Lukas 17:30 - Kaa n Kəzə̀ n fəghə mə

³⁰ I nə bɔɔmə loʼ soʼo sey n tsuʼu n Waa wù sɔŋtsuʼ.

Lukas 17:30 Mawu Ofanana

Matyo 16:27

Waa weynum bəghənu n ghaʼ i bày wi zə nsə tsətəndəghə tə Kəzə̀ tə. Tə î naamə kə wù n fwaʼ key tə fwaʼnə.

Matyo 24:3

Nghee tə̀ Yeso doʼnə n kaʼ u Oliv, ngəd tə wi tə n ndòw bə n səə wi, tsɔŋ bəb tsu tə̀ wi nə̀, “Dza bə tə̀ ghey, ghəə ghən ghə î ney zeeli bənə kə ə? À loʼ tsəə i ghaa zə zə̀ î diinə nə̀ nəŋə i tii zə n shɔd tə̀ wɔ ni bə nsə nə̀ mbi zən nya dza i may ə?”

Matyo 24:37

Bə̀ i Waa Weynum zə î doʼlə tə̀ nghee ghəə ghə â loʼnə n nəŋə i Noa.

Matyo 24:39

Ghə n ka zowkeeli ghəə zey i shiənə ni ndòw kuum n nəŋə zey dzuu â luu shi bənə tii, kuŋŋə maʼa kɔʼ ghə. Zə î bɔɔmə doʼlə soʼo sey abə waa weynum î bənə.

Matyo 26:64

Yeso n beeli ndòw wi nə̀, “I loʼ tə̀ wə dzanə. N kee dza bə tə̀ ghaa nə̀, ni nuu tsu nya ndòw isə, ghaa î koʼo Waa Weynum tə doʼnə n kpii u təmə u Kəzə̀ wə, Zə̀ kən kə khənə daʼa wə udzəm. Ghaa i koʼ soʼo tə shiə tsu bənə n bikighow nə təmbaʼ.”

Malakus 13:26

Ghə̂ ghə i daŋŋə koʼ Waa Wù sɔŋtsuʼ tə bəghənə nə təmbaʼ n daʼa kə nsə ghaʼ zə.

Lukas 17:24

Təŋkey, bə i waa wù sɔŋtsuʼ i nə loʼ n mgbaŋ, tə a loʼ ighow i mualə nə n bad kə bikighow kəmɔʼ kuum ndow n bad kə loʼ key.

Lukas 17:29

Ambə n tsuʼ fey Lɔd zə̀ghə̀ tsunə Sodom, vəllə wə n tsu bə n bikighow nsə bvəkə uvəllə kə, tə ghow i nə tsuulənə n tətay mə, bə ləŋi maʼa tsu aghə̂ adzəm.

Lukas 21:22

Təŋkey a wən loʼ nəŋə i zow i ngoʼ zə, ni luulə ghəə ghey ghə tɔ̀ɔ naŋanə n màʼlə K-a-zə̀.

Lukas 21:27

Sey ghə nə daŋŋə kòʼ Waa wù sɔŋtsuʼ tə bəghənə nə təmbaʼ ghi daʼa kə səŋŋi kə nsə kɔʼlə mə.

1 Kɔrint 1:7

Sey, ghaa khə maynu naamə wey Zay kə Zow kə fuunə, nghee tə̀ ghaa ləmmə tənə nə tsuʼ fey Mûkəbii ə saa Yeso Klisto i bəghə dzəŋŋənə tii.

1 Kɔrint 1:8

Tə i keyyə ghaa nə̀ ghaa i taw n bəghəm i fə̀ŋ i ghaa ni ndòw kùm ndow, sey nə̀, ghaa i khə way bwu i loʼ zə n muu i ghaa n tsuʼ fey Mûkəbii saa Yeso Klisto i bəghə dzəŋŋənə tii.

Kolose 3:4

Abə Zə̀ kə i dii bənə Klisto wən tə baa khənə muu i ghaa zə tə mbi, ghaa i loʼ dzəŋi ghi wi n ghaʼ i wi.

2 Tesalonika 1:7

Tə i ghəŋŋə nə̀ ghaa ghən ghaa fəʼlənə nya nə̀ ghaa keeli izayyə, tə ghəŋə soʼo nə̀ ghey zayyə. Zə̀ kə i ghəŋŋə ghəə ghən abə Mûkəbii Yeso i tsu bənə idəŋ ghi tsətəndəghə tə wi tə nii tə.

1 Pita 1:13

Sey ghaa khə ni bayyə naŋa tsu fə̀ŋ tə ghaa ni fwaʼ. Ghaa teyyə kɔʼ kətow idəŋ, naŋŋə tsu soʼo ghow kə ibwey kə ghaa ni fwaʼ fwaʼ key Zə̀ kə ləghənə. Ghaa i ləmmə tənə ndzuŋ zey ghaa i keelinə abə Klisto i dzəŋŋə bənə.

1 Pita 1:7

Chɔt mən loʼ ni dii bə nə̀ bəghəm i fə̀ŋ i ghaa i ndzəm loʼnu. Kasə tsaa zən i loʼ ni bəb, ghə nam mɔm koʼonu nə uvələ. Nghee bəghəm i fə̀ŋ i ghaa i tsəghəshi kə tsaa zə, ghə khə soʼonu ni mɔm koʼ, sey nə̀ ghaa loʼ ni taw tsəghə ghəə a mbi. Abə ghaa ghəŋənə sey, Zə̀ kə i ghəŋə nə̀ ghə̂ a kali ghaa, ghə fuu ghaa n kɔʼlə mə nsə ngɔɔmə zə n tsuʼ fey Yeso klisto i bəghənə a tii.

1 Pita 4:13

Ghaa khə ni fədlə duʼlə nə̀ ghaa fəʼlə soʼo ndzoʼo fəghə zey Klisto â fəghənə, sey nə̀, ghaa i loʼ ni ngii duʼlə abə tə i kəm bənə n daʼa kə wi kə səŋi kə.

1 Jɔn 2:28

Sey, ghaa ghən ghaa loʼnə waa ghuŋ ghə, ghaa doʼo tsu kə nə kəfə kəmɔʼ ghi Klisto, sey nə̀ abə tə i bə dzəŋŋə nə̀, saa i khə fə̀ŋ ni təmi n sə kə wi nə saa ka nyi doʼo bòʼ tow kə dədlə kə.

1 Jɔn 3:2

Fə̂ ghuŋ a dzuŋu ghə, nyisa wən saa loʼnə waa a Kəzə̀ ghə, saa kam khə way fə key saa i bə doʼlənə ghii kə. Saa kee khə kə nə abə Klisto i bənə, saa i bɔɔmə doʼlə kə tə a loʼ wi, n təŋkey, saa i koʼo ndow kə wi nghee tə bɔɔmə loʼnə tii.

Chi dii 1:7

Koʼo na! Tə wey tə bəghənə nə təmbaʼ! Ghə̂ adzəm i koʼo wi, ghə̂ ghey ghə â tsuʼnə wi, i koʼ daŋŋə soʼo wi. Ghə̂ adzəm fa n mbi ghə i deyyə bòʼ wi. Zə i bɔɔmə doʼo kə sey! I doʼo sey.