Lukas 2:11 - Kaa n Kəzə̀ n fəghə mə

¹¹ Koʼo na! N tsuʼ u na wən, ghə ji bəghəshi ə ghaa n naʼ i Fɔɔ Devid. Tə loʼ Wù wey Zə̀ kə Tsuʼ naŋanə tɔŋɔ Klisto tə loʼ Mûkəbii.

Lukas 2:11 Mawu Ofanana

Matyo 1:16

Yakɔb n ji tsu Yosef. Yosef â loʼ nùm Maliya, ghə n ji tsu Yeso n daʼa kə Zay kə Zow kə. Yeso wən loʼ wù wən Zə̀ kə â dza naŋa nə̀ i tûm bənu.

Matyo 1:21

Tə i jiə bə waa u num wə, wə̀ i tsə̀ tsu zəd i wi nə̀ à loʼ Yeso, n təŋkey, tə i bəghəshiə ghə̂ a wi n ghəə a ghə a bəbə ghə.”

Matyo 16:16

Shimun Pita n beeli ndòw wi nə̀, “Wə loʼ Klisto, Waa Kəzə̀, Zə̀ kən kə loʼnə utaw nəŋə tədzəm.”

Matyo 16:20

Ambə Yeso dza may tsu ghəə ghən, tə n tɔʼ kii naŋa tsu ngəd tə wi nə̀ kə̂ ghə nə̀ dzanə tə̀ wù loʼ nə̀ tə loʼ Klisto.

Lukas 1:43

“À shi kee n sə keelinə ndzoʼo kɔʼlə mən ə? N ndaa loʼ ndee tə̀ nay Mûkəbii ni bwey koʼ bə mə̀ ə?

Lukas 1:69

Tə n fu saa n bəghəshi u nii wə. Wù nə tə shi n salli ndaw i wù kəfwaʼ a wi tɔŋɔ Devid,

Lukas 2:26

Zay kə Zow kə mâ dii tə̀ wi nə̀, tə nə̂ kpu way nə̀ tə ka koʼ Klisto wey Bày Tsuʼ naŋanə.

Lukas 2:4

Sey, Yosef n nuu tsu soʼo n naʼ i Nazaled, n mboʼo Galili, kɔʼ ndòw n Betelehem, naʼ i Fɔɔ, Devid n mboʼo Judeya, n təŋkey tə â shi n sad i kəbii i Devid.

Tùm i dzuŋu zə kuum Yeso Klisto tə Jɔn â tɔɔnə 1:41

Ambə Andria zəghə tsunə Yeso, ghə i sə̂ isə zey tə â ghəŋənə â loʼ ni ndow kəŋ ndòw waazə ə wi Shimun. Tə n dza tə̀ wi nə̀, “Ghey n koʼo wù wey Zə̀ kə â dza naŋa nə̀ i tûm bənu.” (Wù wən Zə̀ kə â dza nə̀ i tûm bənu n ghɔɔmə i Grik loʼ Klisto).

Tùm i dzuŋu zə kuum Yeso Klisto tə Jɔn â tɔɔnə 1:45

Filip n bə koʼ bə Natanyə, dza tə̀ wi nə̀, “Ghey n koʼ wù wey Mushi â tɔɔnə bòʼ wi n màʼlə K-a-laŋ, wù wey Tûm tə Kəzə̀ tə â tɔ̀ɔ soʼonə bòʼ wi. A loʼ Yeso wù Nazaled wən ghə tɔŋŋənə bày nə̀ a loʼ Yosef.”

Tùm i dzuŋu zə kuum Yeso Klisto tə Jɔn â tɔɔnə 11:27

Mata n bəghəm dza nə̀, “Ow a Mûkəbii! N bəghəmnu nə̀ wə loʼ wù wey Zə̀ kə â dza naŋa nə̀ i tûm bənu, Waa Kəzə̀ wən tə â khənə ni bə fa n mbi.”

Tùm i dzuŋu zə kuum Yeso Klisto tə Jɔn â tɔɔnə 20:31

A ghən ghə kee tɔ̀ɔ naŋanə fa, loʼ ni ghəŋə tsu nə̀ ghaa i loʼ ni bəghəm fuu nə̀ Yeso loʼ wù wey Zə̀ kə â dza naŋa nə̀ i tûm bənu, Waa Kəzə̀, nsə nə̀, abə ghaa bəghəm tə̀ wi, ghaa loʼ ni keeli imuu nə̀ i way ni may.

Tùm i dzuŋu zə kuum Yeso Klisto tə Jɔn â tɔɔnə 4:25

Weyzən wey n dza ndow tə̀ wi nə̀, “N khənu nə̀ bəghəshi i bəghənu. Abə wù wey Zə̀ kə â dza naŋa nə̀ i tûm bənu i bənə, tə i tiillə dza may bə aghəə adzəm tə̀ saa.”

