Lukas 18:43 - Kaa n Kəzə̀ n fəghə mə

⁴³ Sə̂ a wi ghə n daŋŋə chi i kɔʼ, tə n kaʼ ndòw təluʼu ni koʼ, zey ndòw ni dzûmə Yeso, fuu ukali tə Zə̀ kə. Ambə nɔɔ kə aghə̂ key koʼ tsu nə sey, ghə n zey ndòw soʼo ni fu kali u Kəzə̀.

Lukas 18:43 Mawu Ofanana

Matyo 11:5

Ghə̂ a fəbə a nya koʼo təluʼu, kə̀ŋŋə u nya bweynu, ghə̂ ghey ghə â dzaŋanə kə̀m wə n taw, kùʼ wə a zownə tuŋŋə wə, ghə̂ à kpuu ghə a zhəm dzəŋŋə bə nə ivə, ghə a naʼlə soʼonə tûm i dzuŋu zə tə ghə̂ a laa ghə.

Matyo 21:14

Sey, ghə̂ a fəbə ghə nsə kəŋŋə wə n bəghə fu n səə wi n ndaw Kəzə̀ ə tii, tə n baŋŋə ghə.

Matyo 9:8

Ambə nɔɔ kə aghə̂ key kòʼnə ghəə ghən, fə̀ŋ tə n shi ghə, ghə n kàʼ ndòw ni fuu nkɔʼlə tə Zə̀ kə nghee tə fuunə ndzòʼò daʼa kən tə̀ ghə̂ ghə.

Lukas 13:17

Ambə Yeso dza tsu nə sey, tow kə n dəd ghə̂ ghey ghə bàanə wi, nɔɔ kə aghə̂ key kə â loʼ nə fu n kee ngii duʼlə bòʼ faalə mey tə ghəŋənə.

Lukas 19:37

Ambə tə kuʼlə ndownə n Yerosalem, n luʼu key jii ndownə n kaʼ u Olif, nɔɔ kə dzûmə tə wi kə n kaʼ ndow ni duʼlə, fuu ukali tə̀ Zə̀ kə, n dzə tə taw tə, bòʼ faalə mey ghə koʼnə dza nə̀,

Lukas 4:39

Yeso n təmi ndow n səə wi, kii ndòw wû u tii wə, wə n daŋŋə zəghə tsu wi. Tə n nuu kɔʼ kə n nəŋə i tii zə, khəələ fu ndòw ghə.

Lukas 5:26

Ghə i tii zə n ngii tsəghə shi ghə̂ ghey ghə â lòʼ fu, ghə n fuu ukali tə̀ Zə̀ kə, fəŋŋə khə itsəŋ n fə̀ŋ tə ghə, dza, “Ghey n koʼ ghə i faalə zə na.”

Lukas 9:43

Dzuu zə n ngii zum aghə̂ ndzoʼo daʼa kə faalə key Zə̀ kə khənə. Tə n dza ndòw tə̀ tsətəndəghə tə wi tə nə̀,

Kəfwaʼ 11:18

Ambə ghə zow tsunə sey, ghə kəm khə way ghəə zə ni khə̂mə wi tii, ghə n zey ndow ni fuu ukali tə Zə̀ kə dza nə̀, “I sey dii nə̀ Zə̀ kə n mbɔŋ fuu soʼo ghə̂ ghən ghə way ghə̂ a Təjuu ghə n bùʼ kə nə̀ ghə kweyyə nuu bə fə̀ŋ tə ghə n ghəə a bəbə ghə, ghə keeli soʼo imuu.”

Kəfwaʼ 26:18

À loʼ wɔ wə khə ni chi sə̂ a ghə, wə ney nuu shi bə ghə nə kələm, wə naŋa shi bə ghə n sə̂ a zow ghə. À loʼ soʼo wɔ wə khə ni ney nuu bə ghə n wɔ daʼa kə Satan kə, wə ney bə ghə tə Zə̀ kə. Sey nə̀, n bəghəm i fə̀ŋ zən ghə khənə n kow mə, Zə̀ kə i neyzəə bəb i ghə, ghə ney kɔʼ bənə kə ghə n fəŋŋə kə ghə̂ ghey Zə̀ kə sày naŋanə.’”

Kəfwaʼ 4:21

Ambə ghə bəmi kpi tsunə ghə, ghə n zəghə tsu ghə nə ghə nuu. Ghə â koʼ tsu nə̀ jii way tə ghə ni chɔd ghə, n təŋkey, aghə̂ adzəm â fuu nkɔʼlə tə Zə̀ kə n ghəə ghən a shinə.

Galeshia 1:24

Sey ghə n fuu nkɔʼlə tə Zə̀ kə bòʼ mə.

1 Pita 2:9

A kee bə ghaa, ghaa loʼ ghə̂ ghən ghə sày kɔʼnə, ghaa loʼ ghə fɔɔngili tə̀ də̀ŋ kə, kə loʼnə Zə̀ kə, ghaa loʼ naʼ i zow zə, ghaa loʼ ghə̂ a Kəzə̀, ghaa loʼ ghə̂ ghən tə sày kɔʼ nə̀ ghə naʼa ghəə a wi a dzuŋu ghən tə ghəŋŋənə. Tə tɔŋɔ nuu shi bə ghaa nə kələm, naŋa bə ghaa n dzɔbə dzɔbə kə tsə kə wi.