Lukas 2:47 - Kaa n Kəzə̀ n fəghə mə

⁴⁷ Dzuu zə n ngii zum ghə̂ ghey adzəm ghə â zownə wi kùmnə tə â zowkeeli aghəə, nsə n ji zey tə â beelinə tii.

Lukas 2:47 Mawu Ofanana

Matyo 13:54

Nghee tə fən nyi bənə n naʼ i wi, tə n dii aghə̂ n ndaw kədzəŋi ə ghə̂ a Təjuu n jìi zey dzuu zə â ngii zumnə ghə fu, ghə n bəbə nə̀, “Tow wən faalə kə utɔb kən boʼo ney bə ghee, nsə kɔb tə aghəə tən ə?

Matyo 22:33

Ambə Nɔɔ kə aghə̂ kə zow tsunə ghəə ghən, dzuu zə n zum ghə n jìi zey Yeso â diinə ghəə ghə tii.

Matyo 7:28

Ambə Yeso ghɔɔmə may tsunə ghəə ghən, dzuu zə n ngii zum nɔɔ kə aghə̂ key kə â loʼnə fu bòʼ jìi zey tə â diinə ghəə ghə tii.

Malakus 1:22

Dzuu zə n ngii zum aghə̂ n jìi zey tə â diinə tii, n təŋkey tə â dii dzə way n jìi zey ghə̂ a dii a kəlaŋ ghə â diinə tii. Tə â fədlə dii n jìi zey ghɔɔmə i wi zə â ngii khənə daʼa kə.

Malakus 11:18

Ghə fɔɔngili a nii ghə nsə ghə̂ a dii a kəlaŋ ghə n zow tsu sey, kaʼ ni kəŋ təjìi ni wey Yeso. Ghə n kee tsəŋə ni kwu wi n təŋkey, ghə̂ adzəm â ləghənu ghəə ghey tə diinə.

Malakus 6:2

Ambə n tsuʼ inaʼ, tə n dii aghəə n ndaw kədzəŋi ə ghə. Ndəmə aghə̂ ghə n loʼ fu, zəllə ghɔɔmə i wi. Dzuu zə n ngii zum ghə, ghə n bəbə nə̀, “Wù wən zoʼlə bə ghee ghəə ghən ə? Tə nuu bə ghee n ndzoʼo tɔb u wən ə? Tə ghəŋŋə daŋŋə soʼo nfaalə.

Lukas 2:18

Dzuu zə n ngii zum ghə̂ ghey adzəm ghə â zownə ghəə ghən ghə̂ a keyyə a tənjì ghey ghə â dzanə.

Lukas 2:46

Ambə tsuʼu n tsəghə tsunə ntəghə, ghə n bə koʼ bə wi n Ndaw Kəzə̀ i nii zə n Yerosalem. Tə n doʼ n fəŋŋə kə ghə̂ a dii ghə, zəllə ghəə ghey ghə khəənə, bəbə soʼo ghə n ghəə ghə.

Lukas 4:22

Ghə̂ ghey ghə â loʼnə fu, n ghɔɔmə ghəə a dzuŋu ghə bòʼ wi, ngii duʼlə ndzoʼo kɔb kə ighɔɔmə key kə a shiə bənə n dzuu i wi. Ghə n bəbə tiilə n wû i ghə nə̀, “À wən way waa Yosef ə?”

Lukas 4:32

Dzuu zə n ngii zum ghə n ghɔɔmə i wi, kùmnə ghɔɔmə wi zə â khə kədaʼa.

Tùm i dzuŋu zə kuum Yeso Klisto tə Jɔn â tɔɔnə 7:15

Dzuu zə n zum ngəd tə Təjuu n ghɔɔmə i wi, ghə n bəbə nə̀, “Wù wən lɔʼlə keeli ngee ghəə ghən adzəm nə̀ tə ka ndow n ndaw kəmàʼlə ə?”

Tùm i dzuŋu zə kuum Yeso Klisto tə Jɔn â tɔɔnə 7:46

Ghə̂ a keyyə ghey n dza nə̀, “Wù loʼ ka kam ghɔɔmə koʼ tsə ghəə ghə tə̀ a loʼ wù wey.”