Tùm i dzuŋu zə kuum Yeso Klisto tə Jɔn â tɔɔnə 4:42

Ghə n dza tə̀ weyzən wey nə̀, “Ghey ka maŋ bəghəm dzə bòʼ ghɔɔmə zə, ghey bəghəm n təŋkey, ghey n baa zow ghɔɔmə i wi zə n wû i ghey zə, ghey u koʼ tsu soʼonə nə̀ wù wən ndzəm loʼ bəghəshi ə mbi.”

Tùm i dzuŋu zə kuum Yeso Klisto tə Jɔn â tɔɔnə 6:69

Ghey n bəghəm, ghey n zowkeeli soʼo nə̀ wə loʼ Wù Kəzə̀ u zow wə, Zə̀ kə tûm bənə.”

Tùm i dzuŋu zə kuum Yeso Klisto tə Jɔn â tɔɔnə 7:41

Ghə̂ a loʼ ghə n dza, “Tə loʼ wù wən Zə̀ kə â dza naŋa nə̀ i tûm bənu.” A loʼ ghə n kee dza, “Wù wey Zə̀ kə â dza naŋa nə̀ i tûm bənu, way dzə ni shi n Galili.

Kəfwaʼ 10:36

Ghaa khənu nə̀, Zə̀ kə â tûm bə tûm wi tə ghə̂ ghə Izree ghə, naʼlə ndow tûm i dzuŋu zə bòʼ ibuulə n bam i Yeso Klisto. Tə loʼ Mûkəbii tə ghə̂ ghə adzəm.

Kəfwaʼ 13:23

À loʼ n tyi kə Devid wən Zə̀ kə â fuu bənə Yeso nə̀ tə bə doʼo bəghəshi tə ghə̂ Izree ghə nghee tə̀ â təb naŋanə.

Kəfwaʼ 17:3

Tə n tiilə dza ghəə ghey a loʼnə n màʼlə K-a-zə̀ tə ghə, dii kɔʼ bə soʼo tə ghə nə̀ wù wey Zə̀ kə â dza naŋa nə̀ i tûm bənu â khənu ni fəghə, tə kpu, tə kəm zhəm dzəŋŋə bə nə̀ ivə. Tə n dza ndow tə̀ ghə nə̀, “Yeso wən n naʼlə bənə tə̀ ghaa, à loʼ wi tə loʼnə wù wey Zə̀ kə â dza naŋa nə̀ i tûm bənu.”

Kəfwaʼ 2:36

“Sey, ghə̂ ghə Izree adzəm a khə ni teeli keeli tsu nə̀ Zə̀ kə n ndzəm kɔʼlə naŋa Yeso wən ghaa â baanə n zat kə fəkaʼ tə a loʼ Mûkəbii ə saa, tə a loʼ soʼo wù wey Zə̀ kə â dza naŋa nə̀ i tûm bənu.”

Kəfwaʼ 5:31

Zə̀ kə n wi kɔʼlə naŋa kɔʼ n kpi u wi u təmə wə tə a loʼ kətow nsə bəghəshi, nə̀ tə loʼ ni fuu ghə̂ ghə Izree n bùʼ kə tə ghə kweyyə fə̀ŋ tə ghə, nsə nə Zə̀ kə neyzəə ghəə a ghə a bəbə ghə.

1 Kɔrint 15:47

Zə̀ kə â bɔm wù sə isə wən tɔŋŋə Adam nə təzub, dii tsu nə̀ tə shi fa n mbi. Wù ibam wən tɔŋŋə Klisto kee shi tsu bə idəŋ.

Filipi 2:11

Nsə nə̀, aghə̂ adzəm ghə i dza shiə bə mgbaŋ nə̀ Yeso Klisto loʼ Mûkəbii, Ni fuu ndow nkɔʼlə tə̀ Zə̀ kə tə loʼnə Bày saa.

Filipi 3:8

N ney ghəə a tii ghə adzəm tə a loʼ ghəə a kənunu tə̀ mə̀. Mə n maʼa ndow ghəə a tii ghə adzəm n tənkey, à dzɔb tsəghəshi ni tɔʼ keeli tsu Yeso Klisto, Mûkəbii wuŋ. Kùmnə a loʼ bòʼ wi mə â ndzəm maʼanə fə̂ wə udzəm, naŋa ndow nə̀ a loʼ udzə, sey nə̀ n keeli tsu kə Klisto,

Kolose 2:6

Nghee ghaa bəghəm dzənə Yeso Klisto tə a loʼ Mûkəbii, ghaa khə ni muu nə kəfə kəmɔʼ ghi wi.

1 Jɔn 4:14

Saa n koʼ, tiilə dza soʼo nə Bày a tûm bə waa wi nə̀ tə bə bəghəshi ghə̂ a mbi.

1 Jɔn 5:1

Wù wey tə bəghəmnə nə̀ Yeso loʼ wù wən Zə̀ kə â dza naŋa nə̀ i tûm bənu, tə loʼ waa Kəzə̀. Wù wey tə ləghənə bày, ləghə soʼonu waa wi.