Lukas 20:26 - Kaa n Kəzə̀ n fəghə mə

²⁶ Sey ghə n way ni kwu wi n ghɔɔmɔ i wi, dzuu zə n zum daŋŋə ghə n ji zey tə â beelinə ghə tii, ghə n zow doʼo ndow mɔŋ.

Lukas 20:26 Mawu Ofanana

Matyo 22:12

Tə n bəb ndòw tə̀ wi nə̀, ‘N fə, wə nyi n ngee fa nə̀ wə khə way ndzə tə ney zə iwû tə ə?’ Wù tii n zow doʼo ndòw kə mɔŋ, ka beeli.

Matyo 22:22

Ambə ghə zow tsunə sey, dzuu zə n ngii zum ghə n jìi zey tə â beelinə ghə tii, ghə n zəghə tsu wi, nuu ndòw i ghə zə.

Matyo 22:34

Ambə ghə̂ a tə Falasi a zow tsunə nə̀ Yeso n fìi naŋa dzuu i ghə̂ a tə Sadusi ghə, ghə təmdzəŋi bə iwû,

Matyo 8:10

Ambə Yeso zow tsunə ghəə ghən, dzuu zə n ngii zum wi, tə n dza ndòw tə̀ ghə̂ ghey ghə â bəghənə n baa wi nə̀, “N kùum dza bə isəŋə tə̀ ghaa nə̀, n ka kam koʼ koʼ tsə wù tə khənə ndzoʼo bəghəm i fə̀ŋ zən n naʼ zə Izree.

Lukas 11:54

biilə tənə wi ni kwu wi abə tə kpaʼi zə̀ dza bəəbə tsunə ghə i loʼ zə.

Lukas 13:17

Ambə Yeso dza tsu nə sey, tow kə n dəd ghə̂ ghey ghə bàanə wi, nɔɔ kə aghə̂ key kə â loʼ nə fu n kee ngii duʼlə bòʼ faalə mey tə ghəŋənə.

Lukas 20:20

Sey, ghə n khə tən isə̂ n kow Yeso, zuulə naŋa tsu aghə̂ nə ghə i tsilə bwey ghi Yeso tə a loʼ ghə̂ a wi. Ghə i zəllə ghɔɔmə i wi zə nə̀ tə nə kpaʼi dza ghə i bəbə i loʼ zə, tə ghə loʼ ni kwu wi, ghə fu tsəghə ndow wi tə Gɔvənɔ a Roma wey tə khə daʼa kə fu.

Roma 3:19

Saa n keeli nya nə̀ abə laŋ kə dza kə nə̀ ngee, kə dza ndow tə̀ ghə̂ ghey ghə loʼnə n tənə kəlaŋ. I loʼ sey ni fìi naŋa dzuu a ghə̂ adzəm fa n mbi nə̀ kə ghə nə taa daŋanə nsə ni ghəŋə tsu nə̀ ghə keeli tsu nə̀ ghə n bwu səə n sə K-a-zə̀. Sey Zə̀ kə khənu zuŋ kə ni saʼ ghə.

Taytus 1:10

N dza sey n təŋkey ndzoʼo ghə̂ ghey ghə tuu maʼanə tûm i tii zə ndəŋ loʼnu, a ka ndɔm dza ghə̂ a Təjuu ghən ghə təmi taw kɔʼnə nə̀ ghə khə ni teeli səghə tyi kə wù tə̀ wi ni keeli ibəghəshi. Ghə tuu ni zow tə̀ ghə̂ ghey ghə loʼnə tow wə, nəbə kaabə tsə soʼo aghə̂ nə təghɔɔmə nə̀ tə way ni gaamə wù n ghə i loʼ zə.