Lukas 18:12 - Kaa n Kəzə̀ n fəghə mə

¹² N bam idzuu ntsuʼu nbəghə nə iwən, mə n fu soʼo tsow zuŋ n taŋa fə wən udzəm n khənə.’

Lukas 18:12 Mawu Ofanana

Matyo 5:20

N dza bə tə̀ ghaa nə̀, a gɔʼɔ kə nə̀ muu i ghaa i loʼ tsətsəghə n sə k-a-zə̀ tsəghəshi tsu i ghə̂ a dii a kəlaŋ ghə nsə ghə̂ tə Falasi ghə, wù ghaa umɔʼ î way ni nyi dzə n fɔɔ wə idəŋ wə.”

Matyo 6:1

Yeso n kəm dza tə ghə nə̀, “Ney na ghə̂mə zə, kə̂ ghaa nə̂ ghəŋŋənə ghəə a Kəzə̀ a ghaa ghə n sə̂ kə aghə̂ ni dii iwû nə̀ ghə̂ ghə i tɔʼɔ koʼo bə ghaa. Abə ghaa ghəŋŋənə sey, ghaa i keeli dzə way naamə kə loʼ kə n wɔ Bày ghaa idəŋ.”

Matyo 6:16

Yeso n dza tə̀ ghə nə̀, “Abə ghaa bamnə dzuu zə, kə ghaa nə njuʼu naŋŋənə koʼ tə tə̀ ghə nəb ityim a ghəŋŋənə, n təŋkey, ghə njuʼu naŋŋə tsuu təkoʼ tə̀ ghə̂ ghə koʼo bə nə̀ ghə bam idzuu. N dza bə isəŋə tə̀ ghaa nə̀ ghə n keeli tən naamə kə ghə kə.

Matyo 6:5

Yeso n nam dza ndow tə̀ ghə nə̀, “Abə ghaa dza i gɔŋŋə, kə̂ ghaa nə̂ ghəŋŋənə tə̀ a loʼ nghee ghə nəb ityim a ghəŋŋənə, n təŋkey, ghə ləghə ni təmi gɔŋŋə n ndaw tə udzəŋi tə ghə̂ a Təjuu nsə n faabə tə jìi sey nə̀, aghə̂ adzəm i koʼo bə ghə. N kuum dza bə tə̀ ghaa nə̀, ghə n sey keeli tən naamə kə ghə kə.

Matyo 9:14

Dzûmə tə Jɔn wù fuu u mmuu n Kəzə̀ mə n bə kòʼ tsu Yeso, bəb tə̀ wi nə̀, “A loʼ kee ghey ghi ghə̂ a tə Falasi a bamnə dzuu ghə, dzûmə tə tey tə a kee bam way ə?

Lukas 11:42

Ngoʼ loʼ tə̀ ghaa ghə̂ a tə Falasi ghə, n təŋkey ghaa tɔʼɔ ghəəmə tsuu sa ni dzawwə fə̂ u ghaa udzəm nə tə badla ighəm ni fu naamə K-a-zə̀ tə laŋ kə diinə, kasə̀ tow ufə̂ wey u shiənə n sûm i ghaa, kee saʼa way tsətsəghə, dii soʼo way ləghə zə tə̀ Zə̀ kə. Ghaa khə ni ghəŋə ghəə a tii ghə adzəm nə̀ ghaa naŋŋə taʼa way i loʼ zə.

Lukas 17:10

A loʼ soʼo ighələ ghi ghaa, abə ghaa fwaʼ may tsunə fwaʼ kə ghaa kə, ghaa n dza tsu nə̀, ‘Ghey maŋ loʼ ghə̂ a kəfwaʼ, ghey mə sa fwaʼa fwaʼ kə ghey.’”

Roma 3:27

I sey diinə saa way dzə ni ghaŋŋə iwû nə̀ saa n ghəŋə ghə i loʼ zə tə̀ Zə̀ kə ni ney saa nə̀ saa loʼ tsətsəghə. Saa way ni ghaŋŋə iwû n təŋkey, Zə̀ kə ka bəghəshi dzə saa a dza saa naŋŋə kəlaŋ, a fəd loʼ bòʼ bəghəm i fə̀ŋ zən saa khənə n kow Yeso.

1 Kɔrint 1:29

Zə̀ kə â ghəŋə sey ni ghəŋə nə̀ kə wù sɔŋtsuʼ u loʼ u nə ghaŋŋə wû n səə wi.

Galeshia 1:14

Mə â ney kəsə̂ n ghaŋ fuŋ n ghəə a Kəzə̀ a ghə̂ Təjuu, mə n ngii khə zày n ghəə ghə inaʼ a ghə bày bày ghuŋ.

Efesus 2:9

A way dzə bòʼ fwaʼ kə ngəŋ kə ghaa Zə̀ kə bəghəshinə ghaa, à loʼ boʼ fə̀ŋ i dzuŋu zey Zə̀kə khənə n kow ghaa, tə bəghəshinə ghaa. Sey, kə̂ wù nə ghaŋŋənə wû u wi wə.

1 Timoti 4:8

I dzɔbənu ni dəŋ naŋa wû wə ni naalə wû wə, a kee loʼ nə̀, a dzɔb tsəghəshi ni dəŋ naŋa wû wə n ghəə a Kəzə̀, n təŋkey, ghəə a Kəzə̀ a khə təb key kə khənə muu zən nya nsə i zey zə i nam khə ni bə.