Lukas 18:19 - Kaa n Kəzə̀ n fəghə mə

¹⁹ Yeso n bəb ndòw tə wi nə̀, “A loʼ kee wə tɔŋɔnə mə nə a loʼ wù dzuŋu wə? A loʼ kə Kəzə̀, tə loʼ nə wù u dzuŋu wə, wù loʼ kəm way.”

Lukas 18:19 Mawu Ofanana

Lukas 1:35

Tsəndəghə ə Kəzə̀ zey n beeli ndòw wi nə̀, “Zay kə Zow kə î tsuu bə n kow wɔ, daʼa K-a-zə̀ kə i tsət bə wɔ. À wey loʼ ghə i tii zə ghə î tɔŋɔnə waa u zow wey wə̀ i jiənə nə̀ a loʼ Waa Kəzə̀.

Lukas 11:13

Abə ghaa ghə̂ a bəbə ghə, ghaa khənə ni fu fə u dzuŋu wə tə̀ waa a ghaa ghə, Bày idəŋ i boʼo fu ngee Zay kə Zow kə tə̀ ghə̂ ghey ghə bəb bənə tə wi!”

Lukas 18:18

Ngəd ə ghə̂ a Təjuu u loʼ wə n bəb ndòw tə Yeso nə̀, “Wù dii u dzuŋu wə, a loʼ ghə i ghaa zə n khə ni teeli ghəŋŋə ni keeli muu zə itsali ə?”

Lukas 18:20

Wə̀ mgbaŋ khənu ghəə ghey laŋ u Kəzə̀ u dzanə nə̀, “Kə wə nə taa zaʼanə wey wə n kee num wə, kə wə nə wey wù, kə wə nə tsɔŋɔnə, kə wə nə badlanə ghəə ghə n tow kə wù, i ngɔɔmə bày wə ghi nay wə.”

1 Timoti 3:16

Isəŋə loʼ nə̀, wù loʼ tsəm way ni tuu maʼa ghəə zey i nyi doʼonə n ghəə a Kəzə̀ nə̀, Klisto â bə tə a loʼ wù sɔŋtsuʼ, Zay kə Zow kə n dii bə nə tə loʼ tsətsəghə, Tsətəndəghə tə Kəzə̀ tə koʼ ndow wi, Ghəŋə nə̀ ghə naʼa tûm kùm wi tə ghə̂ ghən ghə ka bəghəm tə Zə̀ kə n naʼa tə mbi tədzəm. Ghə̂ a mbi ghə n bəghəm fuu tə wi. Ni fuu wi n kɔʼləmə, Zə̀ kə n ney kɔʼ ndow wi idəŋ, naŋa ndow wi n kpii u wi u təmə wə.

Hibru 7:26

Yeso sey loʼ fɔɔngili u nii nii wən tə kɔʼ kpiinə ni laalə ghəə a saa ghə. Tə u zow, khə way bwu zə nkee bəb i loʼ zə n kow wi. Zə̀ kə a ney nuu shi kɔʼ wi n fəŋŋə kə ghə̂ a bəbə ghə, kɔʼlə naŋa kɔʼ wi idəŋ.

Jems 1:17

Keeli tsu na nə a loʼ Zə̀ kə idəŋ kə, kə fuunə ghəə a dzuŋu ghə nsə fə u dzuŋu wən a keelinə fa n mbi udzəm. À loʼ wi tə khənə daa wən u loʼ idəŋ udzəm. Tə kweyyə koʼo tsə way n doʼo i wi tə a loʼ daa u wi wən u kweyyənə n jìi zey u baŋanə tii.