Lukas 18:38 - Kaa n Kəzə̀ n fəghə mə

³⁸ Tə n buʼ shi kɔʼ kɔbɔŋ dza, “Yeso waa sali ndaw i Devid, kwɔɔlə sî zə n kow mə.”

Lukas 18:38 Mawu Ofanana

Matyo 12:23

Dzuu zə n ngii zum aghə̂ adzəm, ghə n bəbə n wû i ghə nə̀, “À wən sə̀ loʼ Waa Fɔ̀ɔ Devid mɔ?”

Matyo 15:22

Weyzən ə Kanan u loʼ wə tə â muunə n dəŋə kə tii kə n ndòw bə n səə Yeso, dey dza tə̀ wi nə̀, “Mûkəbii, Waa Devid, Kwɔɔlə sî zə n kow mə̀, zay kə bəbə kə loʼ kə fəmmə waa wuŋ u zən wə, tə way kədzuŋ.”

Matyo 21:15

Ambə ghə fɔɔngili a nii ghə nsə ghə̂ a dii a kəlaŋ a koʼ tsunə faalə mey tə ghəŋŋənə, nsə ghinətəghə ghey ghə â buʼlənə bɔŋ mə n ndaw Kəzə̀ i nii zə, dza nə̀, “Kali u loʼ tə̀ waa Devid.” Ghə n fəələ nay ndòw unəghə tii.

Matyo 21:9

Nɔɔ kə aghə̂ key kə â ndòwnə isə nsə a ghey ghə â bəghənə ibam n buʼu shiə kɔʼɔ nbɔŋ dza nə̀, “Kali u loʼ tə̀ Waa Devid! Zə̀ kə buulə wù wey tə bəghənə n zəd i Mûkəbii! Kali u loʼ tə Zə̀ kə idəŋ kə!”

Matyo 9:27

Nghee tə̀ Yeso zə̀ghə tsunə fu, nuu daŋŋə ndow, ghə̂ à fəbə a loʼ ghə abəghə n nuu ndòw n bàa wi. Ghə n dey dza ndòw tə̀ wi nə̀, “A waa Devid looo, kwɔɔlə sî zə n kow ghey!”

Lukas 18:37

Ghə n dza ndòw tə̀ wi nə̀, “A loʼ Yeso, wù Nazaled tə tsəghənə.”

Lukas 18:39

Ghə̂ ghey ghə â ndownə isə n kii ndòw wi dza tə wi nə̀, “doʼo mɔŋ”, tə n fəd baa buʼ shi kɔʼ kəbɔŋ dza, “Waa sali ndaw i Devid, kwɔɔlə sî zə nkow mə.”

Roma 1:3

Tûm tii loʼ bòʼ waa wi Yeso Klisto, ghə â ji bənə wi fa n mbi tə a loʼ waa waa fɔɔ Devid.

Chi dii 22:16

“Mə Yeso, mə n tûm bə tsəndəghə zuŋ nə tə bə naʼa bə ghəə ghən tə̀ ghaa n dzəŋi u dzûmə tə Klisto. N loʼ waa waa fɔɔ Devid, n loʼ səghəbələ fə n bələbələ tə fən fə nyiəllənə.”