Lukas 17:21 - Kaa n Kəzə̀ n fəghə mə

²¹ Wù loʼ î dza dzə way nə u wey fey, nkee u wənə fa, n təŋkey fɔɔ u Kəzə̀ u loʼ n fəŋŋə kə ghaa.”

Lukas 17:21 Mawu Ofanana

Matyo 12:28

Abə n dzùm shiənə zay u bwu wə n daʼa kə zày K-a-zə̀, i sey dii nə̀ fɔɔ u Kəzə̀ wə n bə tə̀ ghaa.

Malakus 13:21

N tsuʼu n tii mə, abə wù loʼ i dzanə tə̀ ghaa nə̀, ‘Koʼo, wù wey Zə̀ kə â dza naŋa nə̀ i tûm bənu, tə wənə!’ Nkee ‘Koʼo tə wey fey!’ Kə̂ ghaa nə bəghəm fuunə tə̀ wi.

Lukas 17:23

Ghə̂ a nə dza tə ghaa nə̀, “Tə wey fey, nkee tə wənə fa.” Kə ghaa nə dzûmənə ghɔɔmə i ghə zə.

Lukas 21:8

Yeso n beeli ndow ghə dza, “Ney na ghə̂mə zə kə̂ ghə nə nəbənə ghaa. Təŋkey ndəmə aghə̂ nə bəghənu n zəd zuŋ, ghə nə dza nə̀ ghə fwaʼa n daʼa kuŋ, ghə nə dza tə ghaa nə̀, ‘A loʼ mə wù wey ghə̂ a ləmmə nə̀, nəŋə zə n shɔd.’ Kə̂ ghaa nə dzûmə nə ghə.

Tùm i dzuŋu zə kuum Yeso Klisto tə Jɔn â tɔɔnə 1:26

Jɔn n beeli ndòw ghə dza nə̀, “N fuu mmuu n Kəzə̀ nə mmuu, wù loʼ kee loʼ n fəŋŋə kə ghaa nə̀ ghaa khə way wi.

Tùm i dzuŋu zə kuum Yeso Klisto tə Jɔn â tɔɔnə 18:36

Yeso n beeli ndow wi nə̀, “Fɔɔ wuŋ u way dzə u mbi wə. Abə fɔɔ wuŋ u mə loʼ u mbi wə, tə ghə̂ a kəfwaʼ ghuŋ a mə ka tsəm bəghəm nə̀ ghə̂ a Təjuu a gaʼ kəwɔɔ n kow mə. A fa loʼ kə nə̀ fɔɔ wuŋ u ka shi dzə fa n mbi.”

Roma 14:17

N dza sey n təŋkey, ghəə a fɔɔ u Kəzə̀ à way dzə kə ghəə a zə̂ə ghə nkee ghəə a mə̂ə ghə, ghəə a tii a fəd loʼ nə̀ wə i zow ndow tə̀ Zay kə Zow kə, kə ghəŋŋənə nə̀ wə i ghəŋŋə ghəə ghən a kpiilənə tə̀ Zə̀ kə, muu nə ibuulə nsə ni muu nə iduʼlə.

Kolose 1:27

Zə̀ kə â ləghə ni dii bə ghaʼ i wi nsə ghəə a wi a dzuŋu ghə tə ghə̂ ghən ghə way ghə̂ a Təjuu ghə soʼo. Ghəə zey Zə̀ kə â nyi naŋanə loʼ nə̀, Klisto muu n kow ghaa, dii tsu nə̀ ghaa ləmmə soʼo ni keeli kɔʼlə mən n loʼnə tə̀ ghə̂ a Kəzə̀ ghə.