Lukas 2:37 - Kaa n Kəzə̀ n fəghə mə

³⁷ sey tə n loʼ wey kpusə. Tə â nya loʼ ghəm n tənûm ifam n nûmtə təkaykə. Tə n muu tsə kə n Ndaw Kəzə̀ i nii zə n Yerosalem, gɔŋŋə zeeli tsuʼ ndzəm; n tsə nsə n tsuʼu tə, bam idzuu, ngɔɔmə Kə̀zə̀ nəŋə tədzəm.

Lukas 2:37 Mawu Ofanana

Lukas 5:33

Ghə n dza ndòw tə̀ Yeso nə̀, “Dzûmə tə Jɔn nsə dzûmə tə ghə Falasi tə bam tsə idzuu, gɔŋŋə, a ghə ghə̀ a kee khə kə ni zəə, məə.”

Kəfwaʼ 13:3

Ambə ghə bam may tsunə dzuu zə, gɔŋŋə may tsu soʼo, ghə n gaʼ ndow awɔɔ n tow u ghə, tûm nuu shi ndow ghə.

Kəfwaʼ 14:23

Ghə n sày naŋa tsəghə ndow təngəd n dzəŋi dzûmə tə Klisto tən tədzəm ghə â bweyyə koʼnə. Ghə n gɔŋŋə tə ghə, bam idzuu, fu naŋa ndow ghə n wɔɔ kə Mûkəbii wən ghə â bəghəmnə tə̀ wi.

Kəfwaʼ 26:7

À wən loʼ təb kən naʼa tə ghey tən ighəm n ghii tə təbəghə tə ləmmə tənə ni keeli, nghee ghə ngɔɔmənə Zə̀ kə n tsə tə nsə n tsuʼu tə n fə̀ŋ tə ghə tə tədzəm. À loʼ bòʼ bəghəm zən a Mbee, ghə̂ a Təjuu a kwɔɔnə mə tii.

1 Timoti 5:5

Zən ə kpusə wən tə ndzəm khə way fə kə, khə soʼo way wù tə laalənə tə wi, khə ni fuu may ndow fə̀ŋ ə wi tə Zə̀ kə. Tə i gɔŋŋə tə Zə̀ kə nəŋə tədzəm nə̀ Zə̀ kə gaamə wi.

Chi dii 3:12

Wù wey tə i taw tsəghənə ghəə a bəbə ghə, mə i ghəŋə nə̀ tə doʼo kənyəllə n fəə kə Zə̀ kuŋ, nə̀ tə nə kəm zəghə maʼa koʼ way luʼu kə tii kə. Mə i tɔ̀ɔ tsu zəd i Zə̀ kuŋ n kow wi nsə zəd zə inaʼ Zə̀ kuŋ tɔŋŋə Yerosalem i fəghə zə, i zən i nuulə shiə tsu bə idəŋ n wɔ Zə̀ kuŋ kə. Mə i tɔ̀ɔ naŋa tsu zəd zuŋ i fəghə zə n kow wi.

Chi dii 7:15

Sey, ghə loʼ n sə̂ kə kuu kə fɔɔ u Kəzə̀, fwaʼa tə Zə̀ kə n tsə tə nsə n tsuʼu n fəə kə wi. Wù wey tə doʼnə n kuu kə fɔɔ key, tə i laalə tə ghə nghee tə doʼ dzə ghi ghə.