Lukas 17:24 - Kaa n Kəzə̀ n fəghə mə

²⁴ Təŋkey, bə i waa wù sɔŋtsuʼ i nə loʼ n mgbaŋ, tə a loʼ ighow i mualə nə n bad kə bikighow kəmɔʼ kuum ndow n bad kə loʼ key.

Lukas 17:24 Mawu Ofanana

Matyo 24:27

Bòʼ nə̀, Waa Weynum î bəghə tə̀ ghow i nə̂ mwàalənə n bəkighow, luʼu tə n baŋ nay ndòw ni nuu tsu n bad key tsə̀ shiə kɔʼɔ bənə tii ndòw kùm n bad key tsə̀ nyiə tsu ndòwnə tii.

Matyo 24:30

N nəŋə i tii zə, tsəə ni dii tsu nə̀ Waa Weynum nya bəghənu i dii bə n bəkighow, ghə̂ a naʼa tə mbi tən tədzəm ghə i dey abə ghə koʼnə Waa Weynum tə shiə tsu bənə nə təmbaʼ n daʼa kə nsə ghaʼ i wi i nii zə.

Matyo 25:31

Yeso n dza tə ghə nə̀, “Abə waa weynum î bənə n wû u kədə̀ŋ ghi tsətəndəghə tə Kəzə̀ tə tədzəm ghi wi, tə i bə doʼo tsu n kuu kə ufɔɔ kə wi.

Matyo 26:64

Yeso n beeli ndòw wi nə̀, “I loʼ tə̀ wə dzanə. N kee dza bə tə̀ ghaa nə̀, ni nuu tsu nya ndòw isə, ghaa î koʼo Waa Weynum tə doʼnə n kpii u təmə u Kəzə̀ wə, Zə̀ kən kə khənə daʼa wə udzəm. Ghaa i koʼ soʼo tə shiə tsu bənə n bikighow nə təmbaʼ.”

Matyo 5:15

Wù daa way daa kə tə n kəm nyi naŋa ndòw n tənə kəkuu. Tə fədlə teyyə naŋa kɔʼɔ n sə̂ a zow ghə nə̀ kə i baŋa n ndaw idzəm.

1 Kɔrint 1:8

Tə i keyyə ghaa nə̀ ghaa i taw n bəghəm i fə̀ŋ i ghaa ni ndòw kùm ndow, sey nə̀, ghaa i khə way bwu i loʼ zə n muu i ghaa n tsuʼ fey Mûkəbii saa Yeso Klisto i bəghə dzəŋŋənə tii.

1 Tesalonika 5:2

N sey dza n təŋkey, wû i ghaa, ghaa khənu nə̀ Mûkəbii nə̂ vuŋŋə bəghə tə̀ wû tsɔŋɔ nə̂ bəghənə tii n tsuʼu tə.

2 Tesalonika 2:2

kə̂ ghaa nə̂ keelinə fəmmə kə loʼ kə n fə̀ŋ tə ghaa, abə ghə̂ a loʼ ghə bə dza bənə tə̀ ghaa nə̀ tsu fey Mûkəbii khə ni bə tii n kpii. Kə̂ ghaa nə̂ bəghəmnə ghɔɔmə i tii zə, abə ghə tsəm dza bə kənə tə̀ ghaa nə̀ a dza bə Zay K-a-zə̀, nkee nə̀ a dza tûm tə Kəzə̀ nkee nə̀ a tɔ̀ɔ bə ghey.

2 Tesalonika 2:8

Abə ghə i ney nuu tsunə wù wey tə kwɔɔ ghəə ghən, wù wən tə sii ndzəŋŋənə ghə̂ ghə i dii bə uwû. A kee loʼ nə̀, Mûkəbii Yeso i bəghə wey maʼa daʼa kə wi n zuʼ tə idzuu tə wi, tə ləŋi maʼa wi n nyiələ i wi.

Jems 5:8

Kôw tsu soʼo na fə̀ŋ tə ghaa tə, ghaa təmi taw tsu, n təŋkey, bə i Mûkəbii zə n shɔd.

2 Pita 3:10

A kee loʼ soʼo nə̀ tsuʼ fey Mûkəbii i bəghənə tii, wù loʼ i keeli naŋa way. Tə i bəghə nə̀ ghaa ka keeli naŋa tə̀ wù tsɔŋɔ nə bəghə nə̀ ghaa ka keeli. N tsuʼ fə tii fə, dəm kə nə kwɔɔ nghee dəŋ kə saŋa nuulə nyiə ndownə. Zə̀ kə nə ləŋi maʼa fə wən udzəm u loʼnə idəŋ nə uvələ. Ghəlikətsə nsə fə wən udzəm u loʼnə tii i saŋ nuu tsu.