Lukas 17:29 - Kaa n Kəzə̀ n fəghə mə

²⁹ Ambə n tsuʼ fey Lɔd zə̀ghə̀ tsunə Sodom, vəllə wə n tsu bə n bikighow nsə bvəkə uvəllə kə, tə ghow i nə tsuulənə n tətay mə, bə ləŋi maʼa tsu aghə̂ adzəm.

Lukas 17:29 Mawu Ofanana

Lukas 17:28

A loʼ soʼo sey zə â shinə n tsuʼu n Lɔd, ghə̂ ghə a zəənu, məə, fiillə, zuu ufə, vəllə isum, bəghə təndaw.

Lukas 17:30

I nə bɔɔmə loʼ soʼo sey n tsuʼu n Waa wù sɔŋtsuʼ.

2 Pita 2:6

Zə̀ kə â chɔd tsu ghə̂ a naʼ Sodom nsə naʼ i Gomora zə nghee tə à ghəŋənə nə̀ vəllə u ləŋi maʼa naʼa tə tii tə, tə fəd doʼo kɔʼ udzəm. Ghəə zey tə â ghəŋənə tə̀ ghə̂ a naʼa tən loʼ ni dii naŋa ndow tə̀ ghə̂ ghey ghə ghəŋŋənə ghəə ghey Zə̀ kə ləghə way, ndzoʼo ghəə zey zə i shiənə n kow ghə.

Màʼlə kə Jud tə̀ ghə̂ a Kəzə̀ ghə 1:7

N jii i mɔʼɔ zə, kə ghaa nə neyzəənə nghee naʼ i Sodom, naʼ i Gomora nsə naʼa tən tə â dzəŋ ngəə bənə ghə, â fuu may ndownə wû i ghə zə ni ghəŋŋə ghəə a laŋŋə ghə nsə dzəə dzəə tə aghəə tə. Ghə loʼ tə a loʼ tsəə tə ghə̂ ghey ghə i fəʼlənə n vəllə wən u nəmmə koʼo tsə way.

Chi dii 11:8

Vən a ghə ghə i nyəŋi doʼo n jii naʼ i səŋi zən ghə â weynə Mûkəbii ə ghə tii n zat kə fəkaʼ. Zəd i ndzɔŋ zə inaʼ i tii i loʼ Sodom nsə Ijip.

Chi dii 14:10

ghə i məə soʼonu lə n Kəzə̀ mən n loʼnə nəghə u fəə wə, tə feeli tsunə udzəm nə̀ ghə ka nyɔɔmə n wɔɔ nəghə u Kəzə̀ u fəə wə. Ghə i chɔdlɔ ghə n faalə kə uvələ kən sɔlfɔ ghəŋə nə̀ wə i ndəŋə bəʼlə n sə kə tsətəndəghə tə Kəzə̀ tə zow tə nsə n sə kə Waa Nji zey.

Chi dii 19:20

Ghə n fəd kwu fìi naŋa ndow faalə kə nyam mbvən key ghi tûm tə Kəzə̀ tə tsɔŋɔ tən tə â ghəŋŋənə faalə n tsɔŋɔ mə n sə kə wi. (À loʼ faalə n tsɔŋɔ mən tə a diinə, mə â ghəŋənə nə̀ ghə̂ ghən ghə â neynə tsə̀ə faalə kə nyam mbvən kən nsə ghə̂ ghən ghə â ngɔɔmənə muʼu fən fə fiilənə wi nə̀ ghə nyəŋ laʼ n baa wi). Ghə n kwu tsu faalə kə nyam mbvən key ghi tûm tə Kəzə̀ tə tsɔŋɔ tən maʼa nyi tsu utaw n nyî zə uvələ u bəʼlə ghi fə kə loʼ ghə tɔŋŋə nə̀ a loʼ sɔlfɔ.