

ni ngɔɔmə muʼu mə, ghəə a kəvuŋ, baa zə iwû, fəghəm tə baŋŋə tə, kəghoʼ, mbwu kə fə̀ŋ, sə a shiə ghə nə ufə̂, nəghə u fəə wə, wù dzawwə maʼa wə aghə̂ wə,

Filipi 4:6

Kə̂ ghaa nə̂ ngii fəmmənə wû i ghaa zə n ghə i loʼ zə, i fədə gɔŋŋə na nə aghəə adzəm. I nɔɔ ndòw na fə̂ key ghaa ləghənə tə Zə̀ kə, fuu ndow kəzɔŋŋə tə wi n fə wey udzəm tə fuunə tə ghaa.

Hibru 12:15

Dəmə tsu n na nə̀ kə wù ghaa u loʼ u nə doʼlə nə̀ Zə̀ kə ka dii wi n fə̀ŋ ə wi i dzuŋu zə. Kə wù ghaa u loʼ u nə doʼlə naŋ kə bəbə kə n fəŋŋə kə ghaa, kə loʼ ni ghəŋə nə̀ unaŋ udzəm u fway.

2 Pita 3:10

A kee loʼ soʼo nə̀ tsuʼ fey Mûkəbii i bəghənə tii, wù loʼ i keeli naŋa way. Tə i bəghə nə̀ ghaa ka keeli naŋa tə̀ wù tsɔŋɔ nə bəghə nə̀ ghaa ka keeli. N tsuʼ fə tii fə, dəm kə nə kwɔɔ nghee dəŋ kə saŋa nuulə nyiə ndownə. Zə̀ kə nə ləŋi maʼa fə wən udzəm u loʼnə idəŋ nə uvələ. Ghəlikətsə nsə fə wən udzəm u loʼnə tii i saŋ nuu tsu.

2 Pita 3:14

Sey, fə ghuŋ a dzuŋu ghə, nghee ghaa ləmmənə tsuʼ fən, dəmə tən tsu n na ni koʼ nə̀ ghaa i zow, khə soʼo way bwu i loʼ zə n sə K-a-zə̀, loʼ soʼo nə ibuulə ghi wi.

Chi dii 3:3

Moʼlə tsu ghəə zey ghə â diinə ghaa tii nsə ghəə ghey ghaa â zownə. Ghaa i dzûmə ndow ghəə a tii ghə, ghaa kweyyə nuu bə soʼo fə̀ŋ tə ghaa n ghəə a bəbə ghey ghaa ghəŋŋənə. Abə ghaa ka zhəm nuu kɔʼ, mə i bə n kow ghaa tə a loʼ wù tsɔŋɔ, ghaa i keeli soʼo way nəŋə zey mə i bəghənə tii.