Lukas 2:14 - Kaa n Kəzə̀ n fəghə mə

¹⁴ “kɔʼlə n loʼ tə Zə̀ kə tə loʼ idəŋ, buulə i Kəzə̀ zə i loʼ tə̀ ghə̂ ghey ndzuŋ ə wi loʼ kow ghə fa n mbi.”

Lukas 2:14 Mawu Ofanana

Matyo 21:9

Nɔɔ kə aghə̂ key kə â ndòwnə isə nsə a ghey ghə â bəghənə ibam n buʼu shiə kɔʼɔ nbɔŋ dza nə̀, “Kali u loʼ tə̀ Waa Devid! Zə̀ kə buulə wù wey tə bəghənə n zəd i Mûkəbii! Kali u loʼ tə Zə̀ kə idəŋ kə!”

Lukas 1:79

Zə i ney bə luʼu tə zow tə tə̀ ghə̂ ghey ghə loʼnə nə kələm, nsə ghə̂ ghey ghə loʼnə tə̀ ghə nya sòʼo ivə. Zə i dii bə jii i dzuŋu zey i fuunə buulə zə tə saa.”

Lukas 19:38

“Zə̀ kə buulə də̀ŋ key kə bənə n zəd i Mûkəbii! Ibuulə nsə kɔʼlə mə i loʼ tə Zə̀ kə idəŋ!”

Lukas 2:13

Nɔɔ kə tsətəndəghə tə Kəzə̀ kə n tsu bə idəŋ daŋŋə bə təmdzəŋi bə tsəndəghə ə Kəzə̀ zey, ghə n zey ndòw ni fu nkɔʼlə tə Zə̀ kə dza,

Lukas 2:15

Ambə tsətəndəghə tə Kəzə̀ tey zəghə tsunə ghə, ndòw dzəŋŋə idəŋ, ghə̂ a keyyə a tənjì ghey n dza n wû i ghə nə̀, “bəghə na a ndòw n Betelehem, a ndòw koʼ ghə zən i shi shinə fu, tə Bày chi dii bənə tə sa.”

Lukas 3:22

Zay kə Zow kə n tsu bə n kow wi n wû u kəfə̀, dzə̀ i loʼ zə n ghɔɔmə tsu bə idəŋ dza, “wə̀ loʼ waa wùŋ u tsuʼu wə, n ngii duʼlənu ghi wɔ.”

Tùm i dzuŋu zə kuum Yeso Klisto tə Jɔn â tɔɔnə 14:27

N fuu naŋŋə ghaa n buulə zə. À loʼ buulə zuŋ n fuu bənə tə̀ ghaa. Buulə zən n fuu bənə tə̀ ghaa way dzə ndzoʼo buulə zey ghə̂ a mbi a fuunə. Kə̂ fə̀ŋ tə nə̂ baŋanə ghaa, kə̂ ghaa nə tsəŋə soʼonə.

Tùm i dzuŋu zə kuum Yeso Klisto tə Jɔn â tɔɔnə 17:4

Mə n ghəŋə nə̀ wə keeli nkɔʼlə fa n mbi, n təŋkey, mə n mayyə fwaʼ key wə â fuu nə̀ n fwaʼ fa n ghəlikətsə.

Tùm i dzuŋu zə kuum Yeso Klisto tə Jɔn â tɔɔnə 3:16

Kuumnə, Zə̀ kə â ngii ləghənu mbi ni ney fuu bə sɔʼi fə Waa wi, nə̀ wù wey tə bəghəmnə tə wi, tə i ka kpu, tə i fəd keeli muu zə itsali.

Kəfwaʼ 10:36

Ghaa khənu nə̀, Zə̀ kə â tûm bə tûm wi tə ghə̂ ghə Izree ghə, naʼlə ndow tûm i dzuŋu zə bòʼ ibuulə n bam i Yeso Klisto. Tə loʼ Mûkəbii tə ghə̂ ghə adzəm.

Roma 5:1

Nghee tə̀ Zə̀ kə neynə saa nə̀ saa loʼ tsətsəghə n sə kə wi n təŋkey saa bəghəm tə wi, saa kəm khə way chɔdwə ghi wi n bam i Mûkəbii saa Yeso Klisto.

Efesus 1:6

Tə â ghəə ghən ghəŋə sey nə̀, saa i kɔʼlə wi bòʼ ndzuŋ ə wi i nii zən tə funə tə saa naʼ idzəm n bam i Waa wi wən tə gaʼnə fə̀ŋ.

Efesus 1:9

Tə chi dii bə ghəə a wi ghey ghə â nyì doʼonə tə̀ saa, tə̀ tə â bayyə naŋa n ləghə i fə̀ŋ i wi ni fwaʼ n bam i Klisto.

Efesus 2:4

À kee loʼ kə nə̀ Zə̀ kə ngii khə sî i kwɔɔlə zə, tə ngii ləghə saa naʼ idzəm.

Efesus 2:7

Zə̀ kə â ghəŋə sey, sey nə̀, n num tən tə bəghənə, tə i loʼ ni dii ndzuŋ ə wi naʼ idzəm tə̀ ghə̂ ghə nsə ləghə i wi zən i ghəŋŋə nə̀ saa i loʼ nə kəfə kəmɔʼ ghi Yeso Klisto.

Filipi 2:11

Nsə nə̀, aghə̂ adzəm ghə i dza shiə bə mgbaŋ nə̀ Yeso Klisto loʼ Mûkəbii, Ni fuu ndow nkɔʼlə tə̀ Zə̀ kə tə loʼnə Bày saa.

Filipi 2:13

Ghaa keeli tsu nə̀ a loʼ Kəzə̀ kə fwaʼanə n kow ghaa, ghəŋə ghaa nə̀ ghaa i khə zay ni fwaʼ tə wi, fuu soʼo ghaa n daʼa kə nə̀ ghaa ghəŋə ghəə ghey a kpiilənə tə wi.

Kolose 1:20

Zə̀ kə â neynə waa wi ni ghəŋə nə̀ fə wən udzəm u loʼ nə fa n mbi, u doʼo dzəŋŋə bə n tənə wi. Â loʼ n bam i kàŋ tə waa wi wən ghə â baanə n zat kə fəkaʼ, Zə̀ kə â ghəŋənə nə buulə zə i loʼ fa n mbi, idəŋ nsə a ghəlitsə.

2 Tesalonika 2:16

Ghey gɔŋŋə ndow tə̀ Mûkəbii saa Yeso Klisto nsə tə̀ Zə̀ kə tə loʼnə Bày saa. Zə̂ kən kə ləghənə saa, tə tsəmmənə fəŋ tə saa nəŋə tədzəm, ghəŋə nə̀ saa i ləmə tənnə tə wi n bam i ndzuŋ ə wi.

Chi dii 5:13

Mə n zow ndow fə̂ wən udzəm Zə̀ kə â bɔm idəŋ, n ghəlikətsə, n tənə ghəlikətsə nsə n nali kə dzuu u zhimnə nə̀, “Tə wù wən tə doʼnə n kuu kə fɔɔ nsə tə waa njì, ibuulə, ingɔɔmə, ukali nsə daʼa kə loʼ u ghə wə, tə̀ mbi nə bə may.”