Lukas 19:28 - Kaa n Kəzə̀ n fəghə mə

²⁸ Ambə Yeso ghɔɔmə may tsu, tə n ndow isə nə u kɔʼɔ wə n Yerosalem.

Lukas 19:28 Mawu Ofanana

Lukas 10:30

Yeso n beeli ndòw wi dza, “Wu lòʼ a nuu tsu n Yerosalem tsu ndòw n Jeriko, ghə̂ a tsɔŋɔ ghə n kwu tsu wi, tsɔʼ nuu kɔʼ ndzə tə wi, bwɔd maʼa naŋa tsu wi fu n jii nə̀ tə loʼ n ghəə a kpuughə, nuu ndòw i ghə zə.

Lukas 12:50

A loʼ kə nə̀, N nam khə ndəm uchɔd ni koʼ isə tə̀ wù nə ney mmuu n Kəzə̀ mə n dzuu. Mə i sa loʼ kə nə imôw ni ndòw kùm n nəŋə zey zə maynə tii.

Lukas 18:31

Yeso n səŋ təmi ndow ghi tsətəndəghə tə wi tey ighəm nsə ghə̂ ghə abəghə, dza ndow tə ghə nə̀, “A sa ndòw n Yerosalem, ghəə ghey tûm tə Kəzə̀ tə â tɔ̀ɔ naŋanə bòʼ Waa wù sɔŋtsuʼ, khə ni ney kəbənə fu.

Lukas 9:51

Ambə nəŋə i kpii bənə tə̀ Yeso ni kɔʼ idəŋ, moʼlə i wi zə n loʼ tən kə ni ndòw n Yerosalem.

Tùm i dzuŋu zə kuum Yeso Klisto tə Jɔn â tɔɔnə 18:11

Yeso n dza tə̀ Pita nə̀, “Sɔʼ naŋa nyi dzəŋŋə tsu kɔb zə n mbəghə kə wi. Ghaa moʼlə nə̀ ghaa loʼnu ni ghəŋə nə̀ n ka boʼo ngoʼ zey Bày wuŋ â fuu naŋa nə̀ n boʼo ə?”

Hibru 12:2

Saa bɔɔmə naŋa ndow kə sə a saa n kow Yeso wən tə â ghəŋə nə̀ saa bəghəm tə̀ Zə̀ kə, gaamə soʼo saa nə̀ bəghəm i fə̀ŋ i saa zə i taw. Tə n kow tsu kə fə̀ŋ ni fəghə, tə bə kpu n zat kə fəkaʼ. Tə n ka dədlə kətow n ghə i tii zə n təŋkey, tə â khənu duʼlə zey tə i keelinə isə. Tə nya doʼ n kpii kə təmə kə n kuu kə fɔɔ K-a-zə̀.

1 Pita 4:1

Nghee i loʼnə nə̀ Klisto â fəghə tə a loʼ wù sɔŋtsuʼ fa n mbi, ghaa khə ni teeli keeli tsu soʼo ndzoʼo fə̀ŋ zey tə â khənə n nəŋə zey tə â bəghəmnə ni fəghə, n təŋkey, wù wey tə fəghənə tə a loʼ wù sɔŋtsuʼ fa n mbi, kəm way ni ghəŋə ghəə a bəbə ghey tə â buʼu ghəŋŋə tsənə.