Lukas 18:14 - Kaa n Kəzə̀ n fəghə mə

¹⁴ Yeso n dza tə ghə nə̀, “Â way dzə wù Falasi, â fəd loʼ wù kwɔɔ u kəmàʼlə wən tə â loʼ tsətsəghə n sə kə Kəzə̀. Kuum nə̀, abə wù ney kɔʼlə naŋŋə kɔʼnə wû u wi wə, tə i keeli way ngɔɔmə zə, abə wù fəd zûŋ tsunə wû u wi wə, tə n fəd bə keeli ingɔɔmə, ghə n ney kɔʼlə naŋa kɔʼ wi.”

Lukas 18:14 Mawu Ofanana

Matyo 23:12

Abə wù ney kɔʼlə naŋa kɔʼnə wû u wi wə, Zə̀ kə i tsuulə tsu wi. Abə wù tsuulə tsunə wû u wi wə, Zə̀ kə i kɔʼlə naŋa kɔʼ wi.”

Matyo 5:3

Buulə i loʼ tə̀ ghə̂ ghey ghə koʼo keelinə nə̀ fə̀ŋ tə ghə tə taw way n sə̂ K-a-zə̀, N təŋkey, fɔɔ wə idəŋ u loʼ tə̀ ghə.

Lukas 1:52

Tə n tsuulə ghə̂ ghey ghə loʼ nə də̀ŋ u nii wə n kuu u ghə, ney kɔʼlə naŋa kɔʼ ghə̂ ghey ghə tsuulə tsunə wû i ghə zə.

Lukas 10:29

Wù tii n ləghə ni dii nə̀ tə â ghəŋŋə way ghəə a bəbə ghə. Sey, tə n bəb ndòw tə̀ Yeso nə̀, “Waa zə̂ wùŋ lòʼ ndee?”

Lukas 14:11

Təŋkey, wù wey tə kɔʼlənə wû u wi wə, tə i fədlə keeli ulən, abə wù wey tə kɔʼlə way wû u wi wə, ghə i kɔʼlə naŋa kɔʼ wi.”

Lukas 16:15

Yeso n dza ndòw tə̀ ghə nə̀, “À loʼ ghaa, ghaa diinə wû zə n sə kə aghə̂, nə ghaa loʼ ghə̂ a dzuŋu ghə, Zə̀ kə a kee koʼonə fə̀ŋ tə ghaa tə. Sey, fə wey wù sɔŋtsuʼ gaʼanə fəŋ tii, u fədlə ləbinu tə̀ Zə̀ kə.

Roma 3:20

I loʼ nə̀, wù umɔʼ way dzə tə doʼlənə tsətsəghə n sə K-a-zə̀ a dza tə naŋŋə kəlaŋ, n təŋkey laŋ kə fədlə ghəŋŋə nə̀ wù keeli nə̀ tə n bəb i ghəŋə.

Roma 4:5

À kee loʼ nə̀ ghə̂ a doʼlə dzə way tsətsəghə n sə K-a-zə̀ bòʼ fwaʼ key ghə fwaʼanə, à fəd loʼ bòʼ bəghəm i fə̀ŋ zey ghə khənə n kow Zə̀ kən kə neyzəənə bəb i ghə̂ a bəbə ghə.

Roma 5:1

Nghee tə̀ Zə̀ kə neynə saa nə̀ saa loʼ tsətsəghə n sə kə wi n təŋkey saa bəghəm tə wi, saa kəm khə way chɔdwə ghi wi n bam i Mûkəbii saa Yeso Klisto.

Roma 8:33

À loʼ ndee tə loʼ ni ney bə saʼ n kow ghə̂ ghən Zə̀ kə sày naŋanə ə? Wù umɔʼ tsəm way, à may kə Kəzə̀ kə ghəŋŋənə nə̀ ghə doʼo tsətsəghə n sə kə wi.

Galeshia 2:16

Saa khənu nə̀, a way dzə laŋ wey wù naŋŋənə, u ghəŋŋənə nə̀ tə doʼo tsətsəghə n sə kə K-a-zə̀, à loʼ bəghəm i fə̀ŋ zən wù khənə n kow Yeso Klisto. À wey loʼ zuŋ key saa ghən saa loʼ nə ghə̂ a Təjuu ghə, saa â bəghəm tə Yeso Klisto sey nə̀ saa doʼo tsətsəghə n sə K-a-zə̀ n bam i bəghəm i fə̀ŋ zən saa khənə n kow wi, a way dzə n laŋ wey saa naŋŋənə. Isəŋə loʼ nə wù loʼ way dzə tə i doʼlənə tsətsəghə n sə K-a-zə̀ a dza tə naŋŋə laŋ wə inaʼ.

Jems 4:10

Zuŋ tsu na wû i ghaa zə n sə̂ kə Mûkəbii, sey, tə i kɔʼlə naŋa kɔʼ ghaa.

Jems 4:6

À kee loʼ nə̀ Zə̀ kə n fuu saa n ndzuŋ ə wi naʼ idzəm nə̀ kə moʼlə tə saa tə bəbə tə nə taw tsəghənə saa. À wey loʼ ghə i tii zə i tɔ̀ɔ doʼo n màʼlə K-a-zə̀ nə̀, “Zə̀ kə tsuulə tsu ndzə̂ ə wù wən tə ghaŋŋənə wû wə, kee dii ndzuŋ ə wi tə wù wən tə zuŋ tsunə wû u wi wə.”